Bir yaşa qədər uşaqlar arasında artan ölüm halları narahatlıq doğurur

Tarix: 30.01.2015 / 01:41
Bölmə: Sosial

Aysel Ələkbərova: "İnfeksion viruslar da uşaq ölümünə səbəb olur"

"Valideynlərin bir qisminin ev şəraitində uşaqlarına inyeksiya etməsi də təhlükəlidir"
Bakı şəhərində 1 yaşadək uşaqların ölüm halları artıb. Bu barədə Dövlət Statistika Komitəsi məlumat yayıb. Açıqlanan statistikaya görə, ümumilikdə Azərbaycan üzrə 2011-ci ildə 1903, 2012-ci ildə 1884, 2013-cü ildə isə 1862 (2014-cü ilin statistikası açıqlanmayıb) 1 yaşadək uşaq dünyasını dəyişib. Ölkə üzrə göstəricilərin azalmasına baxmayaraq, Bakı şəhərində 1 yaşadək uşaqların ölüm halları artıb.
2011-ci ildə paytaxtda 1 yaşadək olan 697, 2012-ci ildə 784, 2013-cü ildə isə 791 uşaq dünyasını dəyişib. Bakıda hər 1000 diri doğulana düşən 1 yaşadək ölən uşaqların sayı 2011-ci ildə 18.4, 2012-ci ildə 19.9, 2013-cü ildə isə 20.3 olub.
Qeyd edək ki, 2013-cü ildə Azərbaycanda yaşı 4-dək olan 2234 uşaq dünyasını dəyişib.
Məsələ ilə bağlı fikir bildirən pediatr Aysel Ələkbərovanın sözlərinə görə, Azərbaycandakı uşaq ölümlərinin birinci səbəbi yerlərdə tibb məntəqələrinin kifayət qədər olmaması ilə bağlıdır: "Xüsusən ucqar yerlərdə qadınların ilkin səhiyyə xidmətlərinə çıxışı çox zəifdir. Bir çox yaşayış yerlərində, ümumiyyətlə, tibb məntəqələri yoxdur. Uşaq ölümlərinin də birinci səbəbi tibb məntəqələrinin hamını əhatə etməməsidir. Bu sahədə xüsusən dağlıq yerlərdə böyük çətinliklər yaranır. Digər səbəb isə əhalinin maarifləndirilməsi istiqamətində işin çox zəif aparılmasıdır. Misal üçün, qadınlarımız bilmir ki, hamiləlik dövründə neçə dəfə həkimə müraciət etməlidir və s." A.Ələkbərova onu da əlavə etdi ki, valideynlərin bir qisminin ev şəraitində uşaqlarına inyeksiya etməsi də təhlükəlidir: "Valideynlər bilməlidir ki, tibb işçisi olmaq üçün illərlə oxumaq, xüsusi məktəblər keçmək lazımdır. Çünki bu sahədə o qədər xırda nüanslar var ki, həkim olmayanlar bunu bilmir. Texniki cəhətdən təkcə inyeksiya etməklə heç nə bitmir. Sonra elə ağır fəsad çıxır ki, valideyn çıxılmaz vəziyyətə düşür. Buna görə də vaxtında tədbir görülməlidir. Uşaqların geyimi, qidalanması mövsümə uyğun yerinə yetirilməlidir. Mövsümi viruslara qarşı peyvənd tələb olunmur. Amma elə peyvənd olunan xəstəliklər var ki, onları da viruslar törədir. Məsələn, qızılca, suçiçəyi, karotit və s. xəstəlikləri də viruslar yaradır və bunlara qarşı peyvənd olunmalıdır. Amma qrip, paraqrip, adinovirus, rinovirusa qarşı, bir qayda olaraq, peyvənd edilmir. Çünki peyvənd immunitet törətmir. Müvəqqəti effekt verir və sonra da itir. Digər tərəfdən, viruslar xassəsini o qədər dəyişir ki, onların birinə qarşı immunitet yaradanda gələn dəfə həmin virusda mutasiya baş verdiyini görürsən. İmmunitet yaratmaq mümkün olmadığına görə xəstəliyin müalicəsi prosesində tədbirlər görməyə məcbur oluruq".
Həmsöhbətimiz onu da əlavə etdi ki, infeksion viruslar da uşaq ölümünə səbəb olur: "Adinovirus, rinovirusa yoluxan uşaqlara normal nəzarət olunmasa və sistematik müalicə aparılmasa, ağır fəsadı meningit yarada və uşağın ölümünə səbəb ola bilər. İnfeksion virusların yayılması ilə bağlı telekanallarda maarifləndirici proqramların çoxalmasına ehtiyac var. Təəssüf ki, özəl televiziyaların çoxu kommersiya reklamlarına üstünlük verir. Ancaq özəlliyindən və dövlət kanalı olmasından asılı olmayaraq, uşaqlarla, əhalinin sağlamlığı ilə bağlı problemləri növbəyə qoymaq, pulla ölçmək olmaz. Bu cür verilişlər mütəmadi yayımlanmalıdır ki, insanlar da maariflənsin və təhlükəni hiss etsin".

DİGƏR XƏBƏRLƏR

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...