Yay vaxtına keçib-keçməmək hələ də mübahisə içindədir

Tarix: 18.03.2016 / 01:39
Bölmə: Sosial

Musa Quliyev: "Azərbaycan qütb ölkəsi olmadığından, bizdə saatların çəkilməsinə ehtiyac yoxdur"

Adil Qeybulla: "Qış və yay vaxtına keçməyin Azərbaycan kimi ölkə üçün heç bir önəmi yoxdur"

Azərbaycan Nazirlər Kabinetinin 17.03.2016-cı il tarixli, 131 saylı Qərarına əsasən, cari ilin 27 mart tarixində (bazar günü) ölkə ərazisində yay vaxtına keçid ləğv olunur. Nazirlər Kabinetinin 17.03.1997-ci il tarixli, 21 saylı Qərarı qüvvədən düşmüş hesab edilir.

Qeyd edək ki, ölkəmizdə yay və qış vaxtlarına keçidlə bağlı bir sıra tibbi-psixoloji və sosial-mənəvi problemlərin yaranmasını və İKT sistemlərinin qəbul olunmuş beynəlxalq vaxt qrafiki ilə sinxronlaşdırılması sahəsində bəzi çətinliklərin meydana gəlməsini nəzərə alaraq, AMEA-nın Rəyasət Heyəti GMT+4 (Qrinviç vaxtı+4 saat) vaxtını əsas götürməklə Azərbaycan Respublikasında yay və qış vaxtlarına keçid praktikasının ləğv edilməsini təklif edib.

Onu da qeyd edək ki, qış və yay vaxtlarının tətbiqi barədə Nazirlər Kabineti 1997-ci ildə qərar verib. Qərara əsasən, hər il oktyabrın son bazar günündə ölkə ərazisində qış, martın son bazar günündə isə yay vaxtına keçilir.

Yay və qış vaxtlarına keçidin ləğv olunması qərarını ekspertlər də müsbət dəyərləndirir. Məsələ ilə bağlı suallarımızı ekspertlərə ünvanladıq.

Millət vəkili Musa Quliyev bildirdi ki, ölkəmizdə yay-qış vaxtına keçidin ləğv olunması təqdirəlayiqdir: "Yay və qış vaxtlarında saatların çəkilməsi Azərbaycan üçün böyük əhəmiyyət daşımır. Azərbaycan qütb ölkəsi olmadığından, bizdə saatların çəkilməsinə ehtiyac yoxdur. Biz qütb ölkələrində və ya gecənin uzun olduğu ərazilərdə yaşasaydıq, enerji ehtiyatlarının qorunması baxımından buna ciddi əhəmiyyət verməyə dəyərdi. Amma bizdə buna zərurət yoxdur".

Millət vəkilinin sözlərinə görə, ildə iki dəfə saatların çəkilməsi, qısamüddətli də olsa, insan orqanizminə təsir edir və stress yaradır.

Tibbi ekspert, professor Adil Qeybulla bizimlə söhbətində qeyd etdi ki, insanların birdən-birə rejimlərinin, bioritmlərinin, bioloji saatlarının dəyişməsi baş verir: "Həmişə saat 8-də yuxudan durmağı öyrənən adam, yaxud 10-da yatmağa öyrəşən adam rejimini bir saat önə və yaxud da geri çəkmək məcburiyyətində qalır. Bu da xəstə, yaşlı və immun sistemində problem olan adamlarda müəyyən narahatlıq və diskomfort törədə bilir. Amma insanın potensial imkanları geniş olduğundan, buna da öyrəşir. Hesab edirəm ki, qış və yay vaxtına keçməyin Azərbaycan kimi ölkə üçün heç bir önəmi yoxdur. Biz bunu o vaxt Rusiyadan götürmüşük. Rusiyanın özü bundan imtina edib. Amma biz bundan asılı olub girovuna çevrilmişik. Hesab edirəm ki, burada konkret qərar lazımdır. Bunu Akademiyada müzakirəyə, yaxud da laboratoriyada buna eksperiment qoyulmasına heç bir ehtiyac yoxdur".

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...