Rusiyaya müəllim işləmək adı ilə gedən “Fətullahçı Terror Təşkilatı” (FETÖ) üzvlərinin başqa bir ölkəyə agentlik etdiyi ortaya çıxıb. FETÖ məktəblərinin bağlanması haqda qərar çıxaran hakim İqor A. Smirnitski bildirib ki, araşdırmalar nəticəsində müəllim adı ilə gələnlərin agentlik etdiyi müəyyən olunub.
Baki-xeber.com xəbər verir ki, “Akşam” qəzetinə açıqlama verən Rusiyada FETÖ-nün bütün məktəblərinin və bir çox təşkilat və dərnəyinin bağlanması haqda qərar çıxaran hakim Smirnitski 2000-ci ildən başlayaraq 8 il boyunca aparılan araşdırmalar nəticəsində FETÖ-nün "xarici ölkələrə kəşfiyyat məlumatları əldə edib ötürmək", "milli təhlükəsizliyə təhdid" və "silahlı təşkilat qurmaq" ittihamları ilə bağlandığını deyib.
Gülən hərəkatının ölkədə yayılmasının 1991-ci ildən başladığını ifadə edən Smirnitsk bildirib ki, araşdırmalar nəticəsində bu təşkilatın, əvvəllər terror aktları törətmiş dini Aum Şinrikyo təriqəti qədər təhlükəli olduğu ortaya çıxıb: “Bu istiqamətdə 2008-ci ildə bu təşkilatla əlaqəli bütün məktəb və təşkilatların Rusiya daxilində xarici ölkələrə kəşfiyyat məlumatları əldə edib ötürdüyü və milli təhlükəsizliyə təhdid yaratdığı üçün bağlanmasına qərar verdik".
Smirnitski qeyd edir ki, araşdırmalar zamanı bir məktəbdə 40-dan çox müəllimin kəşfiyyatçı olduğunu ortaya çıxarıblar: "Təşkilatın bir çox məktəblərində pedaqoq adı altında xarici dövlətlər üçün çalışan kəşfiyyat agentlərinin olmasına dair məlumatlar da aldıq. Bu məktəblər arasında Atlantik Beynəlxalq Məktəbi xüsusilə diqqət çəkirdi. Çünki bu məktəbdə 40-dan çox müəllimin kəşfiyyat agenti olduğu ortaya çıxdı".
FETÖ-nün, Mərkəzi Yaponiyada olan və gizli şəkildə hələ də terror fəaliyyətlərini davam etdirən Aum Şinrikyo təriqəti ilə olan bənzərliklərinin onları şoka saldığını deyən hakim Smirnitski bildirir ki, qurulma forması, hərbi və təhlükəsizlik sisteminə sızma cəhdləri onların terrorçularla oxşarlığını ortaya qoyur: “Təşkilatın motivasiya qaynaqlarının insanların məntiqli düşüncə qabiliyyətini aradan qaldıracaq qədər təhlükəli olması barədə geniş məzmunlu bir mütəxəssis analiz hesabatını da dosyamıza əlavə etmişik. Gülən də özünü Şinrikyo kimi Məsih olaraq görür.
İstintaq zamanı Gülən təşkilatına aid bir mülkdə silah və əl bombaları tapılması ilə qrupun silahlı bir təşkilat olduğunu da anlamış olduq".
TAHİR