Rusiya xüsusi xidmət orqanları Ukrayna Təhlükəsizlik Xidmətinin (UTX) yüksək rütbəli məmurlarına qarşı sui-qəsd əməliyyatı hazırlayır.
“The Sunday Times”ın Rusiya üzrə aparıcı analitiki Mark Qaleottinin etibarlı mənbələrə istinadən verdiyi məlumata görə, bu plan Ukraynanın Rusiya hava bazalarına qarşı həyata keçirdiyi “Hörümçək toru” əməliyyatına cavab olaraq hazırlanır.
Analitikin sözlərinə görə, Rusiya kəşfiyyat xidmətləri UTX-nin əməliyyat bölmələrinə cavabdeh olan komandirlərin, hərbi kəşfiyyat bölmələrinin rəhbərlərinin və xüsusi əməliyyatlar üzrə koordinatorların daxil olduğu “hədəf siyahısı” hazırlayır.
Ekspertlərin fikrincə, bu hazırlıq iki ölkə arasında kəşfiyyat müharibəsinin təhlükəli şəkildə böyüdüyünü göstərir.
NATO rəsmiləri bu iddiaları “son dərəcə narahatedici” adlandırıb, Rusiya Xarici İşlər Nazirliyi isə mövzu ilə bağlı rəsmi açıqlama verməkdən imtina edir.
İki ölkə arasında kəşfiyyat müharibəsinin təhlükəli şəkildə böyüdüyünü deyən ekspertlər, belə bir əməliyyatın Ukraynanı ruhdan salmaq və Kiyevin qərbli tərəfdaşlarını çəkindirmək məqsədi daşıdığını bildirirlər.
İddialara görə, UTX rəsmiləri mümkün sui-qəsd cəhdinə qarşı təhlükəsizlik protokollarını sərtləşdirib, Ukrayna kəşfiyyatı Qərb müttəfiqləri ilə koordinasiyanı artırıb.
Qaleotti bildirir ki, Rusiya bu cür əməliyyatlarla həm Ukraynanın hərbi potensialını zəiflətməyi, həm də psixoloji üstünlük əldə etməyi hədəfləyir.
TAHİR
