Builki tələbə qəbulu testlərinin fantastik 700-lük nəticələri...

Tarix: 30.07.2015 / 02:34
Bölmə: Gündəm

Məhərrəm Zülfüqarlı: "İndi təsəvvür edin ki, nə

qədər vəsait Azərbaycan büdcəsindən kənara axır"

"Yəqin ki, bizim təkliflərimizdən

doğan nəticə bu mənzərəni yaradıb"

Tələbə Qəbulu üzrə Dövlət Komissiyası II və III ixtisas qrupları üzrə imtahan nəticələrini açıqlayıb. II və III ixtisas qrupları üzrə 6 nəfər 700 bal toplayıb. Novruzova Lalə III qrup üzrə maksimum nəticə göstərib.

Cəbrayıl rayonunun məcburi köçkün ailəsində dünyaya gələn Lalə Biləsuvar rayonunda onlar üçün salınan 9 saylı qəsəbədə qalır və burada məktəbə gedib. Orta məktəbi yüksək qiymətlərlə başa vuran Lalə iki il repetitor yanına hazırlığa gedib. Özünə güvəndiyini deyən Lalə imtahandan yüksək nəticə göstərəcəyinə əmin olduğunu vurğulayıb.

Lalə Prezident yanında Dövlət İdarəçilik Akademiyasının hüquqşünaslıq fakültəsinə daxil olmaq arsuzunda olduğunu bildirib.

Abdulrəhimov Kamran yüksək nəticə göstərəcəyinə əmin olsa da, 700 bal toplamağın şans olduğunu vurğulayıb: "Sınaq imtahanlarından maksimum 682 bal toplamışam. Kürdəmir rayonunda orta məktəbi 7-ci sinfə qədər oxumuşam, 7-10-cu sinifləri Ağdaş Türk Liseyində, son 1-ci sinfi isə Türkiyə Dəyanət Vakfının Bakı Türk Liseyində oxumuşam. Keçən il Ağdaş Türk Liseyində, bu il isə Türkiyə Dəyanət Vakfının Bakı Türk Liseyində hazırlaşmışam. Qızıl medala namizədliyimi vermişəm. İnşallah, sənədlərimi Bakı Dövlət Universitetinin hüquq fakültəsinə vermək istəyirəm".

Əfəndiyeva Xəyalə Qəbələ rayon Vəndam kənd orta məktəbinin məzunudur. İki il repetitor yanında hazırlaşan Xəyalə özünə güvənsə də, 700 bal toplayacağını gözləmədiyini vurğulayıb.

Qasımov Elçin ailədə yüksək bal toplayan yeganə şəxs deyil. Belə ki, onun bacısı Gülçin də bu il qəbul imtahanında II qrup üzrə 685 bal toplayıb: "Düzü, belə nəticəni gözləmirdim, çünki kodlaşdırmadan sonra 1-2 səhv olacağını gözləyirdim. Amma nəticələr açıqlananda 700 bal olduğunu gördüm. Bacımla Gəncə şəhər 1 saylı orta məktəbin məzunlarıyıq. Bütün qiymətlərim əladır, buraxılış imtahanlarını "5"-lə vermişəm. Fikrimdə ADA Universitetində oxumağı tutmuşdum. Amma orada təhsil ödənişli olduğu üçün başqa ali təhsil müəssisələrini seçmək məcburiyyətində qalıram. Əgər ADA Universitetində bizim üçün ödənişsiz təhsil imkanı yaratsaydılar, oranı böyük məmnuniyyətlə seçərdim".

İsgəndərov Əli Xırdalan şəhəri Bəxtiyar Cəfərov adına 3 saylı məktəbin məzunudur. Məktəbdən xeyli fəxri fərmanlar alan Əli Təhsil Nazirliyinin qızıl medalına da namizəddir.

Göründüyü kimi, ən maksimum sayılan 700 ballıq nəticə onu toplayan abituriyentlərin özünü də təəccübləndirir. Belə yüksək nəticənin məhz bu ildə qazanılması nə ilə bağlı ola bilər: test sualları asanlaşıb, yoxsa abituriyentlərin hazırlıq səviyyəsi yüksəlib?

Təhsil məsələləri üzrə ekspert Məhərrəm Zülfüqarlı qəzetimizə açıqlamasında bildirdi ki, bunun ən başlıca səbəbi test suallarının asanlaşdırılması ilə bağlıdır: "Bilirsiniz ki, ölkədən xaricdə təhsil almaq üçün güclü axın var. Bir çox əcnəbi universitetlər qəbulu yalnız attestatla keçirir. Yəni burada qəbul olunmayan abituriyent attestatını təqdim etməklə xaricdə təhsil ala bilir. Təbii ki, həmin universitetlərdə təhsil ödənişlidir. İndi təsəvvür edin ki, nə qədər vəsait Azərbaycan büdcəsindən kənara axır. Bunları nəzərə alaraq biz dəfələrlə qəbulun sadələşdirilməsini, universitetlərdəki tədrisin isə tam təkmilləşdirilməsini tələb etmişdik. Yəqin ki, bizim təkliflərimizdən doğan nəticə bu mənzərəni yaradıb. Yəni test sualları nisbətən sadələşdirilib. Gələcəkdə qəbulu lap sadələşdirmək lazımdır ki, ölkənin pulu xaricə axmasın".

Məhəmmədəli QƏRİBLİ

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...