Rauf Zetni: "Bir dövlət "qlobal ədalət" adı altında gedib başqa bir ölkənin ərazisini işğal edirsə, onun təbii sərvətlərini ələ keçirirsə..."
Ədalətli inkişafı təmin etmək istəyiriksə, ilk növbədə, ikili standartları geriyə çəkmək və hamının bərabər imkanlara sahib olduğu bir dünya qurmaq məcburiyyətindəyik.
Bu fikirləri Bakıda keçirilən “Həmrəy fəaliyyət: yeni və ədalətli dünya üçün Qlobal Cənub QHT-lərinin gücləndirilməsi” Forumu çərçivəsində təşkil olunan “Artıq ikili standartlar yoxdur: QHT-lər katalizator kimi, Qlobal Cənubda ədalətli inkişaf” mövzulu paneldə Bərpa Olunan Enerji və Enerji Səmərəliliyi üzrə Ərəb Platformasının prezidenti Kamel Esseghairi deyib.
Doğrudan da, bu gün ikili standartlar üzündən yalnız dövlətlər deyil, həm də onilliklər əvvəl qurulmuş beynəlxalq təşkilatlar əziyyət çəkir. Məsələn, BMT, ÜST və digər təşkilatlar dağılmaq ərəfəsindədir. Dövlətlər bu qurumlardan imtina etmək istəyir. Məsələn, Azərbaycan ərazisinin işğaldan azad edilməsi barədə BMT TŞ-nin 4 qətnanəsi 30 il kağız üzərində qalandan sonra, bu qərnamələrdən irəli gələn məsələləri Azərbaycan öz ordusunun gücü ilə həll edirsə, belə BMT bizim nəyimizə lazımdır. Ardınca isə hansısa AŞPA buna görə bizi təqdir etmək əvəzinə "cəzalandırır". Belə AŞPA kimə lazımdır?
Digər dövlətlərə qarşı də belə biganəlik və ikili standartlarla yanaşma kifayət qədərdir.
Dünyanın ikili standartlarla mübarizəsinə Qlobal Cənub QHT Platforması hansı töhfələri verə bilər?
Baki-xeber.com saytının sualını cavablandıran müstəqil ekspert Rauf Zeyni bildirdi ki, Qlobal Cənub QHT Platforması yeni beynəlxalq təssisat kimi bu gün dünya ictimaiyyətinin diqqət mərkəzindədir: "COP28 və COP29, eləcə də yaxın gələcəkdə keçrilməsi nəzərədə tutulan COP30-da nəzərdə tutulan proqramlar, qlobal enerji təhlükəsizliyində "yaşil enerji"nin payının artırılması və daha ədalətli dünya düzəninin formalaşdırılması və s. həlli vacib olan məsələlər həmin platformanın aktual gündəmidir. Digər tərəfdən, bu platforma ayrı-ayrı ölkələrinin dövlətlərarası münasibətlərinin inkişafı fonunda həmin ölkələrin vətəndaş cəmiyyətlərinini bir-birinə intəqrasiyasını təmin edir. Aktual layihələrin birgə həyata keçrilməsi üçün də Qlobal Cənub QHT Platforması bir fürsətdir. Biz ədalətli dünya görmək istəyiriksə, birinci növbədə bunun nə demək olduğunü anlamalı, dərk etməliyik. Bir dövlət "qlobal ədalət" adı altında gedib başqa bir ölkənin ərazisini işğal edirsə, onun təbii sərvətlərini ələ keçirirsə, əhalisini istismar etmək, əmlakını talamaq istəyirsə burada hansı ədalətdən danışmaq olar...
Vətəndaş cəmiyytlərinin belə bir təşəbbüslə çıxış etməsi - yeni və ədalətli dünya naminə təkliflərdə bulunmadı yeni bir çağrışdır. Bu çağrışı biz dəstəkləyirik və alqışlayırıq.
Azərbaycanın vətəndaş cəmiyyəti bu çağrışın təsəbbüskarı kimi çıxış edir.
Yeri gəlmişkən, Azərbaycan Milli QHT Formunun İdarə heyətinin sədri Ramil İsgəndərlini Qlobal Cənub QHT Platformasının baş katibi seçilməsi münasibəti ilə təbrik edirəm.
Platformanın baş ofisi Bakıda yerləşəcək. Bu Azərbaycan üçün böyük bir uğurdur.
Bizim QHT-lərdən "Konstitusiya" Araşdırmaları Fondu və Beynəlxalq Avrasiya Mətbuat Fondu Qlobal Cənub QHT Platforması ilə memorandum imzalayıblar. Digər QHT-lərimizin də bu təşəbbüsü davam etdirəcəyinə inanırıq. Biz vətəndaş cəmiyyəti olaraq dünyaya töhfə vermək istəyirik, bunun üçün isə Qlobal Cənub QHT Platforması geniş imkanlar yaradılıb. Hamıya uğurlar arzulayıram".
Dəniz NƏSİRLİ
