18/09/2020 23:46
728 x 90

“Eradan əvvəl hətta Soçi də ermənilərin olub” - Saxta “Böyük Tiqran”ın legionu barədə yeni əfsanə...

Qasım Hacıyev: “Bizim eradan əvvəl, I əsrdə ermənilər Qafqazda yox idilər və onların “Soçi Böyük Ermənistan ərazisidir” iddiası tamamilə cəfəngiyyatdır”

img

Ermənilərin ərazi iddiaları artıq Qafqazın sınırlarını aşmağa başlayıb. Bir neçə il bundan əvvəl Rusiyanın Yakutiya Respublikasının “qədim erməni diyarı” olduğunu iddia edən və bununla bağlı həqiqətə uyğun olmayan informasiyalar yayan ermənilər indi də Rusiyanın populyar kurort şəhəri olan Soçiyə qarşı iddia irəli sürüblər.  

Rusiya mətbuatının böyük ikrah və narazılıqla qarşıladığı bu iddia ilə bağlı rus mediası yazır ki, ermənilər indi də bu yeni yalanları tirajlamağa başlayıblar. “Erməni təbliğatçıları Rusiyanın kurort şəhəri olan Soçidə ermənilərin “ən qədim dövrdən məskunlaşdığı yer” olduğunu yazır, hər yeri bu şəhərə xüsusi hüquqlarının olduğunu “sübut edən” materiallar ilə doldurmaqda davam edirlər. Digər bir erməni məqaləsi olan “Soçidə erməni icmasının yaranması tarixi” sosial şəbəkələrdə növbəti dəfə geniş müzakirələrə səbəb oldu. Ancaq şərhlərin təhlili göstərir ki, rus ictimaiyyəti erməni icmasının “siyasi sədaqəti” “işığını” və Rusiyanın cənubu ilə bağlı real planlarını görməyə başlayır”.

Qeyd edək ki, erməni müəlliflərindən biri iddia edir ki, hazırda Soçidə 200 minə yaxın erməni yaşayır ki, bu da ümumi əhalinin 40% -ni təşkil edir. O, eyni zamanda, qeyd edir ki, guya Krasnodar diyarı ərazisində erməni əhalisinin ilk məskunlaşması “eramızın I əsrin”ə təsadüf edir. Bu gün ermənilər əsassız olaraq iddia edirlər ki, guya “Böyük Tiqran”ın legionu bura gəlib və bu zaman minlərlə erməni legionu burada qalıb. Yəni Rusiyanın Soçi şəhəri erməni variantına görə, “Böyük Ermənistan”ın ərazisində yerləşir, saxta, mifik “Böyük Tiqran”ın “burada hökm sürdüyü” və erməni təxəyyülünün məhsulu olan “minlərlə erməni legionu” burada  yerləşib (?).

Rusiyalı təhlilçilər qeyd edirlər ki, bu, erməni saxtakarlığından biridir və ermənilər Soçidə e.ə. I əsrdə necə yerləşib ki, burada onların heç bir tarixi izinə rast gəlinmir.

Rusiya mətbuatı bildirir ki, erməni təbliğatçıları sosial şəbəkələri və müxtəlif tarixi arxivləri saxtakarlıqla doldurmağa başlayacaqlar, bununla da ermənilərin bu torpaqda ilk məskunlaşdıqlarını və Soçinin guya onların əcdadları yaşadıqları ərazi olduğunu “təsdiqləyəcəklər”.

  • “Tiqranın legionu məsələsi...

Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev mövzunu “Bakı-Xəbər”ə şərh edərkən bildirdi ki, Rusiya artıq ermənilərin belə iddialarından nəticə çıxarmalıdır. Q.Hacıyevin sözlərinə görə, ermənilər bu gün Soçiyə qarşı əsassız iddia irəli sürürlərsə, sabah artıq Soçidə erməni vilayəti yaratmaq iddiasını ortaya qoyacaqlar. “Son zamanlar ermənilərin əsassız ərazi iddiaları daha geniş miqyas almaqdadır. XX əsrin əvvəllərində yazdılar, sonra da yazdıqlarını icra etmək üçün çox məkrli oyunlar oynadılar. İndi də onu davam etdirirlər. Ermənilər o qədər yalanlar, saxtakarlıqlar uydururlar ki, bunların ağlında çatışmazlıq olduğunu fikirləşirsən. Ermənilərin xülyaları, əfsanələri, nağılları bitib-tükənmək bilmir. Nə yaxşı ki, onların bu uydurmalarına tutarlı cavablar verilir. Əks halda, görün daha nələr baş verərdi.

