ABŞ Mərkəzi Kəşfiyyat Təşkilatı (CIA) tərəfindən gizliliyi qaldırılaraq internet istifadəçilərinin üzünə açılan sənədlərdə PKK və ermənilərin terror təşkilatı ASALA-nın əlaqələrini təsdiqləyən yeni faktlar üzə çıxır.
Baki-xeber.com xəbər verir ki, iki təşkilat arasındakı əlaqələrin 1980-ci illərdən etibarən CIA-nın kəşfiyyat sənədlərində və terrorizm haqqında hesabatlarında əks olunduğu diqqət çəkir.
Bu sənədlər arasında diqqət çəkənlərdən biri 1984-ci il yanvar tarixli "Erməni Gizli Ordusu" başlıqlı hesabatdır. Hesabatda, ASALA haqqında CIA-ın ətraflı məlumatları və təşkilatın quruluşu haqqında analizlər yer alır.
Hesabatın "Təşkilatın dəyişən taktikaları və fəaliyyəti" başlıqlı hissəsində iki təşkilat arasındakı əlaqəni ortaya çıxaran faktlar ortaya qoyulur. Bu hissədə, "ASALA, PKK ilə ittifaq qurduğunu və 1980-ci ilin noyabrında PKK ilə Fransanın Strasburq şəhərindəki türk konsulluğuna hücum təşkil etdiyini qəbul etdi" ifadəsi yer alır.
26 Avqust 1985-ci il tarixli sənəddə isə PKK ilə erməni terrorçuların birgə yeni təşkilatlar yaratmasından bəhs edilir: "1984-ci ilin yazında PKK, öz yaraqlılarından, digər kürd və sol qruplardan və çox ehtimalla bəzi erməni yaraqlılardan ibarət "HRK" adlı bir qurum yaradıb".
Eyni sənəddə PKK-nın təşkilatlanma və fəaliyyəti mövzusunda erməni terror təşkilatlarını özünə model kimi seçdiyi, bu şəkildə zorakılığı "psixoloji təsir" yaratmaq vasitəsi kimi istifadə etdiyi ifadə edilir.