Kaliforniyada Trampa qarşı qiyamda erməni lobbisinin barmağı var(?)...
Azər Həsrət: "Kaliforniyada nə baş versə mütləq onun arxasında erməni barmağı var"
Kaliforniyanın Los-Anceles şəhərində qeyri-qanuni mühacirlərin kütləvi saxlanmasına qarşı etirazlar beş gündür ki, davam edir.
Tramp bildirib ki, iğtişaşlarla mübarizə aparmaq üçün 2000 nəfərlik Milli Qvardiyaya əmr verib. Onlar iyunun 8-i səhər saatlarında şəhərə gəlməyə başlayıblar.
Bazar günü Los-Ancelesdə keçirilən etiraz aksiyaları zamanı iki polis məmuru yaralanıb. Ən azı, beş avtomobil yandırılıb.
Los-Ancelps şəhərində keçirilən iğtişaşlarda erməni lobbisinin gizli iştirakı ola bilərmi? Axı Tramp ermənilərin istədiklərinə heç əhəmiyyət vermədi.
Məsələ ilə bağlı baki-xeber.com saytına danışan siyasi şərhçi Azər Həsrət bildirdi ki, bütun dünya Kaliforniyanın ermənilərin məskəni olduğunu bilir: "Bu ştatda 1 milyon erməninin yaşadığı deyilir. Üstəgəl, Kaliforniyada yaşayan ermənilər ABŞ daxili siyasətinə ciddi təsir və müdaxilə edə bilir. Həm də onlar dünyada söz sahibidirlar. Yəni bu və ya digər şəkildə lobbiçilik və başqa məsələlərdə onlar çox fəaldırlar. Bununla yanaşı Kaliforniya ermənilərinin əlində iri həcimli maliyyə resursları var və onlar bu pullar vasitəsilə də siyasətə təsir göstərə bilir.
Onu da nəzərə almaq lazımdır ki, Kaliforniya ABŞ Konqresinə ən çox nümayəndə seçən ştatların sırasında birincidir. İşin bizim üçün arzuolunmaz tərəfi odur ki, Kaliforniyadan seçilən bütün konqresmenlər mütləq ermənipərəst olurlar və ermənilərə açıq dəstək vermək üçün əllərindən gələni edirlər. Yəni Kaliforniyada nə baş versə mütləq onun arxasında erməni barmağı olur.
İndiki ixtişaşlarla bağlı qeyd etmək istərdim ki, araşdırılanda mütləq bu işin də arxasından ermənilər çıxacaq. Çunki bu günlərdə elə məhz Kaliforniyada erməni əsilli cinayətkarlarla bağlı çox böyük bir kampaniya başlayıb. Yəni dövlətin müvafiq qurumları cinayətə bulaşmış ermənilərin həbsi ilə məşğuldur. Bu həbslər isə həmin ixtisasların ardınca baş verdi. Yəqin ki, bu ardıcıllığın arxasında bir əlaqə də var. Ermənilər həmişə bu taktikadan istifadə edirlər. Özlərinin cinayətini ört-basdır etmək, məsələdən diqqəti yayındırmaq üçün heç bir dəxli olmayan məsələlərlə ortalığı qarışdırırlar, dünya və yaşadıları ölkənin ictimaiyyəti də bu tələyə adətən düşür. Bu baxımdan düşünürəm ki, Los-Anceles ixtişaşlarında ermənilərin iştirakının olması nəzərdən qaçırılmamalıdır. Yəqin ki, ABŞ hüquq-mühafizə orqanları Kaliforniyada araşdırma apararkən bu faktoru mütləq üzə çıxaracaq.
Çox hallar olub ki, Azərbaycan tərəfi konqresmenlər və senatorlarla bağlı narahatlıq ifadə edib, onların erməni pulu ilə anti-Azərbaycan kampaniyası apardıqlarını deyib, həmin adamların korrupsiyaya bulaşdığını və cinayətlə məşğul olduğunu dilə gətirib. ABŞ-də bir çox siyasilər isə buna əhəmiyyət verməyiblər. Amma zaman axarında bəlli olub ki, Azərbaycan tərəfi dediklərində haqlıdır və ABŞ hüquq-mühafizə orqanları bunu təsdiqləyib. Konkret olaraq Bob Menendeslə bağlı biz illərdir ki, onun korrupsiyaya bulaşdığını deyirdik. Deyirdik ki, o, erməni lobbisinə xidmət edir, ermənilərdən rüşvət alır - artıq məhkəmə bizim dediklərinizi təsdiqlədi. Bəlli oldu ki, hətta o, qızıl külçələr şəklində rüşvət alıb. Onun həyat yoldaşı da bir erməni qadındır. O da rüşvətxorluqda ittiham edildi və bu, məhkəmədə öz təsdiqini tapdı. Ona görə deyirəm ki, Los-Anceles ixtişaşlarının arxasında erməni lobbisi izinin olmasını mütləq ABŞ hüquq-mühafizə orqanları nəzərə almalıdır".
Dəniz NƏSİRLİ
...%22%2C%22image%22%3A%22https%3A%2F%2Fwww.baki-xeber.com%2Fmedia%2F2025%2F06%2F10%2Fabs.jpg%3Fv%3D1749562727%22%2C%22iframe_v2%22%3Afalse%2C%22iframe_v3%22%3Afalse%2C%22t%22%3A0%2C%22cg%22%3A%7B%22isPrivate%22%3Atrue%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Fwww.baki-xeber.com%2Fsiyaset%2F230000.html%22%2C%22referrer%22%3A%22%22%2C%22user_id%22%3A%228ea564f9-c855-4f2c-8535-d0c0027de949%22%2C%22iframe_user_id%22%3Atrue%7D%7D&cb=0.8330293732682459){kind=spacer}