Pambığın Azərbaycana milyonlar qazandırdığı dövr qayıdır

Tarix: 21.05.2016 / 01:24
Bölmə: İqtisadiyyat

Son dövrlərdə aqrar sektorda məhsul istehsalının daha yüksək səviyyəyə çatdırılması məqsədilə hökumət tərəfindən genişmiqyaslı tədbirlər həyata keçirilməyə başlanıb. Burada əsas hədəflərdən biri də aqrar sahədə bir vaxtlar Azərbaycana böyük şöhrət qazandıran sahələrdə istehsalı yenidən ən yüksək həddə çatdırmaqdır. Belə sahələrdən biri qismində isə pambıqçılıq çıxış edir.
Kənd təsərrüfatı naziri Heydər Əsədov da bildirir ki, bu il pambıq, tütün, barama istehsalında daha əhəmiyyətli dönüş əldə etmək planlaşdırılır. Sahibkarlığa Kömək Milli Fondunun sədri Şirzad Abdullayev isə qeyd edir ki, dövlət pambıqçılığın inkişafına ilkin mərhələdə 4,6 milyon manat pul ayırıb: "Ehtiyac olarsa, biz əlavə investisiyalar da verəcəyik".
Xatırladaq ki, hələ ötən ay Nazirlər Kabinetinin 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında prezident İlham Əliyev də bu məsələyə geniş şəkildə toxunmuşdu: "Biz vaxtilə Azərbaycanda çox inkişaf etmiş sahələri bərpa etməliyik. 1970-ci illərdə kənd təsərrüfatının sürətlə inkişaf edən sektorlarını inkişaf etdirməliyik, ilk növbədə pambıqçılığı. Çünki pambıq elə məhsuldur ki, onun üçün bazar axtarmağa ehtiyac yoxdur. Keçən il Azərbaycanda cəmi 35 min ton pambıq yığılıb. Bu il mən qarşıya vəzifə qoymuşam ki, 50 min hektar əkilsin. Keçən il biz 35 min ton pambıq yığa bilmişiksə, bu il 50 min hektar əkilərsə və məhsuldarlığı lap aşağı səviyyədə, 20 sentnerdən götürsək, bu, 100 min ton pambıq edəcək - keçən ildəkindən üç dəfə çox. Ancaq indi yeni texnologiyalar, o cümlədən suvarma texnologiyaları mövcuddur və biz məhsuldarlığı artırmaqla daha da böyük nəticəyə çata bilərik".
Dövlət başçısının yerli istehsalın gücləndirilməsi və yeni iş yerlərinin açılması istiqamətində verdiyi tapşırığa uyğun olaraq, ənənəvi sahələrdən olan pambıqçılığın inkişafı perspektivləri pambıq istehsalı və emalı ilə məşğul olan müəssisələrin nümayəndələri ilə vaxtaşırı geniş müzakirə edilir. Bu sahəyə marağın daha da artırılması məqsədilə stimullaşdırma tədbirlərinin həyata keçirilməsi, fermerlərə güzəştli kreditlərdən və aqrolizinq xidmətlərindən daha geniş istifadə imkanları yaradılması üçün də dövlət əməli addımlar atır. Məsələn, artıq məlumdur ki, pambıq istehsalı və emalı müəssisələri satınalma qiymətini 2016-cı ildə əvvəlki illə müqayisədə əhəmiyyətli dərəcədə artırmaqla, pambığın birinci növünün bir tonunu 500 manata, ikinci növünün bir tonunu 470 manata, üçüncü növünün bir tonunu 440 manata, dördüncü növünün bir tonunu isə 400 manata qəbul edəcək. Stimullaşdırma tədbirləri, pambıq əkini sahələrinin artırılması bu sahədə 15 mindən çox yeni iş yerinin açılmasına, pambıqçılıq sahəsində çalışanların sayının ötən illə müqayisədə 2 dəfəyə yaxın artmasına imkan verəcək.
Ekspertlər hesab edir ki, bütün bunlar pambıqçılıqda qeydə alınan tənəzzülə son qoyacaq. Bu fonda fermerlərin və emal müəssisələrin güzəştli şərtlərlə maliyyələşdirilməsi artırılacaq ki, bu da əkindən son məhsulun əldə edilməsinədək bütün dövr ərzində pambıqçılıq sahəsinin inkişafını stimullaşdıracaq. Belə vəziyyət pambığı alacaq pambıq emalı müəssisələrinə fermerlərlə müqavilə bağlamağa imkan verəcək. Bununla da fermerlər məhsullarını hara təhvil verməli olacaqlarını biləcəklər və bu, pambıq istehsalının artmasına gətirib çıxaracaq. Yuxarıda qeyd olunduğu kimi, İqtisadiyyat Nazirliyinin Sahibkarlığa Kömək Milli Fondunun xəttilə ayrılan güzəştli kreditlərin verilməsi pambığın emalına çəkilən xərcləri azaltmağa imkan yaradacaq. Bütün bunlar həm də onun göstəricisidir ki, Azərbaycan qeyri-neft sektoru üzrə mühüm bir sahədə ixracı artırmaq imkanı əldə edəcək. Həm daxili, həm də xarici bazarlardakı vəziyyət nəzərə alınarsa, ölkəmizdə pambıqçılığın inkişaf etdirilməsi fermerlərə böyük həcmdə maliyyə qazandıra bilər.
Onu da bildirək ki, pambıq dünya birjalarında strateji məhsul kimi qəbul olunur və o, daim böyük tələb duyulan məhsullar sırasında yer alır. Hökumətin əsas məqsədlərindən biri isə qeyri-neft sahəsinin əsas sektorlarından biri kimi pambıqçılıqdan əldə olunan valyuta gəlirlərinin daha yüksək həddə çatdırılmasıdır. Bu məqsədlə yerli istehsal həcminin qarşıdakı illərdə 1 milyon ton həddinə qədər artırılması əsas hədəflər sırasında yer alır.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...