Qabil Hüseynli: 'Bu, erməni hiyləgərliyinin növbəti təzahüründən başqa bir şey deyil"
Ermənistanın baş nazir Nikol Paşinyan Nyu-Yorkda BMT Baş Assambleyasının 79-cu sessiyası çərçivəsində keçiriləcək Gələcəyin Sammitində iştirak edib. Tədbirdə BMT üzvu olan dövlətlərin prezidentləri və hökumət başçıları iştirak edib.
Ermənistan baş naziri aparatının informasiya və ictimaiyyətlə əlaqələr departamentindən verilən məlumata görə, Nikol Paşinyan çıxışında xüsusi qeydlər edib. Bizin üçun bu qeydlər arasında maraqlısı baş nazirin Azərbaycan barədə heç nə deməməsi və pozitiv mesaj verməsidir. Pasinyan çıxışında bildirib ki, mən bu Gələcəyin Sammitində öz inamımı bildirmək istəyirəm: gələcək var!: "Bununla da mən öz işimi yerinə yetirmək istəyirəm. Əvvəlki üç sessiyada olduğundan fərqli olaraq, bu il Baş Assambleyadakı çıxışımda qonşu ölkələri ittiham etməkdənsə, daha çox imkanlara diqqət yetirəcəyəm. Bu, müsbət düşüncə və imkanlar haqqında söhbətlərə yer verəcək.
Bəli, hələlik yalnız söhbət üçündür, çünki "Əvvəlcə Söz var idi, Söz Allahla idi və Söz Allahın idi". Bu o deməkdir ki, yaxşı sözlərlə başlamaq lazımdır. "Gələcək var!" teoremini irəli sürməliyik. Bunu sübut etməyə elə bu sözdən başlamalıyıq. Gəlin bunu edək!"
Bu pozetiv çıxışın arxasında nələr gizlənir, doğrudanmı Ermənistan dövləti qonşuları ilə bu cür pozitiv munasibətdədir?
Paşinyanın BMT Bas Assambleyasınin 79-cu sessiyasındakı "pozitiv" çıxışıni sərh etmək üçün politoloq Qabil Hüseynliyə müraciət etdik. Cənab Hüseyinli bildirdi ki, əslində bu çıxış daha çox təşviqat xarakterlidir: "Bu, erməni hiyləgərliyinin növbəti təzahüründən başqa bir şey deyil. Bu gün əslində Nikol Paşinyan daha çox qonşularından danışmalıdır. Çünki dövlət başcısı belə beynəlxalq tədbirlərdə problemin həlli ilə bağlı hesabat xarakterli çıxıs etməlidir. Lakin Paşinyanın bu hesabatı heç də uğurlu alınmayacaqdı. Paşinyan nə desin ki... Əgər Azərbaycanın təkluf etdiyi 17 maddədən ibarət sülh sazişinə 70 gündən sonra cavab verirsə, sazişdən əsas nüvə maddələrini çıxarıb, onu adi kağız parçasına çevirirsə, əlbəttə, onun BMT-də deməyə sözü olmayacaq. Sizi inandırım ki, Paşiniyan deməyə söz tapa bilmədiyindən, münaqişənin birdəfəlik həllinin uzadılmasında özündən kənar günahkar tapa bilmədiyindən bu taktikanı seçib. Amma çox hiylegərcəsinə seçilmiş taktikadır. Həqiqətləri söyləmək ona xeyir gətirmədiyindən, təbliğat xarakterli bir çıxış edir. Guya Ermənistan sülh, ədalət, haqq tərəfdarıdır. Belə Allah sözü ilə başlayan lidersənsə, Azərbaycanın beşdə birini niyə 30 il işğalda saxlamısınız, 4 minə yaxın azərbaycanli əsiri işgəncələrlə məhv edib izini itirmisiniz? Dövlətin bütün liderləri, hətta sıravi vətəndaşlar belə buna cavabdehdir. Keçmiş, indiki və gələcək erməni liderləri bu sual qarşısında cavabdeh olmalıdırlar. Bu suallara cavab tapmaq Paşinyan üçün çox çətindir, hətta mümkünsüzdür. Ona görə də özünü arsızlığa qoyub, "Allah sözü"ndən danışaraq öz dövlətinin "sülhpərvər" olduğunu şüar şəklində təbliğ etməyə uğursuz cəhd göstərir. Amma bütün dunya erməniləri tanıyır. Onları müdafiə edənlər isə heç də bunu ədalət naminə etmirlər. Onlardan 200 il ruslar öz xüsusi məqsədlərı üçün istifadə edib. İndi isə ikinci yüzilin sonunda Avropa və Amerika onlardan öz məqsədləri üçün istifadə etməyi planlaşdırır. Ermənistanı müdafiə edənlərin hədəfi məhz budur".
Dəniz NƏSİRLİ
