Barama İnnovasiya və Sahibkarlıq Mərkəzindən yeni layihələr

Tarix: 27.02.2016 / 00:13
Bölmə: Sosial

"Azercell Telekom" MMC-nin Barama İnnovasiya və Sahibkarlıq Mərkəzi uğurlu fəaliyyətini davam etdirir. Mərkəz 2016-cı ildə də yeni və maraqlı layihələr təqdim etməyi planlaşdırır. Artıq yeni ilin ilk aylarında bu layihələrdən bəziləri həyata keçirilib.

Bu günlərdə "Sumaks" şirkətinin hazırladığı "Avtomaks" cihazının təqdimatını keçirən mərkəz bununla Azərbaycanda ilk dəfə olaraq avtomobillərin təhlükəsizliyini təmin edən yerli məhsulu təqdim etdi. Azərbaycanda bir ilk olan bu qurğunun əsas məqsədi avtomobilin təhlükəsizliyini təmin etmək və ona nəzarəti həyata keçirməkdən ibarətdir. "Avtomaks" qurğusu avtomobil və sürücü haqqında əsas məlumatları yaddaşda saxlayır. Bura maşının markası, buraxılış ili, texniki vəziyyəti, o cümlədən, sürücünün şəxsiyyəti haqqında zəruri bilgilər daxildir.

Mərkəzin dəstəklədiyi maraqlı işlərdən biri də WOWOMAN: "Tech-tech khanim" layihəsidir. WOWOMAN: "Tech-Tech khanim" Azərbaycanda xanımların informasiya texnologiyaları üzrə bilik və bacarıqlarının artırılması üçün yaradılan layihədir. Qadınların peşəkar və fərdi inkişafı üçün yaradılan bu layihə xanımların inkişaf edə biləcəyi və biliklərini artıracağı seminarların, kursların və tədbirlərin təşkil olunması ilə məşğul olur. Artıq layihənin ilk mərhələsi başa çatıb və "Microsoft" təlimlərini keçən qalib xanımlar mükafatlandırılıb. Fevralın 27-də ikinci mərhələsi başlayacaq layihə çərçivəsində yalnız xanımlar İT sayəsində təlimlərə qatılacaq və bir çox şirkətin İT mütəxəssisləri tərəfindən maarifləndiriləcək. Təlim keçən mütəxəssislər sırasında "Azercell"in məlumat xidmətləri bölümünün rəhbəri Ramin Orucov da var.

Artıq üç ildir yerli sahibkarlar üçün dünya şöhrətli "Seedstar World Competition" yarışması keçirilir və 50 ölkədən qatılan gənclərə özlərini texnologiyalar sahəsində sınamaq imkanı yaradılır. "Azercell Telekom" MMC-nin dəstək verdiyi "Seedstars World" inkişaf etməkdə olan və sürətlə böyüyən startap bazarında bacarıqlı gəncləri müəyyənləşdirmək üçün keçirilən qlobal müsabiqədir. Yarışmanın əsas məqsədi inkişafda olan ölkələrin sahibkarlarına diqqət yönəltmək, onlara yardım etməkdən ibarətdir. Azərbaycanda keçirilən yarışmada qalib gələn gənclər 2016-cı ilin fevralında İsveçrədə keçiriləcək Ümumdünya Startup Yarışmasının finalında iştirak etmək, Avropa və dünya investorları qarşısında layihələrini təqdim edərək 500.000 dollara qədər investisiya almaq imkanı qazanıblar.

Barama İnnovasiya Mərkəzi və "Azercell"in Strateji Partnyorluq və Müştəri Kanalları Departamentinin rəhbəri İmran Bağırovun sözlərinə görə, fəaliyyətə başladığı gündən ölkədə təhsilin inkişafına böyük dəstək göstərən mərkəz bu gün də bu istiqamətdə uğurlu layihələrə imza atır. "Hazırda Azərbaycan Dövlət Neft və Sənaye Universiteti ilə gələcək əməkdaşlıq barədə danışıqlar gedir. Eyni zamanda, Barama magistr proqramı çərçivəsində təhsil alan gənclər üçün "Təhsil.Online" və gənc proqramçılar üçün təlim və yarış xarakterli "Barama HackDayy 2016" layihələri üzərində çalışır. Barama İnnovasiya və Sahibkarlıq Mərkəzi eyni zamanda burada çalışan gənclər üçün mütəmadi olaraq xüsusi təlimlər keçirir, onların bilik və təcrübəsini artırmağa çalışır. Mərkəzdə çalışan gənc sahibkarların inkişafına yönəlmiş "Digital Marketing" üzrə təlim də bu baxımdan xüsusi qeyd olunmalıdır" - deyə İmran Bağırov qeyd edib.

Məlumat üçün bildirək ki, Barama İnnovasiya Mərkəzi Azərbaycanda sahibkarlığa dəstək vermək məqsədilə 2009-cu ildə "Azercell" şirkəti tərəfindən yaradılmış layihədir. Barama əsasən informasiya texnologiyaları sahəsində fəaliyyət göstərən layihələri və yaranmaqda olan şirkətləri - startup-ları dəstəkləyərək onların şirkətləşməsinə kömək edir. Barama fəaliyyətdə olduğu 6 il ərzində bir çox uğura imza atıb. Belə ki, mərkəzdə 30-dan çox layihə fəaliyyətə başlayıb, onlardan 20-i uğurla başa çatıb, hazırda fəaliyyətdə olan 4 uğurlu şirkət yaranıb. 2014-cü ildən başlayaraq Barama öz fəaliyyətini daha üstün səviyyəyə daşıyaraq professional biznes inkubatoru kimi formalaşdırıb və Barama İnnovasiya və Sahibkarlıq Mərkəzi adı altında ictimaiyyətə təqdim olunub.

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...