XX əsrin əvvəllərində yazdılar, dedilər Sovet dövründə onlara cavab verən olmadı, yazdıqları arxivlərdə qaldı. İndi isə vaxtilə yazdıqları o saxta yazıları bir-bir üzə çıxarırlar. Məlum olur ki,  Avazyan, Yeremyan, Yesemyan və başqaları Rafe və sair haqqında uydurma və  cəfəngiyyat yazılar yazıblar, Moyisey Xorenli adlı anonim tarixçi yaradıblar. Erməni alimləri Sovet dövründə yazdıqları uydurmaları sonradan “mənbəyə”, “arxiv sənədi”nə çevirdilər. Saxtakarlıq o həddədir ki, hətta bu cəfəngiyyatdan bəzi erməni alimlərinin özləri xəcalət çəkirlər”.

Q.Hacıyev qeyd etdi ki, II Tiqranın, ümumiyyətlə, ermənilərə aidiyyəti yoxdur, onlar illərdir Tiqranın “ətəyindən yapışıb” onun ayağının dəydiyi yerləri “erməni dövlətinin ərazisi” hesab edirlər. “Ermənilərin Soçi ilə heç bir bağlılığı yoxdur. Onların Qafqaza gəlmə tarixi də məlumdur. Soçidən əvvəl ermənilər Krasnodarla bağlı da iddia irəli sürüblər. İddia edirlər ki, Krasnodar da “erməni diyarı”dır. Hətta onlar Krasnodarda “qədim erməni abidələri” yaratmağa başladılar. Amma ruslar bunun qarşısını aldılar, onları hətta bu şəhərdən deportasiya etmək tələbini irəli sürdülər. İndi də Soçiyə iddia edirlər. “Böyük Tiqran”ın özü ermənilər tərəfindən yaradılan bir mifik obrazdır və Tiqranın legionu məsələsi də tamamilə uydurmadır. Bizim eradan əvvəl, I əsrdə ermənilər Qafqazda yox idilər və onların “Soçi Böyük Ermənistan ərazisidir” iddiası tamamilə cəfəngiyyatdır. Bilirik ki, Soçi tarixən Gürcüstanın ərazisi olub, sonradan Rusiya Şimali Qafqazı, bizim Dərbəndi işğal etdiyi kimi, Soçini də işğal edib. Bu gün ermənilər orada məskunlaşıblar, amma bu o demək deyil ki, ora ermənilərindir. Ermənilər Soçidə son dövrlərdə məskunlaşıblar. Onların özlərinin bir misalı var: “Harada çörək varsa, ora ermənilər üçün vətəndir”. Ona görə də orada çörək tapıblar, amma bu çörəyə nankorluq edirlər və torpaq iddiasına düşürlər,  “bura mənim ərazimdir” deyirlər. Ümumiyyətlə, Tiqranın Soçi ərazisində olması barədə heç bir tarixi mənbə yoxdur. Olsa belə, Tiqran erməni deyil və ermənilərin bu iddiasının heç bir əsası yoxdur”.  

Q.Hacıyev qeyd etdi ki, ermənilər Moskvada bir kitab çap etdiriblər, həmin kitabda “26 erməni dövləti” olduğunu iddia edirlər, orada  “Böyük” və “Kiçik Ermənistan”dan danışırlar. “Guya ki, ermənilərin “26 dövləti” olub. Hətta kitabın üzərinə həmin “dövlətlərin” xəritələrini də çəkiblər. Belə çıxır ki, ermənilər harada yaşayırlarsa, oranı özlərinə ayrıca “dövlət” hesab edirlər. Bütün bunlar isə əfsanə və mifdən başqa bir şey deyil” - deyə Q.Hacıyev vurğuladı.

İradə SARIYEVA 

Son xəbərlər