"İkinci, hətta üçüncü dalğa ehtimallarının gerçək olmağa başlaması koronavirusun hələ uzun müddət məişətimizin ayrılmaz elementi olacağı barədə öncədən verilən proqnozları təsdiqləyir. Azərbaycan Prezidenti İlham Əliyev də son aylarda bir neçə dəfə insanları daha ehtiyatlı həyat tərzinə dəvət etməklə pandemiyanın bizimlə uzun müddət məişət tərəfdaşı ola biləcəyini qeyd edib. Avropa və Latın Amerikası ölkələrində yenidən pandemiya dalğasının başlanması artıq real faktdır və bu ölkələrdəki yeni dalğa Azərbaycanın da tam sığorta edilmədiyini deməyə əsas verir".
Bu fikirləri Olaylar.az-a açıqlamasında "Bakı-Xəbər" qəzetinin baş redaktoru, siyasi ekspert Aydın Quliyev bildirib. Siyasi ekspert qeyd edir ki, bir neçə gün əvvəl dövlət müşavirəsində Prezitent İlham Əliyev cəmiyyətimizə bir daha əsaslı xəbərdarlıq mesajları ünvanladı:"Prezidentin son müşavirədə müxtəlif qoruyucu və məhdudlaşdırıcı tədbirlərə cəmiyyətin məsuliyyətli yanaşması barədə dedikləri əhəmiyyətlidir və insanlara yeni pandemiya dalğalarının hələ real olduğunu xatırlatmaq baxımından çox təsirlidir." Aydın Quliyev vurğulayır ki, prezident müşavirədə pandemiyanın dinamikasından asılı olaraq sərtləşmə və yumşalma etaplarının bir-birini əvəzləməsinin metodikasını çox əla təhlil etdi: "Azərbaycanda pandemiyanın dinamikasından asılı olaraq sərtləşdirmə və ya yumşaldılma addımları prosesin həqiqətən tam nəzarət altına alındığını bir daha sübut edir. Prezident çox haqlı olaraq karantin qaydalarının yumşaldığı dövrlərdə yoluxmanın artmasının əsas səbəbinin qaydalara maksimum əməl edilməməsi ilə bağlı olduğunu dedi. Prezident bir daha demək istədi ki, ölkəyə xaricdən nəzarətsizlik qaydasında virusun idxalının qarşısı tam alınıb və yoluxmanın yeganə risq mənbəyi gigiyenaya tam əməl edilməməsi və məsafə saxlamaqda yol verilən məsuliyyətsizlik hallarıdır. Hazırda Azərbaycan karantin qaydalarının növbəti dəfə nisbətən yumşaldılma mərhələsindədir. Hazırkı yumşalma dövründə məsafə və gigiyena tələblərinə tam əməl edilməməsi sentyabr-oktyabr aylarında yeni sərtləşmələri qaçılmaz edə bilər. Prezident pandemiyanın yeni dalğasının və yeni sərt məhdudiyyətlərin tətbiqinin qaçılmaz ola biləcəyi barədə açıq danışdı. Prezidentin hələ bitməyən təhlükə barədə cəmiyyətə açıq və birmənalı mesajları hamının səfərbər ola bilməsi üçün çox əhəmiyyətlidir. Azərbaycanda pandemiyanın yeni dalğası münkündür və onun qarşısını almağın ən təminatlı yolunu Prezident dedi:"sosial məsafəni və şəxsi gigiyena üzərində diqqəti həmişə saxlamaq...”
