Sahil Kərimli: “Kaya Kallasın açıqlamaları Azərbaycana qarşı riyakar və iki üzlü, qərəzli mövqeni əks etdirən bir açıqlamadır”
Bugünlərdə Bakıda səfərdə olan Avropa Komissiyasının vitse-prezidenti Kaya Kallas İrəvana da getdi. K.Kallas İrəvanda Avropa Mühafizəkarlar və İslahatçılar Qrupunun üzvü Emmanuel Fraqkosun təxribatçı sullarını cavablandırarkən çox təəssüflər olsun ki, Azərbaycanın daxili işlərinə yenə müdaxilə etməyə cəhd edib və qondarma “siyasi məhbuslar”, “erməni əsirləri" kimi ifadələr işlədib, “qanunun aliliyi, insan haqlarından" danışmağa başlayıb.
Guya Azərbaycanda insan haqqları ilə bağlı hansısa problemlər var, guya Bakıda məhkəməsi gedən erməni əsilli şəxslər “əsirdilər” və sair. K.Kallas deyib ki, Bakıda olarkən Azərbaycan Prezidenti ilə təkbətək görüşdə guya bu sözlər onun da diqqətinə da çatdırılıb.
“Bu mesajlar bütün səviyyələrdə, o cümlədən Ali Nümayəndə/Vitse-Prezident səviyyəsində açıq və ikitərəfli şəkildə çatdırılıb” deyə Kallas deyib.
Kallas Azərbaycan Prezidenti ilə nə vaxt təkbətək görüşdü ki, indi durub yalandan açıqlama verir.
Onun Azərbaycan Prezidentlə ilə təkbətək görüşü belə olmayıb.
Qeyd edək ki, aprelin 25-də K.Kallas Azərbaycanın xarici işlər naziri Ceyhun Bayramovla təkbətək və geniş tərkibdə görüşlər keçirib. Həmin görüşdən də verilən məlumatda qeyd olunur ki, burda Azərbaycan və Aİ arasında əməkdaşlıq gündəliyinin mövcud vəziyyəti, inkişaf perspektivləri, enerji təhlükəsizliyi, nəqliyyat, kommunikasiyalar, iqlim dəyişmələri ilə mübarizə daxil olmaqla müxtəlif sahələrdə əməkdaşlıq imkanları, habelə regional təhlükəsizlik məsələləri və Azərbaycan-Ermənistan normallaşma prosesi müzakirə olunub.
Amma Aİ rəsmisi Bakıdan İrəvana gedən kimi hansısa bir ermənipərəst deputatın toruna düşüb və gerçəkliyikdən uzaq fikirlər söyləyib.
Politoloq Sahil Kərimli “Bakı-Xəbər”ə bildirdi ki, Avropa İttifaqının vitse-prezidenti Kaja Kallasın veridyi bu bəyanatlar onun ermənipərəst siyasət yürütdüyünü, Ermənistanın işğalçılıq siyasətini dəstəklədiyini və Azərbaycana qarşı qərəzli mövqe tutduğunu bir daha ortaya qoydu: “Kaya Kallasın açıqlamaları Azərbaycana qarşı riyakar və iki üzlü, qərəzli mövqeni əks etdirən bir açıqlamadır. Yaxşı olar ki, bu şəxs Azərbaycanda guya “siyasi məhbus”, “erməni əsrlər” olduğu barədə əsassız ittiham irəli sürməkdənsə Ermənistanın kütləvi şəkildə silahlandırılması, bu ölkənin sərhədllərimizdə tez-tez hərbi təxribatlar törətməsi və sülh prosesindən yayınması məsələsinə toxunsun. Azərbaycana qarşı bu cür ədalətsiz mövqe tutaraq ölkəmizi əsassız ittiham etməkdənsə bölgədəki proseslərə düzgün mövqe nümayiş etdirsin. Amma təəssüf ki, biz Aİ-nin timsalında bu cür ermənipərəst siyasətçilərin Azərbaycana qarşı daim ədalətsiz mövqe tutmasının şahidi olmuşuq. Bir neçə gün əvvəl Kaya Kallas Azərbaycana və Ermənistana səfər etdi, Azərbaycan Prezidenti ilə onun dediyi kimi təkbə-tək yox, geniş tərkibdə görüş keçirildi. O, bu dəfə də Prezident İlham Əliyevlə guya təkbətək görüşdüyünü deyərək yenidən öz riyakar mövqeyini ortaya qoydu. Əslində isə bu görüş geniş tərkibdə keçirilib və burda bölgədə gedən proseslər müzakirə olunub və eyni zamanda da Azərbaycan Prezidenti İlham Əliyevi sərt və qətiyyətli mövqeyini bir daha Aİ nümayəndəsinə çatdırmış olub”.
S.Kərimlinin fikrincə, görünür, K.Kallas təxribatçı və riyakar planlarını işə sala bilməyib, belə deyək, Azərbaycandan əliboş qayıdıb. O, hesab edir ki, yəni onun Azərbaycan qarşısında irəli sürdüyü hər hansısa bir “şərt” əlbəttə, Azərbaycan tərəfindən həmişə olduğu kimi yenə də qəbul edilməyib: “Çünki Azərbaycan ilə heç zaman şərt və diqtə dili ilə danımaq olmaz və buna cəhd edənlərin tələbləri həmişə geri çevrilib. Azərbaycan həmişə öz haqq-ədalət mövqeyində dayanıb və bundan sonra da belə olacaq”.
İradə SARIYEVA
