Dünya misli görünməmiş kiberdəyişikliklərin ilkin mərhələsindədir və süni intellektin inkişafı kibertəhdidləri daha da mürəkkəbləşdirir.
Bunu Dövlət Təhlükəsizliyi Xidməti rəisinin müavini Həsən Mansurov Kiberdiplomatiya üzrə II Beynəlxalq Konfransda çıxışı zamanı bildirib.
Onun sözlərinə görə, son dövrlərdə Azərbaycanın bəzi informasiya resurslarına, xüsusilə gov.az seqmentinə qarşı DDoS və digər kiberhücumlar həyata keçirilib. Bu hallar kibertəhdidlərin milli təhlükəsizlik üçün real risk yaratdığını göstərir.
Mansurov kibertəhdidlərə qarşı beynəlxalq əməkdaşlığın gücləndirilməsini, kritik informasiya infrastrukturunun qorunmasını və süni intellektdən təhlükəsiz istifadənin təmin olunmasını əsas prioritetlər kimi göstərib.
ZÜMRÜD