19/09/2020 22:54
728 x 90

Rusiya-Belarus gərginliyinin aradan qalxmasında Azərbaycanın böyük marağı - gərginlik tək Ermənistanın müstəsna marağındadır

img

Rusiya Belarusla sərhədə iri qoşun qruplaşması və çoxsaylı hərbi texnika yeridib. Rusiya mənbələrinin verdiyi məlumata görə, bu addım Belarus tərəfinin Minsk ətrafında 33 rusiyalı muzdlunu saxlamasının ardınca sərhədə hərbi qüvvə yerləşdirməsinə cavabdır. Rusiyanın Cənub Hərbi Dairəsinin mətbuat xidmətindən yayılan rəsmi məlumata əsasən, qvardiya ümumqoşun ordusunun 3 mindən çox hərbi qulluqçusu ölkənin qərbində taktiki təlimlərə cəlb olunub. “Voronej, Moskva, Bryansk, Belqorod, Smolensk və Kursk vilayətlərindəki poliqonlarda keçirilən taktiki təlimlərdə 800 vahiddən çox silah, xüsusi və hərbi texnika iştirak edəcək”,-açıqlamada deyilir.

Xatırladaq ki, Belarus tərəfi “Vagnerin ordusu” kimi tanınan Rusiya özəl hərbi şirkətinin muzdlularının avqustun 9-da keçiriləcək prezident seçkiləri ərəfəsində ölkəni qarışdırmaq üçün göndərildiyini bildirir. Rusiya tərəfi isə bu deyilənləri rədd edir və muzdluların Belarus üzərindən üçüncü ölkəyə getməyi planlaşdırdıqlarını deyir. Ötən gün Belarus prezidenti Aleksandr Lukaşenko Rusiya tərəfinin bu versiyasını “uydurma” adlandırıb və hədələyib ki, onun ölkəsində “rəngli inqilab” baş versə, “yanğın” Vladivostoka qədər yayılacaq.

Bəllidir ki, hər iki ölkə ilə Azərbaycanın yaxın münasibətləri var. Eyni zamanda münaqişə vəziyyətində olan hər iki ölkə ilə biz MDB formatında təmsil olunuruq. Bu cəhətdən təbiidir ki, Azərbaycan iki ölkə arasındakı gərginliyin aradan qalxmasında maraqlıdır. Ancaq Ermənistan bu məsələdə tam mahiyyətinə uytğun şəkildə davranış ortaya qoyur. Onların mediasında bu yöndə yayılan materialların təhilili onu deməyə əsas verir ki, Ermənistan Rusiya-Belarus münasibətlərindəki gərginliyin artmasında xüsusilə maraqlıdır. Çünki Ermənistan indiyə qədər heç kimlə sağlam əsaslarla əməkdaşlıq etməyib və hamının dar gününə sevinib. Azərbaycan isə mahiyyət etibarilə daima barışdırıcı mövqedə olub. Suriya səmasında vurulan rus hərbi təyyarəsilə bağlı yaranan Rusiya-Türkiyə münasibətlərindəki gərginlik zamanı da biz analoji halı müşahidə etdik. Ermənistan hər vəchlə münasibətləri qızışdırmağa, gərginləşdirməyə  çalışırdı. Azərbaycan isə bu iki nəhəng region ölkəsinin barışmasında müstəsna xidmət ortaya qoydu. Sonrakı dönəmlərdə bu fəaliyyət hər iki ölkənin rəsmiləri tərəfindən etiraf edildi. Azərbaycan öz ənənəvi siyasətinə uyğun olaraq  hazırda iki slavyan ölkəsi arasındakı gərginlikdə barışdırıcı mövqe tutmağa çalışan ölkə təsirini bağışlayır. Ölkə Prezidenti İlham Əliyevin şəxsi nüfuzu və hər iki ölkənin rəhbəri ilə olan yaxın, səmimi münasibəti bizim vasitəçiliyimizlə bu qarşıdurmanın aradan qaldırılmasını da mümkün edə bilər. Lukaşenko və Putin dəfələrlə açıqlamalarında İlham Əliyevin üstün müsbət keyfiyyətlərini etiraf ediblər. Hər iki ölkəni bir-birilə bağlayan sıx tellər var. Rus və belarus xalqları, demək olar ki, eyni kökün daşıyıcılarıdır. Onlar arasında gərginlik əvvəl də olub, lakin epizodik xarakter daşıyıb. Ehtimal etmək olar ki, indiki gərginlik də həmin qəbildəndir və sırf Belarusdakı prezident seçkiləri ərəfəsində əsəblərin gərginləşməsi mühitində cərəyan edir. Bu baxımdan da Ermənistanın mövqeyi “ətlə dırnağın arasına girilməsi” təsiri bağışlayır. Belə hal isə arada qalana cürüməkdən başqa nəsə vəd etmir.

Məhəmmədəli QƏRİBLİ

Son xəbərlər