Məhərrəm Zülfüqarlı: “Bu xalqlar arasında düşmənçilik yayan, erməni xalqını daim ağır vəziyyətə, məşəqqətə salan cinayətkarların adlarıdır ki, gələcək nəsillər onları nifrətlə yad edəcək”
Ermənilər qondarma “erməni soyqırımı” “qurbanların” sayını şişirtməkdə davam edirlər. Saxta siyahıya uydurma adlar əlavə edib sayı artırırlar.
İndi də İrəvandakı qondarma “erməni soyqırımı” abidəsinin “Anım divarına” daha iki ad əlavə etmək istəyirlər. Erməni mediası yazır ki, 100 metr uzunluğunda bazaltdan tikilmiş “xatirə divarında” Osmanlı İmperiyasında “erməni əhalisinin yaşadığı, qırğınların və deportasiyaların təşkil olunduğu əllidən çox irili-xırdalı şəhər və qəsəbələrin” adı yazılıb.
Qondarma “soyqırımın” təbliğində iştirak edən xarici ictimai xadimlərin, siyasətçilərin və ziyalıların məzarlarından götürülmüş torpaqla dolu küplər 1996-cı ildə “anım divarının” arxasında basdırılıb.
“Armenpress”in mətbuat mərkəzində keçirilən mətbuat konfransında Erməni Soyqırımı Muzey-İnstitut Fondunun direktoru Edita Qzoyan qeyd edib ki, tezliklə bu siyahıya Rafael Lemkinin də adı əlavə olunacaq. Rafael Lemkin soyqırımşünaslığın ayrıca elmi intizam kimi formalaşmasında və inkişafında böyük xidmət göstərmişdir.
Lemkin nəinki “soyqırım” terminini işlətmiş və BMT-nin 9 dekabr 1991-ci il tarixli “Soyqırım cinayətinin qarşısının alınması və cəzalandırılması haqqında” Konvensiyasının hazırlanması işində iştirak etmiş, həm də bəşər tarixi boyu baş vermiş müxtəlif soyqırımları hərtərəfli tədqiq etmişdir.
“Armenpress”in mətbuat mərkəzində keçirilən mətbuat konfransında “Erməni Soyqırımı” Muzey-İnstitut Fondunun direktoru Edita Qzoyan deyib ki, tezliklə bu siyahıya Rafael Lemkinin də adı əlavə olunacaq.
Qeyd edək ki, polşalı hüquqşünas olan R. Lemkin 1921-ci il martın 15-də Tələt Paşanı xaincəsinə qətlə yetirən cani, terrorçu Soqomon Teyliryan Berlində keçirilən məhkəməsini izləyib və qatı cinayətkarı müdafiə edib, eyni zamana “soyqırım” ifadəsi işlədib. İndi Ermənistan da Lemkinin ruhunu “mükafatlandırıb” onun da adını bu saxta daş parçasına həkk etməyi planlaşdırırlar. Erməni mediası yazır ki, Lemkin nəinki “soyqırım” terminini işlədib, həmçinin BMT-nin 9 dekabr 1991-ci il tarixli “Soyqırım cinayətinin qarşısının alınması və cəzalandırılması haqqında” Konvensiyasının hazırlanması işində iştirak edib (?).
Sözügedən divarda qondarma Musa dağ “döyüşündə” "qəhrəmancasına müqavimət göstrərən” 4000-ə yaxın ermənini xilas edən fransız admiralı Lui du Furnetin adı “əbədiləşdirəcək”.
Təsəvvür edirsizmi, bu necə böyük saxtakarlıqıdır. Ermənilər “soyqırım qurbanı” olmayan bu iki nəfəri də saxta siyahıya əlavə edirlər. Görünən odur ki, kim ermənilərin saxta “soyqırım” iddiasını müdafiə edirsə öldükdən sonra ermənilər onun da adını “soyqırım qurbanı” kimi siyahıya yazırlar.
Yeri gəlmişkən, Ermənistanın baş naziri Nikol Paşinyan dəfələrlə erməniləri “soyqırım qurbanlarının” sayını şişirtməkdə ittiham edib.
