Cənublu qızlarımız arasında təhsildən yayınma meylləri artır

Tarix: 12.02.2015 / 01:32
Bölmə: Sosial

Aytəkin Kamranqızı: "Bu gün rayonlarda yaşayan qızların az hissəsi ali təhsillidir"

"Cənub zonasında valideynlər azyaşlı qızların fikrini elm və təhsildən yayındırmağa çalışır"

"Buraxılış imtahanlarında iştirak edən ötən ilin məzunlarının gender tərkibinə nəzər saldıqda görürük ki, 9-cu siniflər üzrə buraxılış imtahanında iştirak edən şagirdlərin 53.67 %-ni (60042 nəfər) oğlanlar, 46.33 %-ni (51826 nəfər) qızlar təşkil edib".
Bunu Tələbə Qəbulu üzrə Dövlət Komissiyasının sədri Məleykə Abbaszadə ötən gün keçirilən mətbuat konfransında bildirib.
Onun sözlərinə görə, 11-ci siniflər üzrə buraxılış imtahanında da mənzərə, demək olar ki, dəyişməyib və imtahanda iştirak edən şagirdlərin 55.96 %-ni (46501 nəfər) oğlanlar, 44.04 %-ni (36592 nəfər) qızlar təşkil edib: "Göründüyü kimi, hər iki imtahanda oğlan və qız şagirdlərin nisbəti bir-birinə yaxındır. Lakin ayrı-ayrı bölgələr üzrə bu göstəricilər arasında kəskin fərqlər müşahidə olunur. Məsələn, cənub rayonlarında (Lənkəran, Astara, Lerik, Yardımlı, Cəlilabad və Masallı rayonları) 9-cu sinif şagirdlərinin 47.73 faizini qızlar təşkil edibsə, 11-ci sinif şagirdləri arasında bu göstərici 39.04 faizə bərabər olub. Göründüyü kimi, 11-ci sinifdə şagirdlərin sayında qızların payı kəskin şəkildə azalıb. Düşünürük ki, cənub rayonlarında qızların sayının azalmasının əsas səbəbi bu region üçün xarakterik olan erkən nikah məsələsi ilə bağlıdır".
M.Abbaszadə onu da əlavə edib ki, həm 9-cu sinifdə, həm də 11-ci sinifdə qızların qabiliyyət göstəriciləri daha yüksək olub: "Bu tendensiya özünü ali təhsil müəssisələrinə qəbul imtahanlarında da göstərir".
Cənub rayonlarında yaşayan qızların təhsildən uzaqlaşması problemi barədə sosioloq Aytəkin Kamranqızının fikirlərini öyrəndik. O bildirdi ki, bu gün rayonlarda yaşayan qızların az hissəsi ali təhsillidir: "Bölgələrdə, xüsusilə də cənub zonasında valideynlər azyaşlı qızların fikrini elm və təhsildən yayındırmağa çalışır. Uşaq gözünü açan kimi valideyn onunla ərə getmək barədə danışmaqla azyaşlının fikrini ancaq ailə qurmağa yönəldir. Dünyaya gələn qız uşaqları üçün ailələrin sosial müdafiəsini gücləndirmək lazımdır. Qız uşaqlarının məktəbə gedib-gəlməməsilə bağlı tez-tez təhsil ocaqlarında monitorinq aparmaq lazımdır".
Ekspert hesab edir ki, bu sahədə qonşu dövlətlərin müvafiq qurumları, eyni zamanda, qeyri-hökumət təşkilatları ilə əməkdaşlığa başlamaq mümkündür. Onun fikrincə, burada əhalinin maariflənməsinə xüsusi fikir verilməlidir: "Əlbəttə hansısa ailəyə göstəriş vermək mümkün deyil. Lakin bu addımın gələcək fəsadları barədə məlumat verməklə, onları bu yoldan çəkindirmək olar. O ki qaldı Azərbaycandakı durumun idarə edilməsinə, bunun üçün sovet dövrünün təcrübəsindən bəhrələnmək lazımdır. Belə ki, sovet illərində orta təhsilini başa vurmayanlar texniki peşə məktəblərinə üz tutaraq müəyyən sənət öyrənirdilər. Bu ənənəni indi də tətbiq etmək olar. Qadınlar, xüsusən də bölgədə yaşayanlar əl işlərinə meylli olur. Odur ki, onların maliyyə çətinliyini bu yolla qismən həll etmək olar. Regionların sosial-iqtisadi inkişafı proqramı çərçivəsində bu məsələyə diqqət yetirilməlidir. Əks halda, vəziyyət daha da ciddiləşə bilər".

DİGƏR XƏBƏRLƏR

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...