Ermənistanın baş naziri Nikol Paşinyan Rusiya mediasında ciddi tənqid atəşinə tutulub. AzVision.az xəbər verir ki, Rusiyanın erməni əsilli media meneceri Aram Qabrielyanov Kremlin İrəvan rəhbərindən qıcıq olduğunu yazıb.
O qeyd edib ki, Rusiyada Nikolun və onun yaxın ətrafının davranışlarından həddindən artıq beziblər. Yenicə məlum olub ki, Paşinyanın ABŞ Dövlət Departamenti ilə birbaşa məxfi əlaqələri olub. Qarelyanov yazır: “Yenicə məlum olub ki, Paşinyanın ABŞ Dövlət Departamenti ilə birbaşa məxfi əlaqələri olub. Ermənistan - Türkiyə yaxınlaşması və Qarabağ məsələsi ilə bağlı baş nazirin müavini Qriqoryanın, xarici işlər naziri Mirzoyanın və xarici işlər nazirinin müavini Rubinyanın danışıqları, Rusiyanın iştirakı ilə aparılan bütün danışıqlar, o cümlədən iki ölkənin rəhbərləri arasında baş tutan telefon danışıqlarının stenoqramı şəxsən Paşinyana təqdim edilir. Bura Paşinyanla Rusiya prezidenti Vladimir Putinin ünsiyyəti də aiddir. Qabrielyanov iddia edir ki, Nikol bütün bu sənədləri Təhlükəsizlik Şurasının katibi, Baş Qərargahın keçmiş rəisi Movses Akopyanın əmisi oğlu Qriqoryana verir. O isə məlum məxfi məlumatları amerikalıların ona verdiyi xüsusi noutbukla gizli əlaqə quraraq Dövlət Departamentinə ötürür”.
“Rusiyanın yanında ABŞ-a, ABŞ-ın yanında da Rusiyaya xəyanət edir”
Məsələyə şərh verən Azad Vətən Partiyasının sədri Akif Nağı “Bakı-Xəbər”ə şərhində bildirdi ki, N.Paşinyanın ABŞ Dövlət Departamenti ilə birbaşa məxfi əlaqələrinin olmasına dair informasiya diqqəti çəkir və təəccüb doğurmur: “Nikol Paşinyanın özünü aparması, həm Rusiya prezidenti, həm də ABŞ rəhbərliyi ilə əlaqələri davamlı şəkildə saxlaması həmişə kənardan müəyyən şübhələr doğururdu. Suallar yaranırdı ki, Paşinyanın eyni zamanda həm Rusiya prezidenti, həm də ABŞ rəhbərliyi, xüsusən də Dövlət Departamentinin rəhbəri ilə münasibət saxalaması necə olur. Bu yöndə dəfələrlə bildirilirdi ki, Ermənistan Rusiyadan hərbi dəstək alır. Çünki Rusiya sülhməramlıları regionda yerləşir və onlar oradan çıxarılarsa Ermənistanın heç bir mövqeyi saxlamaq imkanı olmayacaq, Ermənistan buna görə Rusiya ilə əlaqə saxlayır. Eyni zamanda ABŞ-dan həm maliyyə, həm siyasi dəstək alır, bu səbəbdən də Amerika ilə də əlaqəni kəsmir. Təbii ki, burada Ermənistan Azərbaycanın balanslaşdırılmış siyasətini təqlid etməyə, yamsılamağa çalışır. Amma Azərbaycan açıq şəkildə öz mövqeyini ortaya qoyub ki, bizim nə Qərbdən, ABŞ-dan, nə də Rusiyadan asılılığımız var, müstəqil dövlətik, maraqlarımıza uyğun olaraq eyni dərəcədə Rusiya ilə də, ABŞ-la da münasibət qura bilərik. Hətta müəyyən məqamda Rusiyanın xoşuna gəlməyən məsələdə, tutaq ki, Ukrayana ilə bağlı məsələdə Azərbaycan mövqeyini ortaya qoyur, Rusiya da bununla hesablaşır. Yaxud İranla bağlı ABŞ-ın xoşuna gəlməyən mövqe qoyur, Amerika da bununla razılaşır.
Paşinyan bu məsələni erməni xarakterinə xas şəkildə icra etməyə çalışıb, gizli şəkildə hərəkət etməyə cəhd edib, amma ifşa olunub. Paşinyan hər iki tərəfə xəyanət edib, Rusiyanın yanında ABŞ-a, ABŞ-ın yanında da Rusiyaya xəyanət edir. Bu, erməni xislətidir. Ermənilər yenə də öz xislətlərinə sadiq qalaraq hər iki ölkənin gizli tapşırıqlarını yerinə yetirməyə çalışıblar. Onlar özlərini bu şəkildə agent, casus yerinə qoyublar. Qısa müddət keçəndən sonra faktlar üzə çıxır. Ermənistanın baş naziri ilə bağlı deyilənlərin nə qədər düz, nə qədər yalan olduğunu deyə bilmərəm, amma reallığa yaxındır. Paşinyan hakimiyyətə gələndən elə agent kimi görsənirdi. Onun hansısa tapşırıqları, sifarişləri yerinə yetirdiyi diqqətdən qaçmırdı, bu da müzakirə edilirdi. Deyilirdi ki, Paşinyan Sorosun, yəni ABŞ-ın tapşırıqlarını yerinə yetirir. O, ABŞ-ın tapşırıqlarını tam olaraq yerinə yetirdimi? Deyərdim ki, yox. Çünki Ermənistandakı vəziyyət onların istədiklərinə uyğun deyil, bölgədə də mövqelərini tam şəkildə itirdilər. Bu da onun casusluq fəaliyyəti ilə bağlıdır ki, bu məsələlər məxfi saxlanılır. Bu baxımdan, Paşinyanın ABŞ Dövlət Deportamenti ilə məxfi əlaqələrə malik olması təəccüblü görsənmir, təbii görsənir. Paşinyan hakimiyyətə gələndən özündə casus, agent imici formalaşdırıb”.
A.Nağı qeyd etdi ki, Rusiyanın da, ABŞ-ın da, Qərbin də kəşfiyyatları işləyir və onlar baş verənləri, əlaqələri tam şəkildə ortaya qoyurlar. “Casusluq aləmində ikili, üçlü casus deyilən bir ifadə var. Yəqin Rusiyada başa düşürlər ki, Paşinyan ABŞ-ın agentidir, amma müəyyəm məqamlarda ondan öz agentləri kimi istifadə etməyə çalışırlar. ABŞ da anlayır ki, Paşinyan Rusiyanın agentidir, Amerika da ona tapşırıqlar verir. Ermənistanın baş nazirindən ikili agent kimi istifadə edilir. Böyük ehtimalla, Paşinyan Ermənistanda ikili, bəlkə də daha çox agent funksiyasını yerinə yetirir”- deyə partiya sədri qeyd etdi.
İradə SARIYEVA
