Vüqar Bayramov: "Azərbaycan Orta Dəhlizin bir hissəsi olan Bakı-Tiflus-Qars dəmir yolunun yükötürmə qabiliyyətini illik bir milyon tondan beş milyon tona qədər artırıb"
ADA Universitetində keçirilən “Yeni dünya nizamına doğru” mövzusunda beynəlxalq forumda çıxışı zamanı Gürcüstanla münasibətlərin bizim üçün strateji əhəmiyyətinə toxunan Prezident Əliyev deyib ki, Cənubi Qafqaz regionu strateji baxımdan əhəmiyyətli bölgəyə çevrilib və bunu yalnız biz etmişik.
Azərbaycan Cənubi Qafqaz regionunun strateji baxımdan əhəmiyyətli bölgəyə çevrilməsi üçün nələr edib?
Məsələ ilə bağlı baki-xeber.com-a açıqlamasında iqtisadçı deputat Vüqar Bayramov bildirib ki, Azərbaycan-Gürcüstan-Türkiyə üçlüyü arasındakı münasibətlər geosiyasi baxımdan region üçün çox vacibdir: "Azərbaycan-Gürcüstan əməkdaşlığı bir tərəfdən regionun geoiqtisadi və geosiyasi əhəmiyyətini artırır. Digər tərəfdən bu, beynəlxalq yükdaşıma imkanlarının genişlənməsi baxımdan önəmlidir. Çünkü Azərbaycanın həm enerji, həm də nəqliyyat sahəsində beynəlxalq layihələri məhz Gürcüstan üzərindən reallaşdırılır.
Eyni zamanda, Azərbaycan Orta Dəhlizin bir hissəsi olan Bakı-Tiflus-Qars dəmir yolunun yükötürmə qabiliyyətini illik bir milyon tondan beş milyon tona qədər artırıb. Bu da Azərbaycan və Gürcüstan üzərindən daha çox yüklərin daşınmasına gətirib çıxaracaq.
Bununla yanaşı, həm Orta Dəhlizin imkanlarının genişləndirilməsi, həm Rusiya-Ukrayna müharibəsi kontekstində Moskva və Tehrana tətbiq edilən sanksiyalardan dolayı Orta Dəhlizə marağın artması baxımından Azərbaycanla Gürcüstanın əməkdaslığının inkişafı bölgədə beynəlxalq iqtisadi əlaqələrə xüsusi töhfə verir".
Onu da qeyd edək ki, birinci növbədə Azərbaycan öz coğrafi movqeinə görə təbii olaraq Şərq və Qərb arasında əlaqələndirici rola malikdir. Şimal dəhlizinin Rusiyadan, Cənub dəhlizinin isə İran üsərindən keçməsi, Azərbaycan üzərindən keçən Orta Dəhliz tərəflərin xüsusi marağına səbəb olub. İndi Avropa Çin və Mərkəzi Asiya ölkələri ilə məhz Azərbaycandan keçən Orta Dəhliz vasitəsi ilə kommunikasiya qurmaq məcburiyyətindədir. Azərbaycan bu istiqamətdə bir necə il əvvəl Baki-Tiflus-Qars dəmir yolu layihəsinə investisiya qoydu və 2017-ci ildə onu istifadəyə verdi. 2018-ci ildə isə Transxəzər Beynəlxalq Nəqliyyat Marşrutunu işə saldı. Buna qədər Azərbaycan Bakı-Tiflis-Ceyhan əsas neft ixrac boru kəmərini, Bakı-Tflis-Ərzirum qaz kəmərini, o cümlədən bu qaz kəmərinin davamı olan TANAP və TAP qaz ixraci boru kəmərini inşa edib. İndi isə Qara dəniz yaşıl enerji kabeli (“Black Sea Energy”) layihəsinin icrasına start verib. Bununla yanaşı, rəsmi Bakı Orta Asiya "yasıl enerji"sinin Avropaya ötürülməsı üçün Transxəzər "yaşıl enerji" kabeli layihəsi təşəbbüsü ilə çıxış edir. Bütün bunlar Cənubi Qafqaz regionunu strateji əhəmiyyətə malik bölgəyə çevririr ki, bu layihələrin hamısı Azərbaycanın təsəbbüsu və investisiyası hesabına həyata keçirilib. Məhz prezident də çıxışında bunlara işarə edib.
Akif NƏSİRLİ
