Bakıda marşrut avtobus sahibkarları sərnişinlərə insan kimi baxmır...

Tarix: 01.03.2016 / 02:15
Bölmə: Sosial

Şahin Camalov: "Hesab edirəm ki, dövlət belə sahibkarlara qarşı inzibati tədbirlərə əl atmalıdır"

"Lazım gələrsə, bu cür sahibkarların həbs olunması belə, qanunvericilikdə öz əksini tapmalıdır"

Bakıda bəzi şəhərdaxili və şəhərətrafı marşrut xətləri üzrə fəaliyyət göstərən avtobuslarda vəziyyət ürəkaçan deyil. Hava yağışlı olanda ictimai nəqliyyata palçıq, çirkab suları, istilərdə isə toz-torpaq, zibil tullantılarının əlindən minmək olmur.

Hələ şəhərdaxili avtobuslar arasında qapı və pəncərələrinin şüşəsi karton, sellofonla əvəz olunanları da var. Avtobuslardakı oturacaqların vəziyyəti isə sözlə izah olunacaq vəziyyətdə deyil. Sirr deyil ki, bu gün xətdə oturacaqların üstü yağlı çirk bağlamış, tutacaq yerləri kirdən parlayan, döşəməsi dəlik-deşik, yağış-qar yağanda tavanı daman avtobuslarımız həddən artıq çoxdur. Demək olar ki, tabeliyində sərnişin marşrutları olan əksər sahibkarlar həmin marşrut xətlərində nəinki sanitar qaydalara, heç sərnişinlərin təhlükəsizliyinə riayət edilməsində də maraqlı deyillər. Qeyd edək ki, 2006-cı ildən marşrut xətləri sahibkarlara verilib.

Bakıda fəaliyyət göstərən əksər marşrutların ümumiyyətlə duracaq yeri və yoxlanış üçün mərkəz qarajı yoxdur. Marşrut sahibləri tabeliyində olan avtobusları ya hansısa boş ərazidə saxlayır, ya yaşayış binalarının qarşısını qanunsuz zəbt edir, ya da hansısa avtomobil dayanacaqlarından istifadə edir. Özlərinin mərkəzləşdirilmiş qarajı olmayan həmin marşrut sahibləri də, təbii ki, bu marşrutda işləyən avtobusların yoxlanışını vaxtında təşkil edə bilmir. Gündəlik marşrut xəttinə çıxarılan və günün ən azı 18 saatını əhaliyə xidmət göstərən həmin avtobuslar isə sərnişinlər üçün əsl təhlükəyə çevrilir. Daha doğrusu, bu prosesin sonu əksər vaxtlarda yol qəzaları ilə nəticələnir. Baş verən hadisə nəticəsində də piyada vurulmaları, sərnişin ölümləri artır.Problemlərdən biri də avtobuslardakı antisanitar şəraitdir. Yəni həmin avtobusların vaxtında təmizlənməməsi müxtəlif xəstəliklərin, epidemiyanın yaranmasına da səbəb olur. Eyni zamanda, sürücülərin sərnişinlərlə kobud rəftar etməsi halları da xeyli artıb. Xüsusən də 166 saylı mərşrut xəttində vəziyyət daha biabırçıdır.

Bütövlükdə belə neqativ hallara görə həmin sahibkarlara qarşı nə kimi qanuni tədbirlər görmək olar?

Məsələyə münasibət bildirən "Təhlükəsiz Yol" Alyansının koordinatoru Şahin Camalovun sözlərinə görə, avtobus xətlərində yaranan həmin neqativ hallara görə bilavasitə günahkar sahibkarlardır: "Bunda birmənalı olaraq günahkar xətlərə baxan sahibkarlardır. Marşrut xəttinə baxan sahibkarlar, istəsələr, dönüş yarada bilərlər. Bunu ya sahibkarlar istəmir, ya da bunda maraqlı olmurlar. Onların məqsədi yalnız qazanc əldə etməkdir. Sərnişinlərə göstərilən xidmətin keyfiyyəti onları maraqlandırmır. Belə olsaydı, marşrut xətlərində bu qədər problem olmazdı. Ona görə də hesab edirəm ki, dövlət belə sahibkarlara qarşı inzibati tədbirlərə əl atmalıdır. Məsuliyyət artırılmalıdır. Bununla bağlı cəzalar birbaşa xətt sahibkarlarına qarşı yönəldilməlidir. Hətta xəttin həmin sahibkarlardan alınmasına qədər sərt tədbirlər görülməlidir.

Bu kimi sərt cəzaların nəzərdə tutulması problemin həllində dönüş yarada bilər. Hətta lazım gələrsə, bu cür sahibkarların həbs olunması belə, qanunvericilikdə öz əksini tapmalıdır.

Çünki sərnişin nəqliyyatı xidmətində bir sıra problemlər var. Xüsusən də Nəqliyyat Nazirliyinə tabe olan marşrut xətlərində".

Vidadi ORDAHALLI

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...