1500 narkoman azərbaycanlı qadın...

Tarix: 12.02.2015 / 01:50
Bölmə: Sosial

Mehriban Zeynalova: "Qadınlar müxtəlif yollarla narkotik istifadəçisinə çevrilir"
"Narkoman qadına bu gün cəmiyyətdə normal yanaşılmır, onların cəmiyyətdən təcrid olunmuş, atılmış, lazımsız biri olduğunu düşünürlər"

Müasir dünyada cəmiyyəti narahat edən problemlər içərisində ən mürəkkəbi, faciəvi nəticələrə gətirib çıxaranı narkomaniya və narkobiznesdir. Narkomaniya təkcə insanların sağlamlığına, mənəviyyatına deyil, həm də doğmalarına və sevdiklərinə əzab çəkdirir. Ən təhlükəlisi isə budur ki, insanları bu yola qıraqdan cəlb edirlər.
Əsasən də qadınları və uşaqları bu çirkin yola çəkmək daha asandır.
Açıqlanan statistik rəqəmlərə görə, Azərbaycanda 2014-cü ildə qeydiyyata alınan narkomanların sayı 28 376 nəfərə çatıb. Bu rəqəm Ədliyyə Nazirliyi Məhkəmə Ekspertizası Mərkəzinnin hesabatında əksini tapıb. Qeydiyyata alınan narkomanların 1,9%-ni qadınlar təşkil edib. Hesabatda qeyd edilib ki, narahatlıq doğuran amillərdən biri də ölkədə toksikomanlar qrupunun yaranmasıdır. 2014-cü ildə toksikoman diaqnozu ilə 130 nəfər qeydə alınıb.
Qeydə alınmış narkomanların 1344 nəfəri (narkomanların ümumi sayında xüsusi çəkisi 4,74%) 15-17 yaşda olan şəxslərdir.
Digər yaş qruplarına gəlincə, qeydə alınmış narkomanların 3893 nəfərini (13,72%) 18-24 yaş, 4147 nəfərini (14,61%) 25-29 yaş, 4296 nəfərini 30-34 yaş, 3415 nəfərini (12,03%) 40-44 yaş, 3023 nəfərini (10,25%) 45-49 yaş, 2531 nəfərini ( 8,92%) 50-54 yaş, 2227 nəfərini (7,85%) 55-59 yaş, 2014 nəfərini (7,09%) 60-64 yaş, 1482 nəfərini (5,32%) isə 65 və daha yuxarı yaşda olan şəxslər təşkil edib.
Narkoman qadınların sayının artması səbəbləri barədə "Təmiz Dünya" İctimai Birliyinin sədri Mehriban Zeynalova ilə söhbət etdik. O bildirdi ki, narkoman qadınları aşkarlamaq çətin olur: "Digər hədəf qruplarından fərqli olaraq onlar çətin üzə çıxır. Çünki narkoman qadına bu gün cəmiyyətdə normal yanaşılmır. Onların cəmiyyətdən təcrid olunmuş, atılmış, lazımsız biri olduğunu düşünürlər. Bəzən ər narkoman olduğu üçün arvadını da bu yola təhrik edir ki, onu qınamasın. Bu, bütün dünyada baş verən prosesdir. Bəzən isə qadın depressiyada olanda hansısa çevrəsi onu narkotik aludəçisi olmağa təhrik edir. Qadının əhvalı pis olanda bir neçə dəfə pulsuz təklif edirlər ki, kefin düzələcək. Qadında narkotikə tələbat yarananda isə "yoxdur" deyib, gedib almalı olduğunu bildirirlər. Bu, narkodillerlərin metodlarından biridir. Belə ki, bundan istifadə edib pul qazanırlar. Bir də müxtəlif çevrələr olur ki, qadınlara orada narkotiki bir dəfə təklif edirlər. O da fikirləşir ki, "bir dəfə ilə heç nə olmaz, amma əhvalım yaxşı olacaq". Bu və ya müxtəlif yollarla qadınlar narkotik istifadəçisinə çevrilir". M.Zeynalova deyir ki, narkotik asılılığından qurtulmaq üçün reabilitasiya mərkəzləri olmalıdır: "Azərbaycanda belə reabilitasiya mərkəzləri, demək olar ki, yoxdur. Bir-iki belə özəl mərkəz var. Ümumilikdə, narkotik asılılığından qurtarmaq üçün pulsuz, nəticə etibarilə effektiv olan reabilitasiya mərkəzləri mövcud deyil. Müzakirələr gedir ki, belə reabilitasiya mərkəzləri açılsın. Amma şəxsin özünün prosesə qoşulması və bu məsələyə müqavimət göstərməsi çox vacibdir. Əgər asılılıqdan xilas olmaq istəyirlərsə, mühit dəyişməlidir. Narkotik asılılığı olan şəxsi bu asılılıqdan qurtarıb, olduğu mühitdə saxlayacaqsansa, effektiv olmayacaq. Həmin mühitə qayıdacaqsa, yenidən istifadə edə bilər".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...