"Azərbaycan aviasiyası: keçmişi, bugünü və gələcəyi" mövzusunda müsabiqənin nəticələri açıqlanıb

Tarix: 30.07.2015 / 03:20
Bölmə: Gündəm

İyulun 29-da Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və "Azərbaycan Hava Yolları" QSC-nin "Azərbaycan aviasiyası: keçmişi, bugünü və gələcəyi" mövzusunda elan etdiyi fərdi jurnalist yazıları müsabiqəsinin nəticələri açıqlanıb, qaliblər mükafatlandırılıb.

Tədbirdə Fondun icraçı direktoru Vüqar Səfərli, "Azərbaycan Hava Yolları" QSC-nin I vitse-prezidenti Sabir İlyasov, "AZAL" sərnişindaşıma şirkətinin direktoru Eldar Hacıyev, habelə ölkənin 20-dək aparıcı kütləvi informasiya vasitələrinin rəhbərləri və qalib jurnalistlər iştirak edib.

"AZAL" sərnişindaşıma şirkətinin direktoru Eldar Hacıyev tədbiri açaraq media nümayəndələrini Azərbaycan milli mətbuatının 140 illik yubileyi münasibətilə təbrik edib, onlara yaradıcılıq uğurları arzulayıb. Zəngin tarixi ənənələri olan Azərbaycan mülki aviasiyasının son 20 ildə dinamik inkişaf yolu keçdiyini vurğulayan Eldar Hacıyev ölkə rəhbərliyinin yüksək diqqət və qayğısı nəticəsində hava nəqliyyatı sisteminin əsaslı şəkildə təkmilləşdirildiyini, sərnişindaşımada ən son model hava gəmilərindən istifadə edildiyini, vətəndaşlara keyfiyyətli və müasir xidmətlərin göstərildiyini diqqətə çatdırıb. "AZAL" sərnişindaşıma şirkətinin direktoru regionlarda və paytaxtda müasir infrastruktura malik hava limanlarının fəaliyyət göstərdiyini, onların mütərəqqi iş üslubunun əcnəbi qonaqlarda da məmnunluq hissi doğurduğunu bildirib. Eldar Hacıyev Azərbaycan Respublikasının Prezidenti İlham Əliyevin Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrin müzakirəsinə həsr olunmuş iclasında səsləndirdiyi iradların aradan qaldırılması istiqamətində "AZAL" rəhbərliyi tərəfindən ciddi tədbirlərin həyata keçirildiyini qeyd edib. Eldar Hacıyev "AZAL"-ın kütləvi informasiya vasitələri ilə sıx və məhsuldar əlaqələrdə maraqlı olduğunu bildirərək, bu baxımdan Fondla birgə keçirilən fərdi jurnalist yazıları müsabiqəsinin əhəmiyyətini önə çəkib. O, müsabiqənin nəticələri barədə ətraflı məlumat vermək üçün sözü Fondun icraçı direktoru Vüqar Səfərliyə verib.

Fondun icraçı direktoru Vüqar Səfərli Azərbaycan milli mətbuatının yaranmasının 140 illik yubileyinin bir aydan çox müddətdə regionlarda və paytaxtda təntənəli şəkildə qeyd olunduğunu xatırladaraq, bunu ölkə rəhbərliyinin mediaya yüksək diqqət və qayğısı kimi dəyərləndirib. Vüqar Səfərli Fondun fəaliyyət göstərdiyi müddətdə mərkəzi və yerli icra hakimiyyəti orqanları ilə qarşılıqlı faydalı əməkdaşlığın genişləndirilməsi, jurnalistlərin peşəkarlığının yüksəldilməsi, onların əməyinin stimullaşdırılması, habelə maarifləndirilməsi məqsədilə keçirdiyi çoxşaxəli layihələrdən söz açıb.

İcraçı direktor bildirib ki, Fondun iyunun 19-dan iyulun 15-dək "Azərbaycan Hava Yolları" QSC ilə birgə elan etdiyi fərdi jurnalist yazıları müsabiqəsində məqsəd Azərbaycan mülki aviasiyasının tarixi inkişaf mərhələlərinə, hazırkı nailiyyətlərinə və inkişaf perspektivlərinə nəzər salmaq, jurnalistlərin peşəkarlıq səviyyəsini yüksəltmək, yaradıcı əməyini stimullaşdırmaq, habelə ölkə ictimaiyyətini bu sahədə həyata keçirilən mütərəqqi islahatlarla yaxından tanış etməkdir.

Vüqar Səfərli müsabiqəyə 31 kütləvi informasiya vasitəsindən 50 yazının təqdim edildiyini, yazıların 3 ekspert tərəfindən qiymətləndirildiyini diqqətə çatdırıb. Fondun icraçı direktoru müsabiqənun yekunlarına görə 6 nəfər jurnalistin əsas, 10 nəfər jurnalistin həvəsləndirici mükafata layiq görüldüyünü, ümumilikdə 16 nəfər jurnalistin mükafatlandırıldığını bildirib. Sonra müsabiqənin qaliblərinə diplom və mükafatlar təqdim edilib.

Xəbər xidməti

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...