Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) Azərbaycan Milli Mətbuatının 145 illiyinə həsr olunmuş fərdi jurnalist yazıları müsabiqəsi elan etmişdi.Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) 22 iyul Milli Mətbuat günü münasibətilə keçirdiyi fərdi jurnalist yazıları müsabiqəsinin nəticələri açıqlanıb.
Məlumat üçün bildirək ki, müsabiqənin nəticələrinə əsasən14 nəfər 1-ci, 14 nəfər 2-ci, 14 nəfər 3-cü yerə layiq görülüb. 42 nəfər isə həvəsləndirici mükafatla layiq görülüb.
Məlumat üçün bildirək ki, KİVDF tərəfindən elan edilən yeni müsabiqənin şərtləri və təqdim edilən mövzular ötən müsabiqələrdədn xeyli fəqrlənir. Belə ki, bu səfər təyin olunan mövzularla arasında günün aktual mövzuları da yer alıb. Belə ki, “Ermənistanın Azərbaycana qarşı informasiya müharibəsində tarixi faktların saxtalaşdırılması cəhdləri və həqiqətlər”, “Elmi-kütləvi, mədəni-maarif, təhsil sahəsində yeniliklərin təşviqi”, “ Dövlətin koronavirus pandemiyasına qarşı mübarizə tədbirləri və bu tədbirlərin beynəlxalq təcrübə ilə müqayisəsi, post-pandemiya dövründə dövlət siyasəti”-ni qeyd edə bilərik.
Onu da bildirək ki, KİVDF-nin elan etdiyi müsabiqədə tətbiq edilən yeniliklərdən biri də televiziya əməkdaşlarının da qoşulması idi. Ümumiyyətlə, ötən müsabiqələrdən fərqli olaraq istənilən jurnalist müsabiqədə iştirak edə bilərdi.
Vüqar Rəhimzadə: “Müsabiqəyə təqdim olunan yazılar ədalətli, obyektiv şəkildə qiymətləndirilib”
KİVDF-nin elan etdiyi müsabiqənin qalibləri arasında “İki Sahil” qəzetinin əməkdaşları da var. Müsabiqənin ədalətli keçirilməsi barədə fikir bildirən “İki Sahil” qəzetinin baş redaktoru “Bakı-Xəbər”ə açıqlamasında qeyd etdi ki, jurnalistlər üçün elan olunmuş yazı müsabiqəsi ədalətli olub: “Qalib olanlar arasında redaksiyamızın əməkdaşları da var. Müsabiqəyə təqdim olunan yazılar ədalətli, obyektiv şəkildə qiymətləndirilib. KİVDF tərəfindən elan edilən müsabiqədə tətbiq edilən yeniliklərdən biri də televiziya əməkdaşlarının da qoşulması idi”.
Zülfiyyə Quluyeva: “Yazının qiymətləndirilənədək heç bir yerdə çap olunmaması tələbi çox düzgün tələbdir”
“Sputnik Azərbaycan”-ın əməkdaşı Zülfiyyə Quluyeva da KİVDF-nin elan etdiyi müsabiqədə qalib olanlar sırasındadır. Z.Quluyeva bizimlə söhbətində qeyd etdi ki, KİVDF-nin jurnalistlər üçün keçirdiyi fərdi jurnalist müsabiqəsində iştirak üçün tələblər çox asanlaşdırılıb: “Bu bir jurnalist kimi mənim müsabiqəyə qatılmağıma bir təkan verdi. Mən yazımı heç bir yerə getmədən hazırlayıb mail vasitəsilə KİVDF-nin müsabiqə ilə bağlı yaratdığı mail ünvanına göndərdim. Üstəlik bu dəfə jurnalistlərin bu qurumun fəaliyyətində şəffaflığa güvənləri böyük idi. Mən də bu şəffaflığa, yazıların qiymətləndirilməsində ədalət prinsipinin qorunacağına inanaraq müsabiqəyə qatılmaq qərarı verdim. Ümumiyyətlə istər yerli, istər də beynəlxalq təşkilatların keçirdikləri müsabiqəyə qatılarkən hər zaman yazımda gündəmdə olan,oxucu üçün maraq doğuran, cəmiyyəti narahat edən mövzulara toxunmaq mənim üçün əsas şərt olub. Bu dəfə pandemiya dövründə təhsil sahəsində üzrə çıxan çatışmazlıq, həlli yollarını araşdırdım. Yazının qiymətləndirilənədək heç bir yerdə çap olunmaması tələbi çox düzgün tələbdir. Üstəlik münsiflərin gizli saxlanılması yazıların düzgün qiymətləndirilməsinə imkan yaratmış oldu. Yazı heç bir yerdə çap olumdıqda münsif yazının müəllifinin kimliyindəm xəbərsiz olur, şəxsi münasibətlər heç bir rol oynamır. Ona görə bu tələbi qoyanlara təşəkkür edirəm. Əlbəttə, qalibiyyət gözəl hissdir. Bu hissi öz peşə bayramında yaşamaq isə ikiqat sevincdir. Mən jurnalistlərdə fərdi yazı müsabiqələrində şəffaflığa inamı yenidən yaratdıqları üçün KİVDF rəhbərliyinə təşəkkür edirəm. Bu müsabiqənin jurnalistlərə həm mənəvi, həm də maddi dəstəyi var. Bu həm də sadə müxbir əməyinə verilən yüksək dəyərdir. Zəhmətimizi obyektiv qiymətləndirənlərə, bu şəffaflığı təmin edən hər kəsə təşəkkür edirəm”.
Müsahiblərimizində fikrindən belə aydın oldu ki, yazı müsabiqəsinə təqdim olunan yazılar və materiallar obyektiv şəkildə qiymətləndirilib.
Günel CƏLİLOVA