“Bu udurma siyahıya Lermkinin və fransız admiralı Lui du Furnetinin adlarının əlavə edilməsi növbəti erməni saxtakarlığıdır”
Siyasi ekspert, tarix elmləri doktoru, professor Məhərrəm Zülfüqarlı “Bakı-Xəbər”ə bildirdi ki, hər il aprel ayında ermənilərin bu cür saxta “genosid” məsələsini önə çəkməsi müşahidə olunur, bu da daim beynəlxalq ictimaiyyət, obyektiv yanaşan insanlar tərəfindən tənqid olunur: “Tənqidlərə baxmayaraq bunlar yenə də saxtakarlıqlarını davam etdirirlər. Bu saxtakarlıq nəyə lazımdır? Mənə belə gəlir ki, bu saxtakarlıq orta əsrlərdən yığılıb qalan Osmanlı Türkiyəsi ilə Bizans, Roma imperiyasının varisləri arasında müasir dövdə gedən prosesdir. Yəni Türkiyə dövlətçiliyinə düşmən olan Bizans ə Roma imperiyasının indiki varisləri ki, var, onlar müxtəlif Avropa ölkələrində oturublar və daim Türkiyəyə qarşı düşməncəsinə saxta “genosid” məsələsindən istifadə ediblər. Biz həmişə demişik ki, Avropa nəyisə Türkiyəyə vermək istəməyəndə, yaxud Türkiyədən nəyisə almaq istəyəndə bu qondarma “soyqırım” məsələsini ortaya atır. Ermənilər də həmişə bu dediyim qüvvələrin əlində bir oyuncağa çevrilib, erməni xalqı da bundan əziyyət çəkir”.
M.Zülfüqarlı bildirdi ki, biz indiki şəraitdə Ermənistanda iki fikrin bir-biri ilə çarpışdığını görürük. “Biri Paşinyanın ortaya atdığı fikirdir ki, bu nağıllara-qondarma “Böyük Ermənistan”, saxta “erməni soyqırımı” iddiasına son qoyub qonşularla normal münasibət yaratmaq lazımdır. Bir fikir isə əvvəlki kimi düşmənçiliyi davam etdirmək niyyətində olan qüvvələrə aiddir. Onlar da müxtəlif mərkəzlər tərəfindən qızışdırılır.
Qondarma “soyqırım” abidəsinə adların yazılması məsələsinə iki mənada yanaşmaq olar. Biri bunlar belə hesab edirlər ki, guya “genosid” məsələsini ortaya atan insanların adını yazmaqla onlara erməni xalqının məhəbbətini qazandırmaq istəyirlər. Mən belə fikirləşirəm ki, bu adların yazılması bu saxtakarlığı, bu düşmənçiliyi qızışdıran insanları gələcək nəsillərə tanıtdırmaq məqsədi daşıyır. Yəni onlar mənfi bir obrazda insanlar tərəfindən qarşılanacaq. O saxta abidənin üzərinə əlavə adların yazılması həmin insanların ziyanınadır. İndi onların adları ora erməni xalqının mənafeyndən çıxış edən insanlar kimi yazılır. Bu xalqlar arasında düşmənçilik yayan, erməni xalqını daim ağır vəziyyətə, məşəqqətə salan cinayətkarların adlarıdır ki, gələcək nəsillər onları nifrətlə yad edəcək. Bu insanların adları yazılan abidənin qarşısına gəlib onlara tüpürəcəklər. Çünki bunlar bilavasitə öz məqsədləri üçün erməni xalqından istifadə edən, onları normal həyat yaşamaqdan məhrum edən insanlardır.
Bu udurma siyahıya Lermkinin və fransız admiralı Lui du Furnetinin adlarının əlavə edilməsi növbəti erməni saxtakarlığıdır”.
M.Zülfüqarlı hesab edir ki, gələcəkdə erməni xalqı içərisində normal düşüncəyə malik insanların sayı artarsa məhz onlar bu insanları qınayacaq və qonşularla normal münasibətlər yaratmağa çalışacaqlar. “Artıq XXI əsrdir, bunlar orta əsrlər düşmənçiliyində ilişib qalıblar. 1915-ci il hadisəsi də Osmanlı-Bizans, Osmanlı-Roma impersiyası düşmənçiliyinə söykənən bir məsələdir ki, erməni xalqı ilə bağlı da belə bir əfsanə uydurub onları bu cür ağır vəziyyətə salıblar. Yəqin ki, gələcək nəsil yeni düşüncə ilə bu cür saxtakarlıqların qarşısını alacaq və regionda normal münasibətlərin inkişafı üçün addımlar atacaqlar. Çünki bunun işartıları görünür və Ermənistanda fərqli düşüncəli insanların sayı artmaqdadır...” - deyə M.Zülfüqarlı bildirdi.
İradə SARIYEVA
