Azərbaycanın 14-18 yaşlı canilər problemi...

Tarix: 29.07.2015 / 02:45
Bölmə: Gündəm

Əli İsaoğlu: "Azyaşlı uşaq cinayətkarlığı günümüzün çox ağrılı problemidir"

"Cinayət törədən uşaqların

əksəriyyəti ailə və məktəb

nəzarətindən kənarda qalanlardır"

Azərbaycanda cinayət törədən uşaqların sayı açıqlanıb. Açıqlanan statistik rəqəmlərə əsasən, cinayət törətmiş şəxslərin ümumi sayında qəsdən sağlamlığa ağır zərərvurma və soyğunçuluq növləri üzrə cinayət törədən 14-18 yaşlı uşaqların xüsusi çəkisi artıb.

Dövlət Statistika Komitəsinin yaydığı məlumata görə, 2012-ci ildə cinayət törətmiş şəxslərin ümumi sayında qəsdən sağlamlığa ağır zərər vurma növü üzrə cinayət törədən 14-18 yaşlı uşaqların xüsusi çəkisi 8 faiz, 2013-cü ildə 9 faiz, 2014-cü ildə isə 13,7 faiz olub.

Cinayət törətmiş şəxslərin ümumi sayında soyğunçuluq növü üzrə cinayət törədən 14-18 yaşlı uşaqların xüsusi çəkisi 2012-ci ildə 5,4 faiz, 2013-cü ildə 8,6 faiz, 2014-cü ildə isə 12,3 faiz olub. Bu yaşda uşaqlar arasında narkotik maddələrlə bağlı cinayətlər isə tamamilə azalaraq sıfır faiz səviyyəsinə enib.

Uşaqlar arasında cinayətkarlığın artması ekspertləri də ciddi şəkildə narahat edir. Hüquqşünas Əli İsaoğlu məsələ ilə bağlı bizimlə söhbətində bildirdi ki, ailədə diqqətdən kənarda qalan uşaq yad təsirə tez düşür: "Respublikada cinayət törədən uşaqların əksəriyyəti ailə və məktəb nəzarətindən kənarda qalan uşaqlardır. Ailələr uşağa qayğı və diqqət göstərməlidir. Bunu görməyəndə uşaq ailədən yayınacaq və kənar təsirlərə düşəcək. Cinayət törədən uşaqların 60-70 faizini işləməyən, oxumayan uşaqlar təşkil edir. Cinayət törədən uşaqlar əsasən orta təbəqədən olan ailələrin uşaqlarıdır. Bu uşaqların yarısı ailəsində müəyyən sosial problemlər olan uşaqlardır. Valideynlərindən biri qazanc məqsədilə ölkədən kənarda olan uşaqlar da bu sırada yer alır. Lakin cinayət törədən uşaqlar arasında problemli ailələrdən olan, hər iki valideyni olan, imkanlı ailələrin uşaqlarına da rast gəlinir".

Həmsöhbətimiz onu da əlavə etdi ki, azyaşlı uşaq cinayətkarlığı günümüzün çox ağrılı problemidir. Uşaqların vəhşicəsinə törətdiyi cinayətlər tükürpədicidir: "İndi əksər ailələrdə uşaqlarla valideynlər arasında pərdə götürülüb. Əvvəllər hansısa böyük problemdən cinayətlər törədilirdisə, indi bu adi hal alıb. Kiçik söhbətlərdən yaranan ailədaxili münaqişələr nəticəsində bıçaqlanma, eləcə də gənclərin bir-birinə küt alətlərlə ağır bədən xəsarətləri yetirməsi cinayətləri ilə tez-tez rastlaşırıq. İndi müxtəlif telekanallar kütləvi şəkildə uşaq psixologiyasına zidd kinolar yayımlayır. Ailələrdə uşaq tərbiyəsi ilə düzgün məşğul olmağı bacarmayan valideynlər daha çoxdur. Maddi vəziyyəti yaxşı olan ailələrin övladlarında elə düşüncə tərzi formalaşıb ki, onlar cəmiyyətdə hər şeyə qadirdir. Uşaq cinayətkarlığı ilə bütün cəmiyyət mübarizə aparmalıdır. Qəzetlərin, jurnalların bu sahədə apardığı maarifləndirmə nə qədər güclü olsa da, mətbuat bilavasitə ailə daxilinə nüfuz edə bilmir. İlk növbədə ailə, sonra məktəb, daha sonra isə televiziyalarda maarifləndirmə işi aparılmalıdır".

Günel CƏLİLOVA

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...