"Kürd açılımı" planının tam iflası ən yüksək səviyyədə etiraf olunur

Tarix: 30.07.2015 / 03:15
Bölmə: Gündəm

Son günlər Türkiyədə PKK terrorçuları tərəfindən törədilən terror hadisələrinin kəskin artması və onlara qarşı aparılan əməliyyat artıq AKP iqtidarının "kürd açılımı" planının tam iflasa uğradığını göstərir. Belə görünür ki, PKK var olduğu müddət ərzində kürdlərlə barışığın əldə olunması mümkün olmayacaq. Hər halda, Türkiyə prezidenti Rəcəb Tayyib Ərdoğanın açıqlamaları da bunu təsdiq edir.

Onun sözlərinə görə, Türkiyə hədəflərinə basqınların davam etdiyi bir vaxtda PKK ilə sülh prosesini davam etdirmək mümkün deyil.

Türkiyə prezidenti parlamenti kürdlərin PKK qrupu ilə təmasa girməməyə çağırıb. Məhz belə bir vaxtda Türkiyənin Respublika Prokurorluğu ölkə konstitusiyasının tələblərinə zidd hərəkətlərə yol verməkdə şübhəli bilinən və kürdlərə yaxın olan HDP-nin fəaliyyətinin araşdırılması barədə qərar çıxarıb. Prokurorluğun bu qərarı ölkədəki digər siyasi partiyaların da dəstəyini qazanıb. Belə ki, Türkiyənin hakim Ədalət və İnkişaf Partiyasını təmsil edən millət vəkilləri HDP-nin bəzi üzvlərinə qarşı cinayət işi açılmasını tələb edib. AKP-çi deputatlar hesab edir ki, HDP terror fəaliyyəti ilə məşğul olur: "HDP seçkilərdə ilk dəfə olaraq böyük seçici səsini qazana bilib. Buna səbəb isə onun xalqa "biz Türkiyənin partiyası olacağıq" vədi verməsidir. Ancaq son hadisələr bir daha göstərdi ki, bir sıra HDP-çi şəxslər PKK terrorçularına dəstək verir. Hesab edirik ki, prokurorluq dərhal HDP-nin fəaliyyətini dərindən araşdırmalı və günahkarları layiqli şəkildə cəzalandırmalıdır".

PKK və onları dəstəkləyənlər də silahlı qarşıdurmada artıq maraqlı tərəf kimi çıxış edir. Bunu Türkiyə Silahlı Qüvvələrinin hava hücumları ilə PKK-nın mövqelərini bombalamasından sonra terror təşkilatının qurucularından olan Cemil Bayıkın İrana qaçaraq verdiyi açıqlamalar da təsdiq edir. Qeyd edək ki, Bayık əməliyyatlar başlayan kimi sərhədi keçib. Əvvəllər də İrana tez-tez səfər edən Bayık 2007-ci ildə Türkiyənin tələbi ilə İran polisi tərəfindən həbs olunmuş, lakin daha sonra sərbəst buraxılmışdı. O, PKK-çılara çağırış edərək atəşkəsin bitdiyini deyib və onların yenidən fəaliyyətə keçmələrini istəyib. PKK isə həqiqətən də hərəkətə keçib. Belə ki, PKK terrorçuları Türkiyənin cənub-şərqində Diyarbəkir və Muş şəhərlərini birləşdirən yolda iki körpünü partladıb. Körpülər partlayıcı qurğunun işə düşməsi nəticəsində dağılıb. Yol avtomobillərin hərəkəti üçün tamamilə bağlanıb. Polis terrorçuların axtarışlarını davam etdirir.

PKK silahlıları İraqla sərhəddə yerləşən Şırnak vilayətinin ərazisindən keçən Kərkük-Yumurtalıq neft kəmərini də partladıblar. Türkiyənin energetika və təbii sərvətlər naziri Taner Yıldızın sözlərinə görə, boru kəməri partladılandan sonra İraqdan Türkiyəyə neft nəqli dayandırılıb. Bundan əvvəl isə Ağrı əyalətində terrorçular qaz borusunu partladıb. Partlayışın İran-Türkiyə qaz borusunda törədildiyi bildirilir. Terrorçuları zərərsizləşdirmək üçün onlara qarşı əməliyyatlar davam edir. Türkiyə Silahlı Qüvvələrnin həyata keçirdiyi son beş dalğalı əməliyyat nəticəsində 200-dən artıq terrorçu məhv edilib. Ölənlər arasında "Qabar" kod adlı PKK lideri də var. Əməliyyat zamanı PKK-nın Şimali İraqda bütün gizli sığınacaqları, silah anbarları yerlə bir edilib. PKK-nın əsas liderlərindən biri Murad Karayılanın qərargahı da hava hücumu nəticəsində darmadağın edilib. Ekspertlər Türkiyə müttəfiqlərinin belə vəziyyətdə Ankaraya köməyini zəruri sayır. Ankara İqtisadiyyat və Texnologiyalar Universitetinin professoru, beynəlxalq məsələlər üzrə analitik Toğrul İsmayıl hesab edir ki, Türkiyə əməliyyatları müttəfiqləri ilə razılaşdıqdan sonra həyata keçirir: "Suruçdakı terror aktı ilə Türkiyə İŞİD-in birbaşa hədəfinə çevrildi və keçirilən əməliyyatlar da buna adekvat cavabdır. Xatırlayırsınızsa, Türkiyənin hərbi təyyarəsi Suriya ordusu tərəfindən vurulanda müdafiə mövqeyi seçildi. İndi isə, müdafiə ilə yanaşı, hücumlar da reallaşır. Lakin burada beynəlxalq situasiyanı da nəzərə almaq lazımdır. Ehtimal ki, Ankara müttəfiqləri ilə razılaşdıqdan sonra bütün region üçün təhlükə olan İŞİD-i vurmaq qərarını verib. Buna paralel olaraq, PKK-ya qarşı da ölkə daxilində və xaricdə əməliyyatlar aparılır. Ankarada anlayırlar ki, problemə qarşı təkbaşına getmək çətin olacaq.

Ona görə də kənardan dəstək axtarılır. Xüsusilə regionda maraqları olan ABŞ, Rusiya, İran kimi ölkələr prosesə dəstək verə bilər". Qərb dövlətləri belə dəstəyi göstərməyə hazır olduqlarını bildirsələr də, hələlik reallıqda hansısa addım atılmayıb.

Tahir TAĞIYEV

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...