Doğrudanmı xasiyyət uyğunsuzluğu boşanmalarda ciddi rol oynayır...

Tarix: 17.03.2016 / 01:41
Bölmə: Sosial

Bahar Qafarova: "Boşanan tərəflər çox vaxt xasiyyətlərinin uyğun gəlməməsini səbəb kimi göstərir"

"Xasiyyətlərin üst-üstə düşməməsinin tədbirini öncədən görmək lazımdır, yəni hər iki tərəf bir-birini dərindən tanımalıdır"

Ailə zaman-zaman kiçik və ya böyük problemlərlə üzləşən bir kiçik dövlət hesab olunur. Həmin problemlər həllini tapmadıqda isə, təəssüf ki, boşanma ilə nəticələnir. Statistik məlumatlara əsasən, ötən il Azərbaycanda 12 min 886 boşanma hadisəsi qeydə alınıb. Bu məlumat Ailə, Qadın və Uşaq Problemləri üzrə Komitəyə istinadən yayılıb.

Xəbərdə bildirilir ki, Azərbaycanda boşanma səbəbləri arasında "xasiyyətlərin uyğunsuzluğu" ilk yeri tutur. Ötən il Azərbaycanda bu səbəbdən 7 min 318 ailə dağılıb.

Ailədaxili zorakılıq (cinslər üzrə statistika aparılmır) səbəbindən 228, uşaqlarının olmaması üzündən isə 609 boşanmanın baş verdiyi bildirilir.

Ötən il ərzində xəyanətə görə 413, sərxoşluqla bağlı isə 369 nikaha son qoyulduğu deyilir. Narkomaniya ilə bağlı boşanmaların sayı isə 171 göstərilir. Boşananlar arasında maddi durumu səbəb göstərənlər də var. Belə ki, 302 ailə bu səbəbdən nikaha son qoyub. Daha 224 ailə isə xəstəliklər üzündən dağılıb. Boşanmaların daha çox 25-35 yaşlarında insanlar arasında olduğu bildirilir.

Nikahların dağılması ilə bağlı fikir bildirən psixoloq Bahar Qafarova bizimlə söhbətində dedi ki, hazırkı şəraitdə boşanmaların sayının artması, əslində, ənənəvi ailə institutunun yaşadığı böhranın təzahürüdür: "Bu həm obyektiv, həm də subyektiv amillərlə bağlıdır. Obyektiv amillər daha çox iqtisadi fəallığın artması, xüsusən qadınların əmək məşğulluğunun, iqtisadi təşəbbüskarlığının əhəmiyyətli dərəcədə yüksəlməsi ilə izah edilir. Subyektiv meyllər isə daha çox məlumatlılıq səviyyəsinin artması, informasiya əldə etmək imkanlarının genişlənməsi, insanların hüquqi-psixoloji biliklərinin dərinləşməsi, düşüncə tərzinin dəyişməsi, mövcud mənəvi-əxlaqi dəyərlərin nəzərəçarpacaq dərəcədə aşınması, deqradasiyaya uğraması ilə əlaqələndirilir. Boşanmaların əksəriyyəti iqtisadi səbəblərdən baş verir, yəni əmək məşğulluğu, ailəni dolandıra bilməməklə daha çox bağlıdır. Bununla yanaşı, psixoloji ziddiyyətlərin, psixo-fizioloji uyğunsuzluğun meydana çıxması, xəyanət, alkoqollu içkilərə, narkomaniyaya meyllilik, həyata münasibətin, düşüncə tərzinin çox fərqli olması, dözümsüzlük, sevginin, qarşılıqlı istəyin itməsi, valideynlərin müdaxiləsi, toplumun təsiri, tərəflərin arasında ciddi səviyyə fərqinin olması, müxtəlif sosial-psixoloji stereotiplərə qapılma və s. bu kimi amillər də mühüm səbəblər sırasındadır".

Psixoloqun sözlərinə görə, boşanan tərəflər çox vaxt xasiyyətlərinin uyğun gəlməməsini səbəb kimi göstərir: "Ancaq ən çox rast gəlinən səbəblərdən biri ailədaxili zorakılığın artmasıdır. Bu zorakılığa kiçik narazılıqlar da yol aça bilir. İşsizlik də səbəb ola bilir. Boşanmaların arasında qohum evliliklər də çoxluq təşkil edir. Ailə dağılmasının artmasının bir səbəbi də boşanmanın şərtlərinin çox asan olmasıdır. Hər hansı cəza mexanizmi yoxdur. Buna görə də çox asan evlənir və boşanırlar. Çox vaxt bir-birini yaxından tanımadan belə ailə qururlar. Müşahidələr göstərir ki, daha çox təsadüfi evliliklər olur. Belə ailələr də heç bir təzminat olmamasından, uşaqların taleyini həll etmək üçün hüquqi mexanizmin çox aşağı səviyyədə olmasındandır ki, çox asan şəkildə ayrılır. Fikrimcə, boşanmanın da şərtləri şərtləşdirilməlidir. Həm Cinayət, həm Ailə, həm də Mülki Məcəllədə. Çünki boşanma çox adi hala çevrilib. Həmçinin, çoxları öz hüquq və vəzifələrini anlamaq səviyyəsində deyil və onlara "dayan" deyəcək mexanizmlərimiz də yoxdur".

B.Qafarova onu da vurğuladı ki, ailəsini qorumaq istəyən kəs kompromisə getməyi, çıxış yolu tapmağı bacarmalıdır: "Gərəkirsə, psixoloqlara müraciət etsinlər. Və bir nüansı da unutmasınlar ki, ocağı söndürmək yox, istisinə qızınmaq lazımdır. Uşaqları ata-anasız böyütməsinlər".

Həmsöhbətimiz seksual uyğunsuzluq üzündən dağılan ailələrin olmasını dövrün bəlası hesab edir: "Tibb nə üçündür bəs? Həkimə müraciət etsinlər. Müalicə olunsunlar. Niyə ailələrini dağıdırlar ki? Bundan başqa, xasiyyətlərin üst-üstə düşməməsinin tədbirini öncədən görmək lazımdır. Hər iki tərəf bir-birini dərindən tanımalıdır. Nədən xoşlanıb, nədən xoşlanmadıqlarına qədər bilmələri məqsədəuyğundur. Valideynlər də bu işdə rol oynamalıdır. Qızların bu kontekstdə azadlıqları məhdudlaşdırılmamalıdır. İmkan yaratmaq lazımdır ki, ərə gedəcəyi oğlanın xarakterinə dərindən bələd olsunlar. Təbii, bu azadlıqdan sui-istifadə etməyin zərərini anlatmaq şərtilə."

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...