Ərdoğanın "kürd açılımı" prosesinin iflas səbəbləri...

Tarix: 30.07.2015 / 03:37
Bölmə: Gündəm

Qabil Hüseynli: "Proseslərin təhlili göstərir ki, "kürd açılımı" kürdlərin..."

"Parlamentdə kifayət qədər yer alan kürdlər yalnız terror təşkilatının deyil, dövlətin də

silahı yerə qoymasının gərəkliyini bildirir"

Türkiyədə son günlər baş verən hadisələr hakim Ədalət və İnkişaf Partiyasının müəllifi olduğu "kürd açılımı" siyasətinin artıq fiaskoya uğramaq üzrə olduğunu göstərir.

Hadisələrin gedişi göstərir ki, kürdlər üçün də böyük dividendlər gətirən "kürd açılımı" siyasətinin belə acınacaqlı tale yaşamasının əsas baiskarı PKK terror təşkilatıdır. Məhz PKK üzündən "kürd açılımı" siyasətinin reallaşması getdikcə dalana dirənir.

Qeyd edək ki, "kürd açılımı" kürdlərə mədəni muxtariyyətin və digər imtiyazların verilməsini nəzərdə tutur. Bu plan AKP-nin daxili siyasətində hər zaman prioritet məsələlərdən biri olub. Hələ 2005-ci ildə o vaxt baş nazir olan Rəcəb Tayyib Ərdoğan ölkədə mövcud olan kürd problemini həll etmək istəyində olduqlarını bildirib. Lakin 2008-ci ilin noyabr ayında Hakkari vilayətinin Şəmdinli rayonunun Aktütün məntəqəsinə PKK terrorçularının hücumu "kürd açılımı" məsələsini arxa plana atdı. Buna baxmayaraq, bir neçə il sonra məsələ yenidən gündəmə gətirildi. Hətta PKK terror təşkilatının indiki liderlərindən olan Murat Karayılan Türkiyə ilə dialoqa hazır olduqlarını bildirdi.

Hazırda PKK Türkiyə daxilində yenidən aktiv fəaliyyətə keçib. Belə vəziyyətdə PKK yaraqlılarının yenidən Türkiyəyə dönməsi isə vəziyyəti daha da gərginləşdirir. Artıq Türkiyənin inkişaf naziri Cevdet Yılmaz silahlı ünsürlərin hələ də dağlarda olduğunu bildirib: "Silahların ölkə xaricinə çıxdığını görmədik. Fikrimcə, işin ən problemli tərəflərindən biri budur. Həll prosesi başlayanda silahlı ünsürlərin ölkədən çəkilməsi əsas şərtlərdən idi. Təəssüf ki, bunun həyata keçirildiyini görmədik. Yaşanan hadisələrdə də gördük ki, dağlarda silahlı ünsürlər var".

Hazırda "kürd açılımı"ndan sonra Türkiyə ilk dəfə PKK-ya qarşı genişmiqyaslı hərbi əməliyyata başlayıb və görünən budur ki, Ərdoğanın müəllifi olduğu proje iflasa uğrayıb. Səbəb nədir?

Politoloq Qabil Hüseynli bildirdi ki, şəxsən o, Ərdoğanın rəhbəri olduğu "kürd açılımı" layihəsinin heç bir perspektiv vəd etmədiyini dəfələrlə söyləyib. Sabiq dövlət müşavirinin fikrincə, əksinə, həmin siyasət terrora meylli olan kürdlərin əl-qolunu açmış oldu: "Türkiyədə baş verən son terror hadisəsindən sonra ölkə ərazisində məskunlaşan kürdlər hökumətə, güc orqanlarına qarşı ittihamlar irəli sürür, onları bu işə ortaq olmaqda, onun qarşısını almamaqda suçlayırlar. Ümumiyyətlə, proseslərin təhlili göstərir ki, "kürd açılımı" kürdlərin cızığından çıxmasına səbəb olub.

İş o yerə çatıb ki, parlamentdə kifayət qədər yer alan kürdlər yalnız terror təşkilatının deyil, dövlətin də silahı yerə qoymasının gərəkliyini bildirir və iddia edirlər ki, silah hər iki tərəfdən yerə qoyulmalıdır.

Göründüyü kimi, terror təşkilatı özünü dövlətə tərəf hesab edir və onu silahı yerə qoymağa çağırır. Bütün bunlar bir daha göstərir ki, terror təşkilatı və onun havadarları getdikcə həyasızlaşmaqdadır və onlarla bağlı ciddi tədbirlər görülməyəcəyi təqdirdə vəziyyət daha da ağırlaşa bilər".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...