14/08/2020 20:49
728 x 90

Baba Hitler satqını, özü fərari və brilyant qaçaqmalçısı, Paşinyanın yeni gizlini - əyri yollarla tələbəlik...

Əli Orucov: “Hesab edirəm ki, bütün bunlar onun ictimai reytinqini daha da aşağı salacaq”

img

Bugünlərdə erməni mediası Paşinyanın fərarilik edərək orduya getməkdən yayındığını ifşa edib. Məlum olub ki, o, fərarilik edərək orduya getməkdən yayınıb. Paşinyan deyib ki, iki qardaşı orduda xidmət edib, buna görə hərbi xidmətə çağırılmayıb. Ancaq məlum olub ki, 1992-ci ildə qəbul edilmiş “Hərbi vəzifə haqqında” Ermənistan Respublikasının ilk qanunu həqiqətən də xidmət etmiş iki qardaşın üçüncü qardaşının məcburi hərbi xidmətdən azad edilməsini nəzərdə tutub. Ancaq bu qanunverici müddəa 1994-cü ildə ləğv edilib. Bunu nəzərə alanda Paşinyan 1995-ci hərbi xidmətə getməli idi, amma o, ordudan yayınaraq bunu etməyib.

Bu arada, Paşinyanla bağlı növbəti sensasion məlumat yayılıb. Məlum olub ki, o, imtahansız ali məktəbə qəbil olunub. Belə ki, İrəvan Dövlət Universitetinin mətbuat katibi Gevorg Emin-Teryan öz Facebook səhifəsində bir yazı yerləşdirib. Sözügedən yazıda Paşinyanla bağlı maraqlı faktlar öz əksini tapıb:“Hər kəs Ermənistanın baş naziri Nikol Paşinyanın İrəvan Dövlət Universitetini bitirib-bitirməməsi hekayəsini bilir, amma qəbul tarixini az adam bilir. 1991-ci ilin yayında, Ermənistan hələ parlament respublikası və Vazgen Manukyan baş nazir olduğu dövrdə misli görünməmiş qəbul imtahanları keçirildi. Münasib qiymətlər alan, lakin daxil ola bilməyən abituriyentlər hökumət binasının qarşısında oturaq piket keçirməyə başladılar, bundan sonra bütün qiymətləri alan, lakin müsabiqədən keçməyənlər Baş nazirin sərəncamı ilə tələbələrin tərkibinə daxil edildi. Nikol Paşinyan bu tələbələrdən biri idi”.

Belə görünür ki, Paşinyan imtahandan keçmədən tələbə adını alıb. Bu isə ölkəyə rəhbərlik edən şəxsə yaraşmayan və ən azından, ona hörmət gətirməyən bir haldır. Nəzərə alsaq ki, Paşinyanın imici ilə bağlı onsuz da bir sıra qaranlıq məqamlar var, o zaman indiki məqamda növbəti belə bir faktın ortaya çıxması onun üçün nə deməkdir?

  • “Ölkəyə rəhbərlik edən şəxsin bioqrafiyasında bu qədər qaranlıq məqamların olması onun siyasi karyerasının bitməsini sürətləndirə bilər”

Məsələyə münasibət bildirən AMİP funksioneri Əli Orucovun sözlərinə görə, son dövrlər Nikol Paşinyanla bağlı ard-arda bir sıra faktların ortaya çıxması onun əleyhinə işləyir:“May ayında Rusiya mətbuatında Paşinyanın babasının faşistlərə qulluq etməsi ilə bağlı məlumatlar yayıldı. Bunun 9 May qələbə günü ərəfəsində yayılması o zaman müəyyən rezonans yaratdı. Daha sonra Ermənistanın Vatikandakı keçmiş səfiri Minasyan Paşinyanın qanunsuz siqaret, brilyant və silah alveri ilə məşğul olması barədə tutarlı dəlillərə söykənən məlumatlar yaydı. Məlum oldu ki, Paşinyan başda olmaqla, onun ailəsi də bu işin içindədir. Hətta o da məlum oldu ki, Rusiya hüquq-mühafizə orqanları onun qanunsuz siqaret ticarəti ilə məşğul olması barədə araşdırma aparır. Daha sonra Paşinyanın fərarilik etdiyi ortaya çıxdı. İndi də onun imtahansız tələbə olması ətrafında müzakirələr böyüyür. Ölkəyə rəhbərlik edən şəxsin bioqrafiyasında bu qədər qaranlıq məqamların olması onun siyasi karyerasının bitməsini sürətləndirə bilər. Nəzərə alsaq ki, Ermənistanda sosial-iqtisadi, ictimai-siyasi vəziyyət gərgindir, o zaman bunun hansı nəticələrə gətirib çıxaracağını təxmin etmək elə də çətin deyil. Hesab edirəm ki, bütün bunlar onun ictimai reytinqini daha da aşağı salacaq”.

Bəlli olur ki, bu gün Ermənistana bioqrafiyası qaranlıq məqamlarla zəngin olan frıldaqçı, populist bir şəxs rəhbərlik edir.

Vidadi ORDAHALLI

Son xəbərlər