Ermənilərə xüsusi tapşırıq - Laçında evlərinizi yandırıb çıxın...

Rövşən Rəsulov: “Separatçıların hər bir aqressiv hərəkətinin, vəhşiliyinin qarşısı amansızlıqla alınmalıdır”

img

Qarabağdakı separatçı-terrorçu rejimin qalıqları Laçın şəhəri, Zabux və Sus kəndlərində qalan ermənilərin təxliyyəsinə başlayır.

Azərbaycan mətbuatının məlumatına görə, bu barədə Ermənistanın “Pastark” agentliyi məlumat yayıb. Məlumata görə, separatçıbaşı Araik Arutyunyan Laçında qalan ermənilərin təxliyyəsinin sakit şəkildə aparılmasını, tərk edilən evləri isə yandırmağı tapşırıb.

Bildirilir  ki, Laçın dəhlizinin alternativ marşrutunun istifadəyə verilməsi ilə Laçın şəhəri, Zabux və Sus kəndləri Azərbaycana təhvil verilməlidir.

Əslində, ermənilərin çıxıb gedərkən evləri qarət edib yandırması birinci dəfə deyil, onlar hər dəfə bunu ediblər. Əlbəttə, Laçının kəndlərində baş verənlər də növbəti erməni vəhşiliyidir. Normal insan necə qurulu evə od vurub yandıra bilər? Araik onlara niyə hər dəfə “evləri yandırın” “tövsiyəsini” verir, yəni onlar bizim kəndləri dinc, sakit üsulla tərk edə bilməzlərmi?

  • “Ermənilər bir vaxtlar oğru kimi girdikləri, zəbt etdikləri evləri indi vandal, vəhşi kimi tərk edirlər”

Siyasi ekspert Rövşən Rəsulov bizimlə söhbətində bildirdi ki, ermənilər həmin ərazilərə işğaldan sonra köçürülüb gətirilib. Separatçıbaşı Araik də, başqaları da yaxşı bilir ki, bura onların torpağı, evi-eşiyi deyil, ona görə də o cür vəhşiliklər törədir, aqressiya göstərirlər. “Ermənilərin davranışlarından, xüsusən də Araik Arutyunyanın “əmrlərindən” təəccüblənməyə dəyməz. Çünki bilirik ki, Laçın və Kəlbəcər 2020-ci ilin 10 noyabrında imzalanan üçtərəfli bəyanata əsasən təhvil verilərkən ermənilər oradakı flora, faunanı, eləcə də evləri talamaqla yanaşı həm də yandırıb məhv etdilər. Bu da açıq-aşkar onların vəhşiliklərinin və qanlarına hopmuş qeyri-insani davranışların göstəricisidir. Biz onu da unutmamalıyıq ki, Araik Arutyunyan  44 günlük Vətən müharibəsi zamanı dinc şəhərlərimizin vurulmasını “əmr edən” erməni faşistlərindən biridir. Xüsusən də Gəncənin ballistik raketlə vurulması məsələsində Araikin günahkar olması faktdır. Çünki onun özü bu cinayət əməlini etiraf edib ki, Gəncənin vurulmasına göstəriş verib. Bu faktlar da göstərir ki, onun kimi canilərlə insani dildə danışmaq lazım deyil. Bu kimi məsələlərdə qana-qan prinsipi əsas götürülməlidir. Düşünmürəm ki, avqustun 2-dən 3-nə keçən gecə və avqustun 3-ü boyu davam edən “Qisas” antiterror əməliyyatı zamanı erməni terrorçularının məhv edilməsindən sonra erməni separatçıları, terrorçuları dinc dayanacaqlar. Onlarla sona qədər mübarizə aparmaq və bu həşəratları torpaqlarımızdan çıxarmaq lazımdır. Əks halda onlar bir müddətdən sonra yenidən baş qaldırıb bu cür terror hərəkətlərə yol verəcəklər. Digər tərəfdən, fikrimcə, əgər Araik Arutyunyan belə bir “əmr veribsə”  bu gün orada yerləşən Azərbaycan Silahlı Qüvvələri əvvəlcədən tədbir planlarını qurub ermənilərin evləri, meşələri, flora və faunanı yandırıb məhv etmək cəhdlərinin qarşısını almalıdır. Buna da tam hüquqları var. Ermənilərin heç bir ixtiyarı yoxdur ki, Azərbaycanın ərazisində evləri yandırıb, meşələri, flora-faunanı məhv etsinlər. Separatçıların hər bir aqressiv hərəkətinin, vəhşiliyinin qarşısı amansızlıqla alınmalıdır”.

R.Rəsulov dedi  ki, yüz il bundan əvvəl də, indi də ermənilərin aqressiyası yanğın törətmək, evləri yandırmaq, meşələrə, flora və faunaya qarşı amansızlıq etmək, insanlara qarşı kütləvi qırğınlar həyata keçirmək olub. O hesab edir ki, dünya ermənilərin vəhşiliklərini görməli və onu pisləməlidir: “Ermənilərə “çıxanda evləri yandırın” “əmrinin verilməsi” bu toplumun vəhşi, vandal xislətini ifadə etməklə yanaşı, həm də o torpaqların, o evlərin onlara aid olmadığını bir daha sübut edir. Əgər o evlər onların olsaydı və onları dişləri-dırnaqları ilə tikib qursaydılar od vurub yandırmazdılar, özlərinin deyil, ona görə də belə edirlər. Ermənilər bir vaxtlar oğru kimi girdikləri, zəbt etdikləri evləri indi vandal, vəhşi kimi tərk edirlər”.

İradə SARIYEVA

Peşə etikası

Son xəbərlər