Mobil operatorların müştəriləri arasında əslində «qiymət-pul davası» gedir

Tarix: 03.02.2015 / 01:15
Bölmə: Sosial

İlqar Hüseynli: «Mobil operatorlar arasında danışıqların qiyməti Tarif Şurası tərəfindən tənzimlənməlidir»

«Qiymətlərin baha olması üzündən, istifadəçilər bir neçə operatordan ayrı-ayrılıqda istifadə etməyə məcbur olur»

Bu gün Azərbaycanda mobil telefonla bir operatordan digərinə zəng etmək çox baha başa gəlir. Görürsən ki, 1 dəqiqə operatordan asılı olaraq 14-20 qəpik arasında dəyişir. Yaxud da heç 5 dəqiqə danışmamış, azı 40-50 qəpik çıxılır. Reallıq ondan ibarətdir ki, mobil operatorlar arasında danışıq tarifləri həddən artıq yüksəkdir.

Digər problem ondan ibarətdir ki, danışıq zamanı tez-tez əlaqə kəsilir. Görünən odur ki, istifadəçi bir operatordan başqa operatora zəng etmək üçün balansında ən azı 1-2 manat olmalıdır ki, sözünü qarşı tərəfə çatdırıb deyə bilsin.

Onu da qeyd edək ki, təkcə sadə vətəndaşlar deyil, müvafiq qurumlar da operatorlararası zənglərin baha olmasından narazıdır. Rabitə və Yüksək Texnologiyalar Nazirliyi dəfələrlə mobil rabitə operatorlarına xəbərdarlıq etsə də, hələlik heç bir nəticə əldə edilməyib. Artıq bu problemlərdən çıxış yolu kimi müəyyən mexanizmlərdən istifadə ediləcək. Belə ki, RYTN-dən mətbuata bildirilib ki, yaxın zamanda mobil rabitə operatorları vahid arabağlantı tariflərinə keçəcək. Yəni bir operatordan digərinə zəng edərkən vahid qiymətdən istifadə olunacaq. Bununla bağlı artıq mobil rabitə operatorları ilə ümumi razılaşma da əldə edilib.

Sözügedən məsələ ilə bağlı «Bakı-Xəbər»ə açıqlama verən ekspert İlqar Hüseynli hesab edir ki, operatorlararası danışıqların qiyməti Tarif Şurası tərəfindən tənzimlənsə, bu daha yaxşı olar: «Necə ki, Tarif Şurası bir sıra qiymətləri tənzimləyir, o cümlədən mobil operatorlar arasında danışıqlar bu cür tənzimlənməlidir. Söhbət ancaq operatorlar arasındaki əlaqədən gedir. Mobil operatorlar arasında qiymətlərin baha olması üzündən, istifadəçilər bir neçə operatordan ayrı-ayrılıqda istifadə etməyə məcbur olur. Bu da həm maddi baxımdan xərc deməkdir, həm də əlavə digər problemlər yaradır. Ona görə də bu cür tariflərin tətbiq edilməsi bazarda rəqabətin balanslaşdırılmasına imkan verəcək. Yəni operatorlar arasında qiymətlər eyni olandan sonra mobil rabitə operatorları öz müştərilərinə daha aşağı qiymətlə xidmət göstərə biləcək. Qonşu ölkələrdə danışıq tarifləri bizdəkindən dəfələrlə ucuzdur. Ona görə də tariflərin azaldılması vacibdir. Belə məlumatlar var ki, RYTN tezliklə ölkədə fəaliyyət göstərən mobil rabitə operatorlarının fəaliyyətinin keyfiyyətinin yoxlanmasına başlayacaq. Bu yoxlamalara əsasən, danışıqlar zamanı kəsilmələr və rouminq xidmətinin keyfiyyətinin yüksəldilməsi məsələlərinə diqqət yetiriləcək. Güman olunur ki, bundan sonra müvafiq addımlar atılacaq. İstənilən halda, bu sahədə qiymətlər tənzimlənməlidir».

DİGƏR XƏBƏRLƏR

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...