Azərbaycanda insan alveri ilə mübarizə təcrübəsi ABŞ-ın dövlət sənədlərində...

Tarix: 30.07.2015 / 02:45
Bölmə: Gündəm

Mehman Muradlı: "Bunlar həlli mümkün olan məsələlərdir"

"Azərbaycan hökuməti bir daha sübut etdi ki..."

Dövlət Departamenti insan alverinə qarşı mübarizəyə dair illik hesabatını açıqlayıb. Hesabatda ölkələr 3 səviyyəyə bölünür. Azərbaycan, ötən il olduğu kimi, bu il də ikinci sıra ölkələr siyahısında yer alıb. İkinci səviyyə ölkənin insan alverinə qarşı mübarizə sahəsində müəyyən tərəqqi əldə etdiyini göstərir.

Hesabatda qeyd olunur ki, Azərbaycanda məcburi əməyə və cinsi istismara məruzqalma sahəsində müəyyən problemlər var. Bundan başqa, Azərbaycan, bəzi hallarda, Mərkəzi Asiyadan BƏƏ-yə, Türkiyəyə, İrana insan alveri üçün tranzit ölkə rolunu oynayıb. Ölkədə insan alverinin qarşısının alınması üçün standartlar heç də həmişə tam yerinə yetirilmir, bununla belə, hökumət bu istiqamətdə əhəmiyyətli işlər görür.

Hesabat dövründə hökumət insan alveri ilə əlaqədar tədqiqatların sayını artırıb. Yeni milli fəaliyyət planı qüvvəyə minib, daha həssas əhalinin, xüsusilə də islah müəssisələrindən, uşaq evlərindən, dövlət internat məktəblərindən çıxan uşaqların yenidən cəmiyyətə inteqrasiyasını təmin etmək üçün yeni qanunvericilik təqdim edilib.

Hesabatda qeyd olunur ki, hökumət qurbanların qorunması və onlara yardım göstərilməsi istiqamətində müəyyən inkişafa nail olub. DİN-in İnsan Alverinə Qarşı Mübarizə Baş İdarəsi balansında olan, 50 nəfərin yerləşdirilməsini mümkün edən Bakıdakı sığınacağını tamamilə yeniləyib, şəraiti yaxşılaşdırıb.

2014-cü ildə hökumət 50 qadını və bir qızı insan alveri qurbanı kimi müəyyən edib, 3 kişi isə məcburi əmək qurbanı kimi tanınıb.

54 qurbandan 35 qadın və 3 kişi DİN-in sığınacağına verilib və burada onlar hüquqi, tibbi, psixoloji dəstək alıblar. Hökumət 53 qurbanı 400 manatlıq birdəfəlik müavinətlə, 24 qurbanı işlə, 35 nəfəri peşəkar təlimlə təmin edib. 54 qurbandan 36-sı QHT-lərə, 51 nəfəri əlavə sosial xidmətlər üçün Dövlət İnsan Alveri Qurbanlarına Yardım Mərkəzinə yönləndirilib. İki QHT hökumətin maliyyə yardımı olmadan 48 potensial və müəyyən edilmiş qurbanı sığınacaq və dəstəklə təmin edib. İnsan Alverinə Qarşı Mübarizə Baş İdarəsi 2014-cü il ərzində qurbanlara 314 min 330 manat məbləğin ayrıldığını bəyan edib.

Hesabatda insan alverində əli olduğu ehtimal edilənlərin ciddi şəkildə araşdırılması və məhkəməyə cəlb edilməsi, ittiham edilənlərin bu əməldən əl çəkməsi üçün müvafiq cəzalar verilməsi, hüquq-mühafizə orqanları tərəfindən standart əməliyyat prosedurları yaratmaqla, məcburi əməyə məruz qalan yerli və xarici qurbanların müəyyən edilməsi istiqamətində, habelə insan alveri, eləcə də immiqrant işçilərin məcburi əməyi ilə məşğul olan şəxslər və şirkətlərə qarşı səylərin gücləndirilməsi tövsiyə edilib.

Hesabatla bağlı fikirlərini açıqlayan hüquqşünas Mehman Muradlı əks edilən məqamlarla o qədər də razı olmadığını bildirdi. Onun sözlərinə görə, ABŞ Dövlət Departamentinin hesabatları adətən ikili standartlarla seçilir: "Dövlət Departamenti ölkənin insan alveri ilə mübarizəsindən razıdır. Amma yenə də onu birinci yerə salmağa cəhd göstərmir. Halbuki, hesabatda göstərilən iradlar çox da neqativ deyil. Ölkə insan alveri ilə mübarizədə beynəlxalq tərəfdaşlığa böyük önəm verir, fəaliyyətində şəffaflığı təmin edir. Tövsiyələr hissəsində müəyyən məqamlar var ki, onlarla bağlı fəaliyyətin daha da təkmilləşdirilməsinə ehtiyac var və bu, zaman-zaman edilir.

Bundan başqa, insan alveri cinayətlərinin daha ağır cəzalandırılması, səlahiyyətli şəxslərin cəzalanması, bu sahədə çalışan diplomatik nümayəndələr və digər dövlət qurumlarının təmsilçilərinin təlim keçməsi kimi məqamlara toxunulur. Bunlar həlli mümkün olan məsələlərdir. Azərbaycan hökuməti bir daha sübut etdi ki, hər il yayılan hesabatlara diqqətlə yanaşır və problemlərin həllinə səy göstərir".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...