"Günlərin birində ABŞ konqresinin həqiqətən əzəmətli binasına girib-çıxan çoxsaylı ziyarətçilərin arasında bir nəfərin özü ilə gətirdiyi və bir neçə konqresmen üçün bir adamın adına göndərilmiş xüsusi sifariş məktubunun bu qədər bənzərsiz ədalətsizlik və haqsızlıq olayı törədə biləcəyi bəlkə də kiminsə ağlına da gəlməzdi. Məktubda yazılanların məzmunu və tələbi bu idi –“Qafqaz ermənilərinin Dağlıq Qarabağ respublikasının 29-cu ildönümünü böyük hay-küylə dünya hadisəsinə çevirməlisiniz. Bu işlərə böyük erməni xalqının təmənnasız dostları sayılan mümkün qədər çox sayda konqresmen cəlb edin. Müqəddəs işə qoşulacaq hər bir konqresmenə xidmətinə və çəkisinə görə ayrıca minnətdarlıq ediləcək. Dostlar, avanssız işləmək kimi aramızda çoxdan sınaqdan çıxmış iş üsulunun bu dəfə də keçərli olmasını bir daha vurğulamaq istərdik. Lütfən "Delle-Velle" bankındakı şəxsi hesablarınızın dinamikliyini də arada bir yoxlamağı unutmayın. Hörmətlə:ABŞ Erməni Milli Komitəsinin koordinatoru S.Arutyunyan..."
Əslində həqiqətə çox bənzəyən bu hekayə hansısa siyasi roman və ya sənəddən götürülməsə də, bugünlərdə 4 Amerika konqresmeninin qondarma "DQR"-in heç bir siyasi, iqtisadi, geosiyasi və hüquqi məzmun ifadə etməyən 29-cu ildönümü ilə bağlı yazdığı təbrik məktubunun rüsvayçı pərdəarxalarını dəqiq ifadə edən ideal sənəd sayıla bilər. Ermənipərəstlikdə ad çıxarmış bədnam şöhrətli Amerika konqresmenlərinin vicdanlı və ədalətli dünyanı sarsıdan əməlləri özünü göstərməkdə davam edir.
Məşhur əsər qəhrəmanları olan Atos, Partos, Aramis və Dartanyansayağı yalnız maddi mənafelərin təhriki ilə mexaniki surətdə bir araya gələn konqresmenler Frenk Pallone, Cek Speler, Guş Blirakis və Adam Şiff qondarma qurumun “liderlərinə” elə bir məzmunda təbrik yazıblar ki, dünya tarixində həqiqətən dönüşlər yaratmış XVI əsr Niderland burjua, XVII əsr İngiltərə burjua, XVIII əsr Amerika istiqlaliyyət və Fransa burjua inqilablarının ildönümlərinə yazılmış istənilən təbrik məktubu öz məzmununa görə buna həsəd apara bilərdi... 91-ci ilin sonlarında Azərbaycan xalqının tarixi haqqına, ədalətə və beynəlxalq hüquq normalarına həqarət nümunəsi yaratmış bir qrup separatçı Qarabağ dığasının cinayət əməllərinə elə təriflər yağdırıblar ki, sanki dünyanın nizamını dəyişəcək hadisə məhz bunlar olacaq. Bir milyondan artıq azərbaycanlını didərgin salaraq onlara faciə yaşatmaq, bir gecədə yüzlərlə dinc günahsız azərbaycanlını ağılalmaz vəhşi formalarda qətlə yetirmək bahasına heç kimin tanımadığı cinayətkar qurum yaratmağı regionda demokratiyanın təntənəsi kimi qələmə vermək ilk əvvəl 246 illik tarixi ilə öyünən Amerika demokratiyasına təhqirdir. Əgər 246 illik tarix yaşamış Amerika demokratiyasının daşıyıcısı olan ictimai şüur səviyyəsi öz zehnini hələ də çirkin erməni pullarına satmaqda davam edən belə konqresmenlər yetişdirirsə, XIX əsrin sonlarında Osmanlıya qarşı saxta erməni köçunü başlatmış siyasətçilərin davamçılarına hələ də rast gəlinirsə, super-saxtakar bir keşişin uydurma kitabı əsasında 1895-ci ildə ilk saxta genosid qərarı çıxarmış konqresmenlərin haqsız işləri hələ də davam etdirilirsə, Amerika demokratik ictimai-siyasi düşüncəsində bu konqresmenlər kimi şıkəst mutantların doğuluş səbəblərini kim izah edə bilər?! Mutant konqresmenlər "Arsaxın" sosial-iqtisadi və demokratik inkişaf yolunda regional "möcüzə" yaratdıqlarını bəh-bəhlə tərifləyirlər.Utanmaz-utanmaz Minsk Qrupunun həmsədrlərini "Arsaxı" danışıqlarda tərəf kimi tanımağa çağırır, Amerika dövlətinin siyasətini də bu şərəfsiz yola təşviq etmək istəyirlər.
Sözsüz ki, Fransa, Rusiya kimi dövlətlərin hakimiyyətlərindəki məlum lobbi qruplarının edə bilmədiyini başını erməni "koşelyokundan" çıxararaq hərdən zingildəyən bir neçə konqresmenin bacaracağını düşünmək mümkünsüzdür. Bu konqresmenlərin bacardığı tək bircə şey var, o da bütün Amerikanın rəsmi siyasətini rüsvay etmək və bir ovuc erməninin mənefelərinə qurban verməkdən ibarətdir. Əminəm ki, 4 nəfər satılmış konqresmenin məktubu Azərbaycan cəmiyyətinin gözündə bütün Amerikanın siyasətini, tərəfsizlik bəyanatlarını hörmətdən salır...
