Xatırlamaq da gözəldir, xatırlanmaq da...

Tarix: 08.03.2016 / 00:43
Bölmə: Sosial

Dostayevski deyirdi ki, "Qadınlar sözləri ilə deyil, gözləriylə danışır. Buna görə də onları anlamaq üçün dinləmək kifayət etməz, izləmək də mütləqdir". Dünya yaranandan bu günə kimi adına nəğmələr qoşulan, böyük əsərlər yazılan, adı hər zaman hörmət və ehtiramla çəkilən qadınlarsız dünyanı təsəvvür etmək mümkün deyil.

Qadın həyat ağacıdır və bu ağacın çətirinin altında zalıma, zülümə yer yoxdur. Onun günəş kimi hərarətli ürəyi dilinə, dininə, rənginə fərq qoymadan hər kəsə sevgi ilə qucaq açmaq üçün insanları dostluğa, həmrəyliyə, sülhə səsləyir.

Çünki qadın həm də Anadır. Analar isə dünyanın adları ilə birgə çəkilən cənnətə çevrilməsi üçün silahların susmasını, insanlara ölüm bəxş edən müharibələrin sona çatmasını arzulayarlar həmişə...

Azərbaycan qadını da dünyada sülhün, əminamanlığın carçısıdır. Çünki ötən illər ərzində qadınlarımızın ağaran saçları çox qanlı hadisələrə şahidlik edib.

Ölkəmizdə qadınlara həmişə böyük hörmət və ehtiramla yanışılıb, etimad göstərilib, ən məsul vəzifələr etibar edilib.

Ümummilli liderimiz Heydər Əliyev qadınların cəmiyyətdəki rolu ilə bağlı siyasətin səmərəli şəkildə həyata keçirilməsinə, onların dövlət quruculuğunda, elm, mədəniyyət, təhsil, səhiyyə, idmanda və s. geniş təmsil olunmasına müstəsna əhəmiyyət verir və deyirdi: "Qadın bəşərə yaraşıq, zinət, insanlığa şərəf, şan-şöhrətdir. Qadın ucalıq, ülvilik məbədidir, ismət, qeyrət, qüdrət rəmzidir". Elə bu siyasətin nəticəsi olaraq bu gün qadınlarımız təkcə respublikamızda deyil, ölkəmizin hüdudlarından kənarda da yaxşı tanınır, beynəlxalq qurumlarda ölkəmizi ləyaqətlə təmsil edir.

Bu gün daxili işlər orqanlarında da onlarla qadın əməkdaş xidmət edir. Onlar dövlətimizin və DİN rəhbərliyinin qayğısı ilə əhatə olunur, əməyi yüksək qiymətləndirilir.

Bu bayram ərəfəsində isə bir zamanlar DİO-da xidmət edən, nailiyyətlərə imza atan, öz zəngin təcrübəsini, təqaüddə olsalar da, gənclərlə bölüşən polis veteranı olan qadınları axtarıb onların könlünü xoş etməyə qərar verdik...

Onun adını bu gün DİO-da çalışanlar ehtiramla çəkirlər. Çünki işlədiyi dövrdə həm həkim kimi, həm də qayğıkeş bir insan kimi həmkarlarımızın sağlamlığının keşiyində durub.

Polis ailəsində doğulub, polis çörəyi yeyib. Evin böyük övladının həkim olmaq arzusu valideynlərini sevindirib. Bir müddət keçdikdən sonra atası, polis polkovniki Məhi Quliyevin "istəyirəm ki, sən mənim davamçım olasan" fikri gələcək ömür yolunda onun arzularına qol-qanad verib...

Əziz oxucularımız, söhbət, əlbəttə ki, uzun illər, düz 35 il, 6 ay, 19 gün DİO-da qüsursuz xidmət edən Elmira Məhi Qızı Quliyevadan gedir. O, bu gün təqaüddə olsa da, yenə də əli işdən-gücdən soyumayıb. Yeni iş yerində görüşdüm. Otağına daxil olanda diqqətimi çəkən dibçəkdəki güllər oldu. Bir qadın əlinin hərarəti ilə torpaqdan güc, Günəşdən nur alan güllər sanki dil açıb danışmaq istəyirdilər.

