Azərbaycanda boşanmışların sonrakı qısqanclığından doğan faciələr...

Tarix: 28.01.2015 / 02:43
Bölmə: Sosial

Könül Vaqifqızı: "Qısqanc insanlar boşandıqdan sonra daha aqressiv münasibət göstərir"

"Cütlük rəsmən ayrılıbsa, artıq qadın və kişi həyat yoldaşı deyil, onlar qərar qəbul etməkdə müstəqildir"

Azərbaycanda boşanan ailələrin sayı artır. Bundan sonra bir sıra mənfi hallar ortaya çıxır. Bəzən tərəflərdən biri barışmaq istəsə də, digər tərəf buna razı olmur. Yaxud da boşandıqdan sonra qadın və ya kişi başqası ilə münasibətdə olur. Bu kimi hallar sonradan faciəli nəticələrlə yekunlaşa bilər.
Tərəflər rəsmi şəkildə ayrılsalar da, bəzi hallarda kişilər boşandığı qadını qısqanır və ona həyatı dar edir. Statistikaya görə, öldürülən qadınlar arasında rəsmi şəkildə yoldaşından ayrılan xanımlar az deyil. Adətən kişilər qısqanclıq zəminində bu hərəkəti etdiyini dilə gətirir.
Bakı Şəhər Baş Polis İdarəsi və Bakı Şəhər Prokurorluğu bu günlərdə Bakıda törədilən dəhşətli qətl hadisəsi ilə bağlı məlumat yayıb. Məlumata görə, yanvarın 26-da, saat 12 radələrində paytaxtın Nərimanov rayon sakini, 1973-cü il təvəllüdlü Süleymanov İlham Elləz oğlunun qısqanclıq zəminində keçmiş həyat yoldaşı, 1979-cu il təvəllüdlü Süleymanova Məhəbbət Nəriman qızının boğaz və bədəninin digər nahiyələrinə çoxsaylı xəsarətlər yetirərək onu qəsdən öldürməsi faktına görə Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
İ.Süleymanov daha sonra rayon hüquq-mühafizə orqanlarına könüllü gələrək təslim olub və o, şübhəli şəxs qismində tutularaq istintaqa cəlb olunub.
Maraqlıdır, rəsmi qaydada ayrılan cütlüklər bir-birini niyə qısqanır? Əgər kişi yoldaşını qısqanırdısa, niyə ondan ayrılırdı? Ayrılan cütlüklərin bir-birini qısqanması doğru hisdirmi?
Elə bu suallarla psixoloq Könül Vaqifqızına müraciət etdik.
O bizimlə söhbətində qeyd etdi ki, Azərbaycan ailələrində boşanmaya həssas yanaşırlar: "Hətta gəlin köçəndə "Ağ gəlinliklə gedib kəfənlə oradan çıxacaqsan" deyirlər. İndi də bir çox valideynlər ailə məsələlərinə bu prinsiplə yanaşır. Ancaq zaman keçdikcə yanaşmalar dəyişir. Bu gün Azərbaycanda boşanma hadisələrinə çox rast gəlirik. Rəsmi statistika bunu tam əks etdirmir. Qeyri-statistik məlumatlara baxsaq, Azərbaycan ailələrində boşanma halları çoxalıb".
Psixoloqun sözlərinə görə, ailə qurmamışdan öncə gəncləri maarifləndirmək lazımdır: "Ailə hansı formada qurulur", "Problem olanda necə həll etməliyik" kimi istiqamətlərdə insanlar maariflənməlidir. Eyni zamanda, boşanma prosesinə tərəflər nə cür mövqe tutmalıdır, buna da aydınlıq gətirilməlidir. Cütlük bərabər ailəni davam etdirə bilmirsə, bu zaman qarşılıqlı razılaşma əsasında boşanma barəsində addım atılmalıdır. Bundan sonra tərəflər bir-birilə münasibətlərini davam da etdirə, ara-sıra əlaqə saxlaya da bilər. Övladları varsa, tərəflər uşaqların taleyi ilə maraqlanmalıdır. Dolayısı ilə boşanmaq özü bir mədəniyyətdir və tərəflər boşanma prosesində o qaydaları gözləməyi bacarmalıdır".
Qısqanc insanların boşandıqdan sonra daha aqressiv münasibət göstərməsinə gəlincə, həmsöhbətimiz bunları dedi: "Qısqanc insanlar boşandıqdan sonra daha aqressiv münasibət göstərir. Bəzən kişi ayrıldığı həyat yoldaşını qısqanır. Əgər rəsmən ayrılıblarsa, artıq qadın və kişi həyat yoldaşı deyil. Onlar qərar qəbul etməkdə müstəqildir. Bu zaman biri digəri ilə savaşmaqdansa, öz psixoloji durumunun qeydinə qalmağı daha məqsədəuyğun olardı. Əgər ifrat qısqanclıq varsa, ilk növbədə bu, müalicə edilməlidir. İndi ailələrdə qısqanclıq zəminində şiddət, ayrılma və ölümlə bitən hallara rast gəlirik. Bu onu göstərir ki, qısqanclıq ailələrimizdə artıq ciddi bir problem kimi nəzərə alınmalıdır".
Bəzən boşananlar dost münasibətində qaldıqda belə bir fikir yaranır ki, tərəflərdən hansısa barışıq olmasını istəyir və buna görə münasibətləri saxlayır. Psixoloq bu kimi halların ola biləcəyini mümkün sayır: "Tərəflər rəsmən boşanandan bir-iki il sonra bəzən münasibətlər yenidən bərpa olunur. Ailə psixoloqları çox zaman həmin ayrılan cütlüklərə məsləhət görür ki, ayrıldıqları şəxslə yenidən rəsmi nikaha daxil olmağa tələsməsin. Bəzən rəsmi nikah ailəni birləşdirməyə yox, ayrılmağa da gətirib çıxarır, arxayınlıq, rahatlıq yaradır".

DİGƏR XƏBƏRLƏR

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...