12 iyun 2025-ci il tarixində Astanada Qazaxıstan Respublikası Parlamentinin ev sahibliyində TÜRKPA-nın “Türk əsri: Parlament diplomatiyasının rolu” mövzusunda 14-cü plenar iclası keçirilib.
Tədbir üzv və müşahidəçi parlamentlərini, eləcə də Özbəkistan Respublikası Ali Məclisinin Qanunvericilik Palatasının nümayəndə heyətlərinin, Türk Dövlətləri Təşkilatı, Türk Akademiyası, Türk Mədəniyyəti və İrsi Fondu, Qara Dəniz İqtisadi Əməkdaşlıq Təşkilatı Parlament Assambleyası, İƏT üzv dövlətlərinin Parlament İttifaqı, Asiyada Qarşılıqlı Fəaliyyət və Etimad Tədbirləri üzrə Konfrans, MDB Parlamentlərarası Assambleyası, Ərzaq Təhlükəsizliyi üzrə İslam Təşkilatı, Qazax-Türk Ahmet Yesevi Universiteti, Qırğız-Türk Manas Universiteti və MDB PAA-nın Demokratiyanın, kimi türk əməkdaşlıq təşkilatlarının, müşahidəçi təşkilatların və digər qurumların rəhbər və nümayəndələrini bir araya gətirib. Üzv parlamentlərin rəhbərləri - Azərbaycan Respublikası Milli Məclisinin Sədri Sahibə Qafarova, Qazaxıstan Respublikası Parlamenti Senatının Sədri Maulen Aşimbayev, Qazaxıstan Respublikası Parlamenti Məclisinin Sədri Yerlan Koşanov, Qırğız Respublikası Joqorku Keneşinin Sədri Nurlanbek Turqunbek uulu, Türkiyə Böyük Millət Məclisinin Sədri Numan Kurtulmuş, habelə müşahidəçi qismində Şimali Kipr Türk Respublikası Cümhuriyyətinin Sədri Ziya Öztürkler, qonaq qismində isə Özbəkistan Respublikası Ali Məclisi Qanunvericilik Palatasının Sədri Nuriddin İsmoilov Plenar iclasda çıxış ediblər.
14-cü plenar iclasın gündəliyinə daimi komissiyaların hesabat məruzələri və tövsiyə qərarlarının, bir neçə Model Qanunun, TÜRKPA-nın seçki və referendum müşahidə missiyalarının yekun hesabatlarının qəbul edilməsi, TÜRKPA daimi komissiyalarının sədr müavinlərinin və komissiya katiblərinin, eləcə də növbəti TÜRKPA Baş katibinin seçilməsi məsələləri daxil edilib. Assambleya Plenar iclasa təqdim olunan Qadın Parlamentarilər Qrupunun və Gənc Parlamentarilər Qrupunun hesabat məruzələrini və tövsiyə qərarlarını nəzərə alıb.
İclasda TÜRKPA-nın Ətraf mühit, təbii ehtiyatlar və sağlamlığın qorunması komissiyasının Sədri, Azərbaycan Respublikası Milli Məclisinin Səhiyyə komitəsinin Sədri Əhliman Əmiraslanov "TÜRKPA üzv dövlətlərinin Dayanıqlı İnkişaf Məqsədləri kontekstində ekoloji dayanıqlılıq və yaşıl dünya üzrə əməkdaşlıq" üzrə tövsiyə qərarını təqdim edib. Komitə sədri Əhliman Əmiraslanov bildirib ki, tövsiyə qərarı TÜRKPA üzv dövlətlərinin Dayanıqlı İnkişaf Məqsədləri kontekstində ekoloji dayanıqlılıq və yaşıl dünya üzrə əməkdaşlığına yönəlmişdir. TÜRKPA üzv dövlətləri arasında digər sahələrdə olduğu kimi, bu sahədə də əlaqələrin daha da inkişaf etdirilməsinin və bu istiqamətdə qanunvericiliyin uyğunlaşdırılması və yaxınlaşdırılmasını zəruri edir. Həmçinin Əhliman Əmiraslanov sənəddə əks olunmuş tövsiyələrin TÜRKPA üzv dövlətlərinin müvafiq sahədəki qarşılıqlı əməkdaşlıqlarının daha da inkişaf etməsinə öz töhfəsini verəcəyinə əminliyini bildirib.
Beləliklə, TÜRKPA-nın Ətraf mühit, təbii ehtiyatlar və sağlamlığın qorunması komissiyasının Qırğız Respublikasında keçirilmiş 10-cu iclasının sənədləri Plenar iclasda qəbul edilib. 15-ci plenar iclasın 2026-ci ildə Qırğız Respublikasında keçirilməsi ilə bağlı qərar qəbul edilib. 14- cü Plenar iclas Astana Bəyannaməsinin qəbulu ilə yekunlaşıb.
NAMİQ
