Çin-Qazaxıstan-Azərbaycan-Gürcüstan-Ukrayna-Avropa marşrutunda Azərbaycanın vahid tarif təklifi keçdi...

Tarix: 21.05.2016 / 02:20
Bölmə: İqtisadiyyat

Azər Allahverənov: "Tranzit daşımalarının artması büdcəyə əlavə maliyyə axınının artmasına şərait yaradacaq"
"Həm iqtisadi baxımdan, həm də geosiyasi nöqteyi-nəzərdən Azərbaycan bundan qazanacaq"

Ukrayna uzun danışıqlardan sonra Rusiyadan yan keçən nəqliyyat marşrutunda yükdaşıma tarifləri ilə bağlı digər dövlətlərlə razılığa gələ bilib. Bu barədə Ukraynanın infrastruktur naziri Vladimir Omelyan öz "facebook" səhifəsində yazıb.
O qeyd edib ki, Rusiyadan yan keçməklə Çinə gedən marşrut üzrə yükdaşıma tariflərinin təxminən 30 faiz endirilməsi haqqında razılıq əldə edilib. Razılaşma Azərbaycan, Gürcüstan və Qazaxıstanla əldə olunub. "Ukraynanın İlyiçevsk limanından Çinin "Dostık" stansiyası istiqamətində hərəkət edən hər 40 futluq konteyner qatarı üçün qiymət 5559 dollardan 3980 dollara qədər endirilib. "İpək yolu" marşrutu üzrə tariflərin ucuzlaşdırılması ətrafında işlər aparılır. Mən düşünürəm ki, biz buna nail olacağıq".
Məlumat üçün qeyd edək ki, bir müddət əvvəl Gürcüstan-Azərbaycan-Qazaxıstan-Çin marşrutu üzrə hərəkət edən Ukraynanın konteyner qatarının Çindən geri qayıda bilməməsi barədə məlumatlar yayılmışdı. Buna səbəb geri qayıtmalı olan vaqonların boş olması idi. Daha dəqiq desək, qatar müştəri sarıdan əziyyət çəkirdi. Hazırda nəqliyyat marşrutu üzrə tariflərin endirilməsi konteyner qatarının müştərilərinin artacağını deməyə əsas verir. Çünki Ukrayna Rusiya ərazisindən istifadə etmək üçün 5 min dollar ödəyirdi. Ancaq yeni marşrut üzrə bir neçə dövlətin yerləşməsi tarif baxımından problemlər yaradırdı. Bu razılıq isə Ukraynanın nəqliyyat sahəsində Rusiyadan tamamilə imtina etdiyini göstərir.
Onu da qeyd edək ki, Transxəzər nəqliyyat dəhlizi ilə yükdaşımalarla bağlı vahid tarifin tətbiq olunması təşəbbüsünü Azərbaycan qaldırıb. Bununla bağlı razılığın əldə olunması Azərbaycanın tranzit və logistik imkanlarını artıracaq.
Maraqlıdır, ekspertlər bunu necə dəyərləndirir?
Məsələyə münasibət bildirən ekspert Azər Allahverənovun sözlərinə görə, bu, istər-istəməz, yükdaşımaların artmasına səbəb olan bir hadisədir: "Ona görə də razılaşmanın əldə olunması Azərbaycana böyük dividend gətirəcək. Həm iqtisadi baxımdan, həm də geosiyasi nöqteyi-nəzərdən Azərbaycan bundan qazanacaq. Azərbaycanın Şərqlə Qərbi birləşdirən yollar üzərində yerləşməsi ölkəyə fayda verəcək. Bu eyni zamanda, Azərbaycanın geosiyasi baxımdan böyük əhəmiyyətə malik olduğunu göstərir, iqtisadi səmərəsi də öz yerində. Buna qoşulan digər ölkələrin də bu və ya digər dərəcədə dividendləri olacaq. Ancaq Azərbaycanın həm də Şimalla Cənub arasında yerləşməsi ölkəmizin daha çox fayda götürəcəyini deməyə əsas verir. Bu yöndə yükdaşımaların həcmini nəzərə alsaq, bunun iqtisadi səmərəliliyi daha yüksəkdir. Tranzit daşımalarının artması büdcəyə əlavə maliyyə axınının artmasına şərait yaradacaq. Bu da, öz növbəsində, Azərbaycanın iqtisadi imkanlarını genişləndirəcək. Yəni ölkə iqtisadiyyatının neftdən asılılığı azalacaq".
Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...