Uşaq əmzikləri xərçəng risqi daşıyırmış...

Tarix: 08.03.2016 / 02:19
Bölmə: Sosial

Eyyub Hüseynov: "Uşaqların qidalanması üçün istifadə olunan plastik yemək şüşələri bütövlüklə təhlükə mənbəyidir"

Fazil Talıblı: "Uşaqlar üçün istifadə olunan əmziklər xarici ölkələrdən gətirilir"

Ümumdünya Səhiyyə Təşkilatı rezin uşaq əmzik və yemək şüşələrinin tərkibində olan kimyəvi maddənin xərçəngə səbəb ola biləcəyi ilə bağlı xəbərdarlıq edib. Söhbət MBT (Mercaptobenzothiazole) adlanan kimyəvi maddədən gedir. Sağlamlıq üçün çox təhlükəli hesab edilən bu kimyəvi maddə bütün rezin məhsullarının istehsalında istifadə edilir.

Tibbi kateter və avtomobillərin təkrar emal olunan təkərlərindən hazırlanan maddədə civə və arseniklə birlikdə başqa toksik kimyəvi maddələrin də olduğu deyilir.

Aparılan araşdırmaların nəticələrinə görə, MBT uşaqların oynatdığı yumşaq oyuncaqlarla yanaşı, ayaqqabı, hava yastıqları, elastik bantlar, əmziklər, yemək şüşələri, üzgüçülük eynəkləri, rezin əlcəklər və prezervativlərin tərkibində istifadə edilir. MBT maddəsi sidik kisəsi, qan, bağırsaq xərçənginə səbəb olur. Xüsusilə topla oynayan uşaqların yanlışlıqla bu maddəni uda biləcəyi ehtimalı var.

Ekspertlərin fikrincə, uşaqların gündəlik istifadə etdiyi əmzik və yemək şüşələrində adıçəkilən maddənin olması təhlükədən xəbər verir.

Məsələ ilə bağlı fikir bildirən Azad İstehlakçılar Birliyinin sədri Eyyub Hüseynov "Bakı-Xəbər"ə açıqlamasında qeyd etdi ki, uşaq ağladıqda valideynlərin çox vaxt istifadə etdiyi üsul, daha dəqiq desək, əşya əmziklərdir: "Əmziklərdən valideynlər tək uşaqları sakitləşdirmək üçün deyil, həmçinin onların başını qatmaq üçün vasitə kimi də istifadə edir. Müxtəlif növdə, fərqli qiymətlərlə satılan əmziklər körpənin tələblərini ödəməklə yanaşı, bir sıra mənfi cəhətlərə də malikdir. Ən təhlükəlisi odur ki, bu əmziklərin necə və hansı şəraitdə hazırlanmasını çox adam bilmir. Valideynlər əmzik və ya şüşə qida boruları hazırlanarkən onların tərkibinə hansı maddələrin vurulduğunu bilsə, onlar uşaqlarına bunları almaz".

Ekspertin sözlərinə görə, uşaqların qidalanması üçün istifadə olunan plastik yemək şüşələri bütövlüklə təhlükə mənbəyidir. Plastik qablardan istifadəyə qadağa qoyulması məsələsi uzun illərdir müzakirə olunur: "Uşaqlar üçün əmzik və borular pərakəndə şəkildə satılmamalıdır. Körpələrin geyimi və onların qidalanması üçün lazım olan hər bir avadanlıq xüsusi dükanlarda satılmalıdır. Belə ki, o dükanlar satdığı malın sertifikatını alıcıya təqdim edə bilsin".

Standartlaşdırma, Metrologiya və Patent üzrə Dövlət Komitəsinin mətbuat xidmətinin rəhbəri Fazil Talıblı qeyd etdi ki, uşaqlar üçün istifadə olunan əmziklər xarici ölkələrdən gətirilir: "Bu bazar idxal hesabına formalaşır. Bizə bu məhsullar əsasən Türkiyə, Çin, Rusiya, MDB və Avropa ölkələrindən gətirilir və bunların arasında keyfiyyətli olanları da, olmayanları da var. Təbii ki, bazarda keyfiyyətsiz məhsul təklif edən sahibkarlar araşdırılır və onların fəaliyyəti məhdudlaşdırılır".

Onun sözlərinə görə, adıçəkilən məhsulların istifadəyə yararlı olub-olmaması laboratoriya şəraitində yoxlanır: "Onlardan nümunə götürülür və bu məhsulun keyfiyyəti standartlara cavab vermirsə, həmin sahibkar barəsində müvafiq orqan tərəfindən ölçü götürülür. Lakin onu qeyd edim ki, bununla bağlı indiyə qədər bizim komitəyə heç bir şikayət daxil olmayıb. Bu da onu deməyə əsas verir ki, satılan məhsullar arasında keyfiyyətliləri üstünlük təşkil edir". Həmsöhbətimiz bildirdi ki, valideynlər uşaqlar üçün istifadə olunan məhsulları alarkən bu sahədə ixtisaslaşmış obyektlərə müraciət etməlidir.

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...