Ötən gecə erməni mənbələri Azərbaycanın daha bir tələbinin yerinə yetirilməsinə başlandığını bildiriblər. Erməni Teleqram kanalları xəbər verir ki, artıq bu səhərdən etibarən ermənilər Qarabağdan artilleriya qurğularını çıxarırlar.
Prosses rus sülhməramlıların nəzarəti altında baş tutur. Məlumata əsasən, sentyabrın sonuna qədər Qarabağda ermənilərin heç bir ağır silahı qalmayacaq. Qarabağdakı separatçıların qondarma “qüvvələri” isə qondarma “xalq milisinə" çevrəcək. Bu da yalnız müvəqqəti aralıq qərardır. Qarabağda ermənilərin heç bir statusu olmayacaq, müvafiq olaraq, heç bir "milis"dən də söhbət gedə bilməz. Qarabağda erməni "milislərin" Azərbaycan vətəndaşlığını qəbul edəcəyi və öz formasını Azərbaycan polis əməkdaşlarının formasına dəyişəcəyi bildirilir.
Ermənistan imzaladığı kapitulyasiya aktı ilə öz silahlı qüvvələrini Rusiya sülhməramlılarının nəzarətində olan ərazilərdən çıxarmaq öhdəliyini götürüb. Bu öhdəlik sənədin 4-cü bəndində əksini tapıb. Əslində Rusiya hərbçiləri indiyədək qanunsuz erməni quldur dəstələrinin tərksilahını təmin etməli idi. Keçən ay Ermənistan Təhlükəsizlik Şurasının katibi Armen Qriqoryan bəyan etdi ki, Ermənistan ordusunun qalıqları Qarabağ ərazisini tamamilə tərk edəcək. Lakin o, separatçılara məxsus silahlı qüvvələrin Qarabağda qalacağını da söylədi.
Ermənilərin yaxın vaxtlarda öz silahlılarını Qarabağdan tam çıxaracağını gözləmək olarmı?
Hərbi-siyasi ekspert, ehtiyatda olan polkovnik-leytenant İbrahim Rüstəmli “Bakı-Xəbər”ə açıqlamasında bildirdi ki, prosesin ilkin mərhələsində bu mövzuda danışarkən, dəfələrlə Prezident nəyi nə vaxt etməyi çox gözəl bildiyini vurğulayıb: “ Əslində elə bu ifadə Prezidentin özünə məxsusdur. Bir ölkə başçısı bu mesajı ilə gələcəklə bağlı çox motivasiyalı bir fikir formslaşdırdı. Bir müddət sonra gördük ki, Prezident verdiyi vədlərin hamısını yerinə yetirir. Artıq onun dilindən konkret bəyanatlar eşidirik ki, ermənilərə heç bir status verilməyəcək. Çünki bizim ərazimizdə yaşayacaq ermənilər bizimlə eyni statusa malik olacaqlar. Bu, həm də Azərbaycanın Qarabağ ərazisində yaşamaq istəyən ermənilərə çox ciddi xəbərdarlıq idi. Ermənistan kapitulyasiya imzalayandan sonra dolayısı ilə Azərbaycanın ərazi bütövlüyünü tanımış oldu. Bu tanınmadan sonrakı mərhələdə isə öz silahlılarını bölgədən çıxarmağa məcbur oldu. Bəzi məqamlarda biz onları buna məcbur etdik, bəzilərində isə özləri belə addımlar atdılar. Hətta Qarabağdakı ermənilərə öz rəhbərləri çağırış edirlər ki, evləri, meşələri yandırmasınlar. Ancaq bu əxlaqsız qövm yenə də öz mənəviyyatsızlığını orada göstərir. Ermənistan qoşunlarının Qarabağdan çıxarılması çox dinamik şəkildə həyata keçirilir. Mən düşünürəm ki, yaxın bir il ərzində biz öz ərazilərmizdəki yurisdiksiyamızı tamamilə bərpa edəcəyik. Söhbət hazırda ermənilərin üstünlük təşkil etdiyi yaşayış məntəqələrindən gedir. Qısa müddətdə biz Qarabağı bütün terrorçulardan təmizləyəcəyik. Hesab edirəm ki, onların yerli polisinin fəaliyyət göstərməsinə ehtiyac var. Çünki onlar Azərbaycan qanunları ilə işləyəcək. Müəyyən mərhələdən sonra isə onlar da öz yerini tapacaq. Yaxın zamanlarda biz Ermənistanla aramızda olan dövlət sərhədini tam bərpa edəcəyik”.
Məhəmmədəli QƏRİBLİ
