Bu barədə hərbi ekspert Hayk Nahapetyan Ermənistanın News.am -“Ermənistan xəbərləri”nəşrinin müxbiri ilə söhbətində bildirib. Nahapetyan İrana qarşı mümkün hərbi əməliyyatların ilkin mərhələsinin Azərbaycan üçün əlverişli məqam ola biləcəyini iddia edib:- "Əgər Azərbaycanın arxasında ABŞ-ın timsalında fövqəldövlət olmasa, Azərbaycan təkbaşına regionda eskalasiyaya getməyəcək, çünki bilir ki, bu cür hərəkətləri ilə İran və Rusiyaya meydan oxumuş olacaq. Bu isə onu deməyə əsas verir ki, irimiqyaslı təcavüzlə bağlı qərar Bakıda deyil, Ankarada da deyil, Londonda və ya Vaşinqtonda veriləcək". Ekspert əlavə edib ki, Azərbaycanın mümkün hərbi fəaliyyəti İran sərhədini bağlamaq üçün Ermənistan ərazilərini ələ keçirmək məqsədi daşıya bilər.Daha sonra Nahapetyan əsil erməni xislətinə malik təxribatcı fikirlərlə davam edir:- Sitat-“Ermənistan ərazisindən keçən dəhliz İrana qarşı ona görə Azərbaycana lazımdır ki, Liviya, Suriya və digər yerlərdən terrorçu qrupların təmsil olunduğu silahlılar toplansın və Ermənistan ərazisindən Azərbaycana keçsin. Üstəlik, Azərbaycan əhalinin məskunlaşdığı ərazilərə toxunmadan Meğridən keçsə, bu, Rusiya qarşısında onun üçün yüngülləşdirici hal olacaq. Azərbaycan bunu Ermənistanın 9 noyabr bəyanatının 9-cu bəndinə əməl etmədiyini bildirməklə əsaslandırmağa çalışacaq”, - sitatın sonu.Onun sözlərinə görə, İlham Əliyev təzyiq yolu ilə onsuz da Ermənistandan güzəştlər əldə etdiyi üçün onun heç bir sənəd imzalamasına ehtiyac yoxdur. “Bununla belə, Paşinyan Rusiya Federasiyası, Ermənistan və Azərbaycan arasında 9 noyabr bəyanatına əsaslanan üçtərəfli bəyanata qayıtmaqla, ATƏT-in Minsk Qrupu, təzminatlar, ermənilərin təqib edilməsi, azərbaycanlıların Ermənistanda məskunlaşdırılması ilə bağlı Əliyevin bütün tələblərini neytrallaşdıra bilər. Lakin Paşinyan bunu etmir və İlham Əliyevin oyunuyla oynayır”- deyə Nahapetyan yekunlaşdırıb.
Surxay Əliyev.
