Getməsək də, görməsək də, O kənd bizim kəndimizdir...

Tarix: 15.03.2016 / 00:54
Bölmə: Sosial

Düz 27 il bundan öncə didərgin salındığımız, deportasiya edildiyimiz yurd yerlərimizin - İrəvanın, Göyçənin, Lori-Pəmbəyin, Dərələyəzin, Vedibasarın, Zəngibasarın, Ağbabanın anısına yanğı ilə...

Vətəndə Vətən həsrəti...

Bir şeir parçasından xatirimdə qalan bu misra martın ilk günündən bu günə kimi məni özünə elə bənd eləyib ki, durduğum yerdə kövrəlirəm. Kim bilir, bəlkə elə yazın gəlişi qocalı-cavanlı hər kəsi kövrəldir. Yaddaşımızda, yaşantımızda özünə yer eləyən ən kövrək xatirələr də qışın qara ağzından çıxıb yazın ilıq nəfəsinə qucağını açan ağac misalı kövrəldikcə, sevincimiz də, dərdimiz də tumurcuqlayır. Nəymiş, Allah, bu insan övladı?

Bir payızda, bir də yazda içində həsrəti göyüm-göyüm göynəyənlərin gözündəki nisgili görməkdən ağır dünyada nə var, görəsən. İllah da ki, yerə-göyə sığmayan, unutduqca unudulmayan Vətən həsrəti ola. Unutmaqmı, Vətən də unudularmı?

Dünyanın harasında olsaq və hardan baxsaq, Azərbaycan bizimçün Vətəndir. Tez-tez eşitdiyimiz "Vətən qürbətdə qaldı" harayını səsləndirənlərə iradım var. Anlayırsınızmı nə deyirsiniz? İrəvan, Dərbənd, Təbriz, Borçalı, Qarabağ qürbət ola bilərmi?

İnsan yaddaşını itirə bilər. Ancaq yaradılışdan "qürbət" dediyimiz yerlərdə hər yaz boy verən güllər, çiçəklər, sinəsində babalarımızın qəhrəmanlıq tarixini yaşadan dağlar, dərələr unutmur, unudulmur, həsrətlilər...

Gəlinlik libası geyinən ağacların sevincini anlayacaq qədər ürək səhibi olsaq, bircə dəfə təbiətin dilində danışa bilsək, yiyəsizlikdən, kimsəsizlikdən, sahibsizlikdən bağrı cadar-cadar olan torpağın dərdini anlamaq elə də çətin olmaz...

Sözümüzə, səsimizə həsrət qalan ellərimizdə indi bayram tonqalları qalanmır. Dərdə bax ki, səni doğulduğun torpağın üzünə həsrət qoyub didərgin salırlar, varın-yoxun, azın-çoxun, xeyrin-şərin tarixə qarışır, dünənini haraylasan da, harayına çatmır və beləcə, içində sınırsan, əyilirsən...

Dərd adamı əyir, atam balası...

Həsrətin dili yox, dərdin amanı.

Mən necə yaşayım bu qərib ömrü.

Qırılıb ümidim, itib gümanım,

Özümdən uzağa atmaq istərəm,

Bir sapand daşına döndərib ömrü...

Bu Novruz da gedə bilməyəcəyik, bu Novruz da içimiz göynəyəcək. Bu dəfə də tonqal sinəmizdə qalanacaq...

Vətəndəyik, qürbətdə deyilik. Ancaq yad əllərdə qalan o yurdları, o oymaqları qürbətə çevrilməyə imkan verməməliyik. Özümüz getməsək də, özümüz görməsək də, övladlarımız getməlidir, görməlidir, yaşamalıdır.

Və Qələbə tonqalı qalayacaq oğulların var olsun, Vətən!...

Hafiz Təmirov,

polis mayoru

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...