İkinci devalvasiyanın avtoqəzaların sayına maraqlı təsiri üzə çıxıb

Tarix: 10.03.2016 / 02:18
Bölmə: Sosial

Şahin Camalov: "Qəzaların sayının azalması təkcə iqtisadi böhran amili ilə əlaqədar deyil"

"Müşahidələr göstərir ki, iqtisadi çətinliklər üzündən avtomobillərin sayı azalıb"

Azərbaycanda manatın təkrar devalvasiyasından sonra avtomobil qəzalarının sayı azalıb. Bu barədə mətbuata açıqlamasında "Rəvan Sığorta" şirkətinin sığorta hadisələri departamentinin rəhbəri Rüfət Quliyev bildirib.

Onun sözlərinə görə, iqtisadi böhranla əlaqədar Bakıda avtomobillərin sayı xeyli azaldığından, bu da, öz növbəsində, qəzaların sayını azaldıb: "Sürücülər sadəcə müşahidə aparsalar, Bakıda avtomobil sıxlığının azalmasının şahidi olarlar. Şəhərdə tıxacların azalması qəzaların sayına da xeyli təsir göstərib. Belə ki, ötən illə müqayisədə qəzaların sayı 30 faizdən artıq azalıb".

Rüfət Quliyev qeyd edib ki, ötən ilin fevral ayında şirkətə 106 avtomobil qəzası ilə bağlı müraciət edilmişdisə, bu ilin fevral ayında 63 sığorta hadisəsi olub. Bunların 58-i Bakıda, 5-i bölgələrdə baş verib.

Qeyd edək ki, Azərbaycanın avtomobil yollarında 2015-ci ildə 2220 yol-nəqliyyat hadisəsi baş verib və bu hadisələr nəticəsində 3159 nəfər zərər çəkib. 2014-cü ilə nisbətən hadisələrin sayı 15.7 faiz, zərərçəkənlərin sayı isə 16.9 faiz azalıb. Zərərçəkənlərin 2265 nəfəri müxtəlif dərəcəli bədən xəsarəti alıb, 894 nəfəri isə həlak olub.

Yol-nəqliyyat hadisələrinin 1934-ü yaşayış məntəqələrində baş verib, nəticədə 2710 nəfər zərər çəkib, onlardan 587 nəfər həlak olub, 2123 nəfər isə yaralanıb. 2014-cü illə müqayisədə ölənlərin sayı 25.7 faiz, yaralananların sayı isə 13.6 faiz azalıb.

Maraqlıdır, ekspertlər böhranla əlaqədar yol qəzalarının sayının azalmasını necə dəyərləndirir? Bunlar arasında nə kimi əlaqə var?

Məsələyə münasibət bildirən "Təhlükəsiz Yol" Alyansının koordinatoru Şahin Camalovun sözlərinə görə, sözügedən məsələdə bu və ya digər dərəcədə əlaqə var: "Həqiqətən də böhran amili yol qəzalarının sayına öz təsirini göstərib. Məsələ ondadır ki, son bir neçə ildə orta hesabla hər il 1100 nəfər avtoqəzalarda dünyasını dəyişirdi. Ancaq ötən il bu rəqəm nəzərəçarpacaq dərəcədə azalaraq 894 nəfərə düşdü. Hər halda istərdik ki, yol qəzalarında ölən və xəsarət alanların sayı daha da az olsun. Ancaq bir məqamı da nəzərdən qaçırmaq olmaz ki, qəzaların sayının azalması təkcə iqtisadi böhran amili ilə əlaqədar deyil. Ötən il Bakıda Birinci Avropa Oyunlarının keçirilməsi ilə bağlı görülən tədbirlər də buna öz təsirini göstərib. Məsələ ondadır ki, tədbirlərlə əlaqədar rayon qeydiyyatında olan avtomobillərin paytaxta girişinə qadağa qoyuldu. Bu, istər-istəməz, qəzaların sayının azalmasına öz təsirini göstərdi. Ancaq iqtisadi amillərin də burada rolu var. Nəzərə almaq lazımdır ki, əvvəlki kimi, kreditlə avtomobil almaq imkanları indi yoxdur. Halbuki, əvvəl bu imkanlar geniş idi. Kim necə gəldi kreditlə avtomobil alırdı. Bu da həm avtomobillərin, həm də qəzaların sayının artmasına öz təsirini göstərirdi. Ancaq müşahidələr göstərir ki, iqtisadi çətinliklər üzündən avtomobillərin sayı azalıb. Bu da, istər-istəməz, qəzaların sayının azalmasına təsir göstərir".

Vidadi ORDAHALLI

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...