Azərbaycan turizmində ən ciddi problem - menecment zəifliyi (?)...

Tarix: 04.03.2016 / 01:14
Bölmə: Sosial

Bahadur Bilalov: "Menecmentliyi inkişaf etdirmək üçün bu sahəyə yaxşı mütəxəssisləri cəlb etmək lazımdır"

"Yerli kadrlara üstünlük verilərsə, turizm sahəsinə daha çox diqqət yetirilərsə, ölkə turizmində irəliləyiş əldə etmək olar"

Turizm artıq bütün dünyada ən gəlirli sahələrdən birinə, geniş və sürətlə inkişaf edən iqtisadi sektora çevrilib. Hazırda turizm sektoru dünya üzrə ümumdaxili məhsulun 9, ixracın isə 6 faizini təşkil edir. Turizm sektorunun davamlı olaraq inkişaf etməsi və genişlənməsi bu sektoru sosial-iqtisadi tərəqqidə əsas aparıcı qüvvəyə çevirib.

Bu özünü yeni iş yerlərinin yaradılması, turizmlə bağlı müəssisələrin və infrastrukturun qurulmasında göstərir.

Bu sahənin inkişaf etməsi üçün aidiyyəti qurumlar tərəfindən müəyyən işlər görülür. Təəssüflər olsun ki, hələ də istənilən nəticə əldə olunmayıb.

Ekspertlərin fikrincə, turizmin zəif inkişaf etməsinin səbəblərindən biri də bu sahədə menecmentliyin zəif olmasıdır.

Azərbaycan Turizm Assosiasiyası (AzTA) sədrinin müşaviri Müzəffər Ağakərimov mediaya açıqlamasında deyib ki, Azərbaycanda manatın devalvasiyasından sonra bəzi turizm şirkətləri menecmentliyi yaxşı qura bilmədiyindən, iqtisadi zərər görüblər: "Düzgün proqnozlaşdırma və planlaşdırma aparan şirkət hətta iqtisadi çətinliklərin olduğu vəziyyətdən də çıxa bilər. Azərbaycanda manatın devalvasiyasından sonra getmə turizm zəiflədi, amma yaxşı menecmentlik olsa idi, onlar bu vəziyyətdən çıxa bilərdilər. Demək, bizdə menecmentlik yaxşı inkişaf etməyib".

M.Ağakərimov hesab edir ki, problem yaradan məsələlərdən biri Azərbaycanda indiyədək həm otellərdə, həm də böyük turizm şirkətlərində turizm sahəsi üzrə menecmentliyə daha çox xarici mütəxəssislərin cəlb edilməsidir.

Menecmentliyin inkişafı üçün təkliflər irəli sürən AzTA rəsmisinin fikrincə, artıq menecmentliyi gücləndirmək üçün əcnəbi baş menecmentlərin qarşısında yerli kadrların peşəkarlığının artırılmasında iştirak etmək vəzifəsi qoyulmalıdır: "1995-ci ildən Azərbaycanda brend otellər fəaliyyətə başlayıb. Həmin vaxtdan 20 ildən çox zaman keçməsinə baxmayaraq, "beş ulduz" otellərdə bizim milli kadrların sayı azdır. Bu normaldırmı? Əslində, xarici mütəxəssislər öz yerlərinə kadr hazırlamalı idi. Onlarla müqavilə bağlayan sahibkarlar müqavilələrdə bu məsələni qeyd etməlidir".

Turizm sahəsində nailiyyətlərin əldə olunması üçün menecmentliyin inkişafının mühüm amil olduğunu turizm sahəsi üzrə ekspert Bahadur Bilalov da təsdiqlədi.

O bizimlə söhbətində bildirdi ki, memencmentlik deyəndə firmaların, otellərin, istirahət mərkəzlərinin rəhbərlərindən söhbət gedir: "Ölkəmizdə turizm firmalarına rəhbərlik, bir qayda olaraq, təsisçi, yəni firmanın sahibi tərəfindən həyata keçirilir. Bir qayda olaraq, həmin şəxs öz qohumlarını, tanışlarını ətrafına toplayaraq fəaliyyət göstərir. Otellərdə isə vəziyyət fərqlidir. Bir qayda olaraq, şəbəkə otellərinin rəhbərləri baş ofisdən təyin olunur ki, bu seçimə Azərbaycan tərəfinin müdaxilə etməsi qeyri-mümkündür. Yerdə qalan otellərə isə, bir qayda olaraq, rəhbərlər xarici ölkə, xüsusən də Türkiyə vətəndaşları təyin edilir. Fikrimcə, ölkəmizdə kifayət qədər savadlı, otellərə rəhbərlik edə biləcək kadrlar yetişib. Artıq yerli kadrlara şərait yaradılmasının vaxtı çatıb".

Həmsöhbətimiz hesab edir ki, menecmentliyi inkişaf etdirmək üçün bu sahəyə yaxşı mütəxəssisləri cəlb etmək lazımdır: "Yerli kadrlara üstünlük verilərsə, turizm sahəsinə daha çox diqqət yetirilərsə, ölkə turizmində irəliləyiş əldə etmək olar".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...