Yol polisinin cərimələdiyi 19 min sürücüdən cərimələr necə yığılacaq?

Tarix: 03.03.2016 / 01:13
Bölmə: Sosial

Kamran Əliyev: "İnsanlar müəyyən olunmayan yerlərdən keçdiyinə görə cərimə olunur"

"Piyada bir gün ərzində cəriməni ödəyirsə, 10 faiz güzəşt olunur, üç gün ərzində ödəyə bilməsə..."

2016-cı il yanvarın 1-dən fevralın 26-na kimi yol hərəkəti qaydalarının pozulmasına görə 19 min piyada cərimələnib. Piyadaların cərimələnməsinin əsas səbəbi onların yeraltı və yerüstü keçidlərdən istifadə etməməsidir. Təbii ki, piyadalar həmin keçidlərdən istifadə etmədikdə öncə öz həyatını təhlükəyə atır.

Yol hərəkəti qaydalarını pozan piyadalar inzibati qaydada cərimələnib.

Piyadaların cəriməni necə ödəməsi qaydası barədə məlumat əldə etmək məqsədilə Baş Dövlət Yol Polisi İdarəsinin şöbə rəisi, polkovnik Kamran Əliyevə müraciət etdik. O, "Bakı-Xəbər"ə açıqlamasında bildirdi ki, piyadalar yeraltı və yerüstü keçidlərdən istifadə etməməklə öz həyatını və sürücülərin həyatını təhlükə altında qoyduğu üçün, "Yol hərəkəti haqqında" Qanunda dəyişikliklərə əsasən, onlar yol hərəkəti qaydalarının pozulmasına görə İnzibati Xətalar Məcəlləsinin 153-cü maddəsinə müvafiq olaraq məsuliyyət daşıyır. İnsanlar müəyyən olunmayan yerlərdən keçdiyinə görə cərimə olunur: "Əfsuslar olsun ki, bəzi piyadalar "Yol hərəkəti haqqında" Qanunun 40-cı maddəsinə əməl etməməsi nəticəsində cərimə olunduqda, bəzən bunun xəbərdarlıqla da kifayətlənə biləcəyini deyirlər. Amma onu deyim ki, qanunvericilikdə piyadalar tərəfindən yol hərəkəti qaydalarının pozulmasına görə yalnız cərimə nəzərdə tutulub. Bu cərimələr də yeraltı, yerüstü keçidlərin olduğu ərazilərdə qaydaları pozan piyadalara tətbiq olunur. Ona görə də piyadalarımız diqqətli olmalıdır. Yeraltı, yerüstü keçidlərimiz olan ərazilərdə yolun hərəkət hissəsinə çıxaraq, həm özünü, həm də əks tərəfdə olanların həyatını təhlükə altında qoymamalıdır."

Həmsöhbətimiz onu da bildirdi ki, piyada yol hərəkəti qaydalarını pozarsa, cəriməni bir neçə yolla ödəyə bilər: "Həmin piyadanın üstündə plastik kart varsa, həmin cəriməni post-terminal vasitəsilə yerində ödəyə bilər. Amma yerində ödəmək imkanı olmazsa, yəni plastik kartı yoxdursa, o halda bir gün ərzində mərkəzi informasiya sisteminə bu informasiya ötürülür. Cərimə olunan gün tərtib olunan inzibati xəta haqqında protokolun surəti ona verilir. Piyada istənilən vaxt banka və ya poçt şöbələrinin birinə yaxınlaşıb protokolun surətini təqdim etməklə və yaxud da onun nömrəsini deyib cəriməni ödəyə bilər. Əgər piyada bir gün ərzində ödəyirsə, 10 faiz güzəşt olunur, üç gün ərzində ödəyə bilməsə, təyin olunan məbləği tam ödəməlidir. Bəzən piyadalar elə bilir ki, cərimə yazılan kimi tez gedib ödəmək olur. Ancaq elə deyil. Həmin gün o, bankda öz cəriməsini görə bilməz. Çünki bu sistemin protokolda olan informasiyanı mərkəzi informasiya sisteminə ötürməsinə bir gün vaxt lazımdır. Yalnız bu halda bankda ödəniş görünə bilər. Bir şeyi də qeyd edim ki, piyada cərimə olunan vaxt cərimə edən şəxsə pul ödəyə bilməz".

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...