Elmira xanımın maraq dolu baxışları üzümə zillənmişdi və sükutu onun səsi pozdu: "Deyəsən, siz də gül həvəskarısınız?". "Bəli", - dedim. Və beləcə, güllərə həmdəm olan qadın ömrünün, veteran Azərbaycan polisinin ömür yoluna güzgü tutub, onu ötən illərlə üzbəüz qoydum. Keçmişə qayıtmaq heç də asan deyil, onu xatırlamaq insana sevinc də yaşadır, qəm də...

"Atamı respublikada yaxşı tanıyırlar. Onun ailəsində dünyaya göz açmaq mənim xoşbəxtliyim olsa da, bu həm də böyük məsuliyyət idi. Hər addımı götür-qoy edir, hər bir hərəkətimi ölçüb-biçirdim. Evimizdə hər şey saat mexanizmi kimi işləyirdi. Bizdə hər şey dəqiqliklə ayarlanmışdı. Bu mühiti atam yaratmışdı. Bəlkə də hər adam bizdəki yaşam ritminə uyğunlaşa bilməzdi. Ancaq biz uyğunlaşmışdıq və kiçik yaşlarımızdan üzləşdiyimiz hər bir çətinliyi təkbaşına aradan qaldırmaq üçün kimdənsə kömək, dəstək gözləmirdik. Ailədə dörd övlad idik. Evin böyüyü mən idim".

Elmira xanım 1974-cü ildə Tibb Universitetini bitirdi. Daxili işlər orqanlarında 1975-ci ildən terapevt kimi xidmətə başladı. 1982-ci ildə DİN-in Tibb İdarəsinin 1 nömrəli Poliklinikasında Terapiya şöbəsinin rəisi, 1985-ci ildə isə poliklinikanın rəis müavini vəzifəsinə irəli çəkildi. 1993-cü ildə 2 nömrəli Poliklinikanın, 2000-ci ildən 2011-ci ilə-təqaüdə çıxana qədər 1 nömrəli Poliklinikanın rəisi vəzifəsində xidmət etdi.

O, keçmişə qayıdıb ötənləri yad etdikcə üzündə illərin sınağından çıxan cizgilərdə, baxışlarında "keçən günlərimi qaytaraydılar, gələn günlərimi qurban verərdim" nidasını oxuyurdum...

Təqaüddə olan polis polkovniki Zivər Xəlilova ilə bayramqabağı danışıb hal-əhval tutanda, onları unutmadığımız üçün təşəkkür etdi. "Görüşüb keçənlərə körpü salmaq, ötən illəri xatırlamaq istəyirik" deyəndə, telefonda bir anlıq susdu və tez də "yaxşı" dedi. Vədələşdiyimiz yerə vaxtından əvvəl gəlməsi məni heyrətləndirdi. Demək o, hələ də polisdəki dəqiqliyini qoruyub-saxlamışdı.

"DİO-da qadın polkovniklər barmaqla sayılacaq qədərdir və onlardan biri də sizsiniz" deyəndə gülümsəyib: "Dövlətimiz sağ olsun",- dedi.

Zivər xanım Bakıda doğulub. Azərbaycan Dövlət Universitetini bitirib. Həm işləyib, həm də təhsil alıb. İşlədiyi müəssisədən onu polisə dəvət ediblər və canla-başla razı olub. Çətinlikdən qorxmayıb, çünki atası elə bu orqanda xidmət edib.

İlk işi uşaqlarla olub. Sonradan bacarığı, uğurları sayəsində müxtəlif xidmətlərdə vəzifədə irəli çəkilib. 1977-ci ildə N.Rzayev adına Bakı Orta Xüsusi Milis Məktəbinə qəbul olunub. Vəzifə pillələrində irəli çəkildikcə bilik və bacarığını gənclərə öyrətməkdən yorulmayıb. DİN rəhbərliyinin etimadını qazanıb, nazirlikdə idarə rəisinin müavini vəzifəsinə, polis polkovniki rütbəsinəcən çətin və şərəfli yol keçib. "Azərbaycan bayrağı" ordeni ilə təltif edilib.

Zivər xanımdan yazı üçün şəkil istəyəndə "yoxdur" dedi və mən buna çox təəccübləndim. Demə, onun da peşəkar əməliyyatçılar kimi şəkil çəkdirməklə elə də arası yoxmuş. Ancaq mənim, "sizinlə xatirə üçün bir şəkil çəkdirək" təklifimə də "yox" demədi...

Bayramınız mübarək, əzizlərimiz, sizləri həmişə belə gənc, gözəl görməyi arzulayan

Hafiz Təmirov,

polis mayoru

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...