Dağlıq Qarabağ münaqişəsinin həllinin uzanmasında bu gün Ermənistanda hakimiyyəti qəsb edən və buna görə daha çox tənqid hədəfinə çevrilən Serc Sarkisyan iqtidarının birbaşa məsuliyyət daşıması danılmaz həqiqətdir. Məhz Sarkisyan hökumətinin siyasəti, tutduğu mövqe münaqişənin çözümünü əngəlləyir, danışıqlarda ortaq məxrəjə gəlinməsinə imkan vermir.
Münaqişənin həllinin uzanması isə hər keçən gün Ermənistanı daha böyük fəlakətə sürükləyir. Belə vəziyyət əhalinin Sarkisyan recimindən narazılığını böyük sürətlə artırır. Elə erməni ziyalıları da bəyan edir ki, Qarabağ münaqişəsi həllini tapmasa, ölkənin məhvi qaçılmaz olacaq.
Uzun illərdir ki, Ermənistanın radikal mövqedə qalmasını təmin edən erməni diasporu da vəziyyətə getdikcə fərqli yanaşır. Çünki iflas həddində olan Ermənistanın saxlanılması diaspor qüvvələrinə də baha başa gəlir. Digər tərfdən Sarkisyanın korrupsiya mexnaizmi də diasporun ondan narazılığını artırır. Bütün bunlar ona gətirib çıxarıb ki, bu gün erməni diasporu Ermənistandakı hakimiyyəti qəbul etmir. Xaricdə yaşayan ermənilər hazırkı hökumətin istefaya getməsi üçün əllərindən gələni edəcəklərini bildirirlər. Elə bu fonda erməni diasporu Ermənistandakı mövcud rejimin ifşasını davam etdirir. Əsasən Amerika və Avropada yaşayan ermənilər hakimiyyəti daha sərt tənqid edir. Bunun çoxsaylı səbəbləri var. Birincisi Ermənistan hökumətinin diaspordan öz şəxsi maraqları üçün istifadə etməsidir. Məsələn ölkəyə hər il müxtəlif layihələrin həyata keçirilməsi üçün külli miqdarda maddi yardım göndərilir. Həmin pullar isə mənimsənilir. Digər tərəfdən beynlaxlaq miqyasda Ermənistanın gedərək iflic vəziyytinə düşməsi də disporun narazılığına yol açır.
Mərkəzi Bankın keçmiş sədri Baqrat Asatryan diasporun Ermənistana artıq yatırım etməkdən boyun qaçırdığını açıqlayıb: "Rejim isə hələ də hakimiyyətdə ömrünü uzatmaq uğrunda mübarizə aparır. Bu səbəbdən də xaricdə yaşayan ermənilər də Ermənistandakı hakim rejimə qarşı birləşirlər. Diaspor fəalları hazırkı hökumətin istefaya getməsi üçün əllərindən gələni edəcəklərini deyirlər. Onların səlahiyyətli nümayəndələri əyalətlərdə sakinlərlə mütəmadi görüşürlər keçirirlər". Siyasi ekspertlər bunu Ermənistanda gözlənən hakimiyyət çevrilişinin əlaməti kimi dəyərləndirirlər. Sarkisyana əsas zərbənin iki ay sonra keçiriləcək parlament seçkilərində vurulması gözlənilir. Məhz belə bir vaxtda "Ermənistanda ədalət" adlı təşəbbüs qrupu 2017-ci ilin aprelində Ermənistanda keçiriləcək parlament seçkisini müşahidə edəcəyini bəyan edib. Bu hərəkatı erməni diasporunun tanınmış üzvləri yaradıblar.
Təşəbbüs qrupunun üzvü, tanınmış kanadalı rejissor Atom Eqoyan Los-Ancelesdə keçirilən forumda aprel seçkisinin nəticələrinin onlar üçün qabaqcadan bəlli olduğunu deyib: "Real böhran budur ki, biz seçkidə nə olacağını bilirik və nəticələrlə barışmamalıyıq. Biz siyasi motivli həbslərə etiraz etməliyik. Seçkinin nəticələrini bilirik, amma indi seçkidən sonra nə olacağını düşünməli və erməni diasporu kimi bu ölkədəki proseslərdə biz də iştirak etməliyik. Gəlin, lazım olsa ora gedək, küçələrdə oturaq". Digər diaspor nümaynədəsi Arsin Xancyan isə bildirir ki, təkcə seçkiləri müşahidə etməklə iş bitmir, xaricdə yaşayan Ermənistan vətəndaşları ölkəyə gedib səs verməlidirlər: "Nəyinsə dəyişməsinə hələ ki, azacıq da olsa ümid var. Amma bu dəyişiklik yalnız bizim iştirakımızla mümkündür. Biz diaspor kimi Dağlıq Qarabağ münaqişəsində status-kvonun saxlanmasının yeganə yol olduğunu düşünməməliyik, bu, əksər hissəsi oliqarxlar tərəfindən zəbt edilmiş dövlətə dəstəkdir". Dispor nümaynədələri hakimiyyətin seçijilərin səssini pulla almaq cəhdlərindən narazılığını da bildirib. Ermənistanda çıxan "Joxovurd" qəzeti isə hakimiyyətin bu təjrübəyə hələ də son qoymadığın yazır. Qeyd olunur ki, Ermənistanda qarşıdan gələn parlament seçkilərində hər bir seçicinin ələ alınması üçün verilən rüşvət 100 dollara çatacaq. Nəşrin yazdığına əsasən, seçkiqabağı dövrdə Ermənistan sakinlərinə çoxsaylı rüşvət təklifləri edilməyə başlanıb. Qəzet redaksiyasına bu məsələ ilə bağlı çoxsaylı məlumatlar daxil olur.
Xəbərdə bildirilib ki, hakim Respublika Partiyası seçkidə saxtakarlıqlar etməyə hazırlaşır: "Ötən seçkidə hər seçiciyə 5-10 min dram rüşvət, yəni təqribən 1-2 dollar verilirdisə, bu il keçiriləck eyni siyasi kampaniyada səsləri almaq üçün seçicilərə 100 dollar məbləğində rüşvət təklif ediləcək". bunun qarşısını almaq üçün müxalif qüvvələrin diasporla birləşməsi vacib sayılır və məhz bu hal da Sarkisyanın devrilməsini sürətləndirə bilər. Sarkisyanın devrilməsi isə Qarabağ münaqişəsinin həllini sürətləndirmək iqtidarındadır. Qeyd edək ki, bu il aprelin 2-də Ermənistanda parlament seçkiləri keçiriləcək.
Nahid SALAYEV