Uşağa baxmaması bir yana, üstəlik aliment də vermir...

Tarix: 23.01.2015 / 01:34
Bölmə: Sosial

Əziz Qənbərov: "Aliment ödəməkdən yayınan şəxs qanunla məsuliyyət daşıyır"

"Valideynlər uşaqlarını saxlamadıqda uşaqların saxlanması üçün vəsait valideynlərdən məhkəmə qaydasında tutulur"

Təəssüf ki, son zamanlar boşanmaların sayı sürətlə artır. Boşanma prosesi heç də hər zaman sakitliklə ötüşmür. Tərəflər arasında bir çox problemlər və mübahisələr yaranır. Boşanmalar zamanı əsas mübahisə predmetlərindən biri də aliment məsələsidir. Bəzən elə hal olur ki, ata aliment ödəməkdən imtina edir. Ata müxtəlif səbəblər gətirərək övladına aliment ödəmir.
Açıqlanan statistik rəqəmlərə görə, 2000-ə yaxın şəxs aliment ödəmədiyinə görə axtarışdadır.
Azərbaycanda alimentlərlə əlaqədar məhkəmə qərarlarının icrası vəziyyəti açıqlanıb. Ədliyyə Nazirliyindən mətbuata verilən məlumata görə, 2014-cü il ərzində aliment tələbi ilə bağlı yerli icra qurumlarının icraatına 52467 icra sənədi daxil olub. Həmin işlərdən 4416-nın icrası tamamlanıb. 48051 iş üzrə isə ödəmələr vaxtaşırı aparılır. O cümlədən, 1997 borclu şəxsin axtarılması ilə bağlı müvafiq qərarlar qəbul olunub.
Qeyd edək ki, Rusiya Dövlət Duması aliment ödəməyən şəxslərlə bağlı maraqlı bir qərar qəbul edib. Belə ki, aliment ödəməkdən imtina edən şəxslər sürücülük hüququndan məhrum olunur.
Skandinaviya dövlətlərində isə məhkəmənin müəyyən etdiyi müddətdə alimenti ödəməyən şəxs cinayət məsuliyyətinə cəlb edilir, müəyyən müddətə azadlıqdan məhrum edilərək məcburi əməyə cəlb olunur, onun işlədiyi müddətdə aldığı vəsait alimenti almalı olan şəxsin hesabına köçürülür.
Bir çox ölkələrdə, bu cəzalarla yanaşı, alimentin ödənilməsi üçün fond da yaradılır.
Maraqlıdır, bizdə vəziyyət necədir? Aliment ödəməyən şəxsi qanunla hansı cəza gözləyir?
Hüquqşünas Əziz Qənbərov "Bakı-Xəbər"ə açıqlamasında qeyd etdi ki, Ailə Məcəlləsi valideynlərin üzərinə uşaqlarını saxlamaq vəzifəsini qoyub: "Belə ki, valideynlər uşaqlarını saxlamadıqda uşaqların saxlanması üçün vəsait valideynlərdən məhkəmə qaydasında tutulur. Ər qanunvericilikdə nəzərdə tutulmuş valideynlik vəzifələrini pozarsa, ondan uşaqlarını saxlaması məhkəmə yolu ilə tələb oluna bilər. Yetkinlik yaşına çatmayan uşaqlara aliment ödənilməsi, onların saxlanması ilə bağlı valideynlər nikahdan qabaq və ya nikah müddətində əvvəlcədən razılığa gəlib saziş bağlaya bilər. Əgər belə bir saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, yaxud onun qazancı və ya sair gəliri yoxdursa, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində müəyyən edilə bilər. Qanunvericiliyə əsasən, bir uşağa görə qazancın və ya valideynlərin başqa gəlirlərinin dörddə biri, 2 uşağa görə üçdə biri, 3 və daha çox uşağa görə qazancın yarısını aliment kimi ödəməlidir. Bu payların miqdarı məhkəmə tərəfindən ailə və maddi vəziyyəti, eləcə də diqqətəlayiq olan başqa halları nəzərə almaqla azaldıla və artırıla bilər".
Müsahibimizin sözlərinə görə, alimentin ödənilməməsində əsas problem qarşı tərəfin əməkhaqqının müəyyən edilməməsidir: "Aliment tələb edən qadın qarşı tərəfin qazancı və əmlak dəyəri ilə bağlı sübutları məhkəməyə təqdim etməlidir. Lakin çox vaxt iddiaçılar həyat yoldaşının obyekt sahibi olduğunu desə də, son nəticədə həmin əmlakın onun adına qeydiyyatda olmadığı müəyyən olunur.
Bu məqamda məhkəmə həmin iddianı sübut edilməmiş hesab edir. Mülki Prosessual Məcəllənin 77.1-ci maddəsinə görə, qarşı tərəfin gəlirini iddiaçı sübut etməlidir. Bəzən iş yerlərindən təqdim edilən arayışda əməkhaqqı 120 manat göstərilir. Bir uşağın aylıq minimum xərci 103 manatdır. Belə olan halda, həmin atadan necə aliment tələb etmək olar? Əlbəttə, istənilən halda, azyaşlı uşağın ehtiyacı qarşılanmalıdır. Valideynə haqq qazandıra bilmərik, daha yüksək maaşlı iş tapa bilər. Çünki uşaq dünyaya gətirən valideyn onun ehtiyaclarını qarşılamağa borcludur".
Həmsöhbətimiz onu da əlavə etdi ki, aliment ödəməkdən yayınan şəxslər qanunla məsuliyyət daşıyır.

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...