Azərbaycanın nümunəvi cəmi "277 cinayət" göstəricisi...

Tarix: 10.03.2016 / 02:28
Bölmə: Sosial

Şəmsəddin Əliyev: "Bu ondan irəli gəlir ki, Azərbaycanda cinayətkarlıqla mübarizə siyasəti kifayət qədər düzgün qurulub"

"Bütün bunların kompleks şəkildə olması cinayətkarlıqla mübarizədə ciddi nəticələrin ortaya qoyulmasına gətirib çıxarıb"

Ötən il Azərbaycanda 26 916 cinayət faktı qeydə alınıb. Əhalinin hər 100 min nəfərinə hesabı ilə qeydə alınmış cinayət hadisələrinin sayı 277 olub. Onların 57,1 faizi az ağır, 28,3 faizi böyük ictimai təhlükə törətməyən, 14,6 faizi ağır və xüsusilə ağır cinayətlərə aiddir. Bu barədə Dövlət Statistika Komitəsinin yaydığı hesabatda bildirilir.

Daxili İşlər Nazirliyinin məlumatlarına əsasən, cinayətlərin strukturunda 13 748 hadisə iqtisadi sahədə törədilən, 7 070 hadisə ictimai təhlükəsizlik və ictimai qayda əleyhinə, 4658 hadisə şəxsiyyət əleyhinə, 1439 hadisə dövlət hakimiyyəti əleyhinə, bir hadisə isə sülh və insanlıq əleyhinə olan cinayətlərdir. Qeydə alınmış cinayətlərin 283-ü qəsdən adam öldürmə və adam öldürməyə cəhd, 361-i qəsdən sağlamlığa ağır zərərvurma, 14-ü əzabvermə, 29-u adam oğurluğu (o cümlədən, 16-sı evlənmək məqsədilə qadın oğurluğu) cinayətlərinə aiddir. 330 cinayət hadisəsi xarici ölkələrin, onların 65-i isə MDB-yə üzv olan ölkələrin vətəndaşları tərəfindən törədilib.

2015-ci ildə əvvəlki ilin müvafiq dövrü ilə müqayisədə istehlakçıları aldatma və ya pis keyfiyyətli məhsul istehsal etmə və satma cinayətləri 21,4 faiz, gömrük ödənişlərinin ödənilməsindən yayınma cinayətləri 40 faiz, ictimai təhlükəsizlik və ictimai qayda əleyhinə olan cinayətlər 4,2 faiz, narkotik vasitələrin və psixotrop maddələlərin qanunsuz dövriyyəsi ilə əlaqədar cinayətlər 2,2 faiz, ictimai mənəviyyat əleyhinə cinayətlərdən fahişəliyə cəlb etmə cinayətləri 21,5 faiz, ekoloji cinayətlər 3,7 faiz, hərəkət təhlükəsizliyi və nəqliyyat vasitələrinin istismarı qaydaları əleyhinə olan cinayətlər 14,8 faiz, kibercinayətlər isə 50 faiz azalıb. Bu dövr ərzində yetkinlik yaşına çatmayanlar tərəfindən törədilən cinayətlərdə də 2,6 faiz azalma müşahidə olunub.

Bütövlükdə, Azərbaycanda əhalinin hər 100 min nəfərinə hesabı ilə qeydə alınmış cinayət hadisələrinin sayının 277 olması göstəricisini ekspertlər necə dəyərləndirir?

Məsələyə münasibət bildirən "Polisə Dəstək" İctimai Birliyinin rəhbəri Şəmsəddin Əliyevin sözlərinə görə, son 15 ildə Azərbaycanda cinayətkarlıqla mübarizənin vəziyyəti MDB ölkələri ilə müqayisədə çox yaxşı səviyydədir: "Əhalinin 100 min nəfərinə düşən cinayətlərin sayına görə Azərbaycan Respublikası çox öncül mövqedədir. Təbii ki, bir sıra ölkələrlə müqayisədə. Yəni bu sahədə kritik vəziyyət yoxdur. Bu nədən irəli gəlir? Bu ondan irəli gəlir ki, Azərbaycanda cinayətkarlıqla mübarizə siyasəti kifayət qədər düzgün qurulub. Daxili işlər orqanları əməkdaşlarının göstərdiyi səylər buna öz müsbət təsirini göstərib. Təbii ki, vətəndaş cəmiyyətinin cinayətkarlıqla mübarizədə dəstək verməsi də buna öz təsirini göstərib. Ancaq, bütün hallarda, burada ön sırada polis orqanlarının göstərdiyi peşəkarlıq dayanır. Yəni polisin peşəkarlığı, bu sahədə gedən demokratik islahatlar buna öz müsbət təsirini göstərib. Bütün bunların kompleks şəkildə olması cinayətkarlıqla mübarizədə ciddi nəticələrin ortaya qoyulmasına gətirib çıxarıb".

Vidadi ORDAHALLI

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...