Qasım Hacıyev: “Erməni dili hibrid bir dildir və o dövrdə bu dildə əlyazmanın olmasını iddia etməyin özü böyük saxtakarlıqdır”
Ermənilərin son illər ortaya atdığı “qədim əlifba” cəfəngiyatı get-gedə böyüyür. Ermənilərin özlərinki kimi təqdim etdiyi əlifbanın əslində oğurluq olduğu bir gerçəklikdir. Bu əlifbanın qədim Efiopiya əlifbası olduğu faktlarla sübut olunsa da, ermənilər dayanıb-durmaq istəmir, yenə də qondarma əlifbalarını təbliğ etməkdə davam edirlər.
Maraqlıdır ki, “erməni dilində orta əsr əlyazması” dedikləri bir nümunəni Ermənistanın Efiopiyadakı səfirliyi elə bu ölkənin özündə nümayiş etdirib.
Erməni mediasının iddiasına görə, təxminən 12-14-cü əsrlərdə Misirdə yaradılmış bu çoxdilli orta əsr əlyazmasında beş dildə İncil və Məktublar var!
Ərəb, Kopt, Süryani və Geez/Efiopiya dili ilə yanaşı, guya bu əlyazma “erməni dilində” də yazılıb.
Yalana bax. Orta əsrlərdə erməni dili o qədər “inkişaf” edibmiş ki, o dildə əlyazma da olsun? Erməni dilinin qədim xalqların dilinə calaq edilməsi həqiqətən də böyük saxtakarlıqdır. Efiopiyadan əlifba oğurlayan bir toplumun müxtəlif xalqlardan oğurladıqları sözlər əsasında dil sahibi olduqları da gizlin deyil. Dünyada bir ovuc olan ermənilər özlərini “qədimləşdirmək” üçün ən ağlasığmaz saxtakarlıqlara baş vururlar, bu isə onları gülünc vəziyyətə salır. Gah deyirlər “qafqazlıyıq”, gah Efiopiyadan “səsləri gəlir”, gah başqa regionların “yerli sakinləri” olduqlarını iddia edirlər. Az qala Efiopiyanın da “Ermənistan” olduğunu deyirlər.
“Bu saxta əlyazmanın nümayiş olunması gülüncdür”
Professor Qasım Hacıyev “Bakı-Xəbər”ə şərhində bildirdi ki, ermənilər qədim erməni dilindən, qədim əlifbadan, qədim əlyazmalardan saxtakarcasına danışırlar. Q.Hacıyev bildirdi ki, erməni kilsəsi erməni dilini və erməni əlifbasını “qədimləşdirməklə” məşğul olub, erməni dilində əlyazmadan bəhs edilməsi də bu saxtakarlığın bir parçasıdır. Q.Hacıyev qeyd etdi ki, harda qədim xalqlardan söhbət gedirsə ermənilər də özlərini ora pərçim etməyə çalışırlar. “Moisey Xorenlidən tutmuş Mesrop Maştoça qədər ermənilərin iddia etdiyi tarixçilərin əslində anonim müəlliflər olduğu sübut olunub. Ermənilər yalanların sayını o qədər artırıblar ki, danışmaqla qurtarmaz. Bunlar daim özlərinin də, başqalarının da başını qatırlar. Ondan başlayaq ki, erməni əlifbasının Efiopiya əlifbası olduğu barədə məlumatlar çoxdan yayılıb. Ermənilər özlərini elə aparırdı ki, guya bundan başqalarının xəbəri olmaz. Amma Efiopiyadan olan alim və tədqiqatçı Tekola Haqos özünün “Efiopiya əlifbası, onun yaradılması və təkmilləşdirilməsi tarixi” adlı əsərində bir sıra erməni saxtakarlıqlarını elmi sübutlarla ifşa edib və ermənilərin onların əlifbasını oğurladığını bildirib.
Onu da deyim, erməni “tarixinə” aid iki böyük kitab yazan Boris Borisoviç Piotrovski öz dili ilə deyib ki, Ermənistan Elmlər Akademiyası ancaq uydurmalarla məşğuldur. O, 14 səhifəlik bir məqalə yazıb və orda ermənilərin saxtakarlıqları haqda qısa da olsa məlumat verib. Akademik Maar da çıxışında deyib ki, erməni xalqı kimi erməni dilinin özü də hibriddir, yəni düzüb-qoşmadır, ordan-burdan yığma, düzəltmədi. Bunlar tarixçilər tərəfindən isbat olunmuş məsələlərdir. Amma ermənilər utanmadan yeni “əlyazmalar” ortaya çıxarırlar. Erməni dilində orta əsrə aid əlyazmanın olması yalandan başqa bir şey deyil. Onlar bu əyazmanı sonradan hazırlayıblar. Deyildiyi kimi, erməni dili hibrid bir dildir və o dövrdə bu dildə əlyazmanın olmasını iddia etməyin özü böyük saxtakarlıqdır. Özü də bunun Efiopiyada dilə gətirilməsi, bu saxta əlyazmanın nümayiş olunması gülüncdür”.
Q.Hacıyev bildirdi ki, İncilin erməni dilində orta əsrə aid əlyazmasının olmasının özü də yalandır. Q.Hacıyevin sözlərinə görə, dünyanın müxtəlif ölkələrində “11 erməni dövlətinin olduğu” uydurması kimi əlyazma məsələsi də tamamilə absurddur. “Ərazi iddiaları baş tutmur, bu səbəbdən də əlyazma oyunlarına, dindən istifadəyə keçiblər. Bəzən deyirlər ki, onlar “məzlum xristian”lardır, bəzən də özlərini xristian dininin fövqündə təqdim edirlər. Saxtakardılar. Bu məsələ belədir. Bir vaxtlar Baltikyanı öıkələrdə “erməni dövlətçiliyinin orta əsrlərdə mənbəyi” haqda yazırlar. Bilirsiz, orta əsrlər dövrünü bunlar xüsusi götürürlər ki, saxtalaşdırma işləri aparsınlar. Qafqazdan vurub Rusiyadan çıxırlar, ordan vurub Efiopiyadan çıxırlar. Yəni onlar belə bir toplumdur.
Saxta qəbir daşları, qəbirüstü abidələr düzəltdikləri kimi, saxta əlyazmalar da düzəldirlər. Bu da təəccüblü deyil. Çünki bu onların xüsusiyyətdir”-deyə Q.Hacıyev bildirdi.
İradə SARIYEVA
