Ermənilərin cəbənin Tovuz istiqamətində Azərbaycana qarşı törətdiyi təxribata dünyada yaşayan azərbaycanlılar da Azərbaycan dövlətinə, xalqına Prezident İlham Əliyevə, ordumuza dəstək mitinqləri keçirməklə və burada Qarabağ Azərbaycandır!”, “Ermənistan terroristdir” və sair şüarlarla öz etirazlarını bildirirlər.
Əldə etdiyimiz məlumata görə, müxtəlif ölkələrdə azərbaycanlılara dinc mitinq keçirmək üçün həmin ölkələrin rəsmi qurumları tərəfindən icazə verilib. Azərbaycanlıların qanunu yolla keçirdikləri mitinqlərə isə ermənilər qanunsuz müdaxilər edir və mitinq iştirakçılarına qarşı zorakılıqlar törədirlər.
Azərbaycanlıların yaşadıqları dövlətlərin rəsmi qurumlarının icazəsi ilə keçirdikləri dinc mitinqlərə ermənilərin qanunsuz müdaxilələri ilə bağlı hansı hüquqi mexanizmlərin işə düşməsinə əsaslar var?
“Buna kifayət qədər hüquqi əsaslar da var”
Qarabağ Azadlıq Təşkilatının (QAT) sədri Akif Nağı hesab edir ki, azərbaycanlıların dinc aksiya keçirməsinə rəsmi icazə verən dövlətlərin özləri qanunuz şəkildə dinc şəkildə keçirilən mitinqə müdaxilə edən, təxribat törədən erməniləri aşkarlayıb üzə çıxarmalı və onları müxtəlif formalarda cəzalandırmalıdır. “Bilirik ki, dünyanın müxtəlif ölkələrində yaşayan soydaşlarımız həmin dövlətlərin rəsmi qurumlarının icazəsi əsasında mitinq keçirilər. Bu halda, həmin dövlətlərin hüquq-mühafizə orqanları qanini şəkildə mitnq keçirən soydaşlarımızın toplaşmasına qanunsuz müdaxilə edən erməniləri mütləq şəkildə cəzalandırmalıdır. Həmin mitinqlərdə ermənilər, “ASALA”-nın üzvləri azərbaycanlılara qarşı zorakılıqlar edib, onlara təzyiqlər göstəriblər. Həmin şəxslər bir-bir aşkar edilməli və barələrində cinayət işləri qaldırılamalıdır. Buna həm həmin ölkələrin qanunvericiliyi, həm də mövcud beynəlxalq qanunvericilik, hüquq imkan verir. İcazəli mitinq keçirən azərbaycanlılara qarşı ağılagəlməz hərəkətlər edən, onları döyən, yaralayan ermənilər ya həbs edilməli, ya da həmin ölkələrdən deportasiya olunmalıdırlar. Buna kifayət qədər hüquqi əsaslar da var. Bundan başqa, Azərbaycan dövləti də ermənilərin təxribatı və qanunsuz hərəkətləri ilə bağlı həmin ölkələrə rəsmən müraciət etməli, soydaşlarımızın keçirdiyi qanuni mitnqlərə qanunsuz müdaxilə edən ermənilərin cəzalandırılmasına nail olmalıdır. Bildiyim qədər Azərbaycanın bir çox ölkələrlə hüquqi yardımla bağlı müqavilələri var və bu müqavilələr hüquqi sənəddir, onlara əsasən erməniləri cəzalandırmaq tam mümkündür”.
A.Nağı həmçinin qeyd etdi ki, ermənilər dünya ölkələrində dağınıq şəkildə yaşadıqları üçün onlar azərbaycanlılar kimi bu şəkildə həmrəylik göstərə bilmirlər. “Bu səbəbdən də azərbaycanlıların birliyini pozmaq üçün bu kimi cinayətlərə, təxribatlara əl atırlar. Çox təəssüf ki, bəzi ölkələrin hüquq-mühafizə orqanları da bəzən ermənilərin təxribatlarına göz yumurlar. Amma bu dəfə bu bel olmamalıdır. Ermənilər hüquq qarşısında cavab verməlidirlər. Onların törətdikləri qanunsuz hərəkətlər birbaşa həmin ölkələrin özlərinin də qanunvericiliyinə ziddir”-deyə A.Nağı vurğuladı.
Ekspertin fikirləri belədir ki, azərbaycanlıların qanuni aksiyasını pozan və təxribatçı hərəkətlərə yol verən ermənilərin beynəlxalq hüquq müstəvisində cəzalandırılmasına tam əsas var.
İradə SARIYEVA
