Nə qədər ki, AZAL-ın güclü alternativi yoxdur...

Tarix: 29.07.2015 / 02:49
Bölmə: Gündəm

Qulu İbrahimov: "AZAL-la rəqabət apara bilən şirkətlər üçün şərait yaradılmalıdır"

"Belə olarsa, fərqli mənzərəni görərik"

Prezidentin rəhbərliyilə keçirilən son müşavirədə AZAL-la bağlı şəxsən cənab İlham Əliyevin böyük narahatlıq ifadə etməsindən sonra nəyin şahidi oluruq? Görünən budur ki, AZAL-a silkələnən barmaqdan qurum lazım olan nəticəni çıxarmayıb. AZAL rəhbərliyi guya Prezident tapşırığını yerinə yetirmək üçün qiymət "islahatları"na başlayıb: dəyişilən yeganə şey isə ya həftədə bir neçə reysin qiymətinin endirilməsi, ya da eyni təyyarələrdə uçacaq sərnişinlərin 30%-nə şamil ediləcək güzəştdir.

Qəribədir ki, gözdən pərdə asmağa yarayan bu "güzəştli qiymət siyasəti" hətta bütün reyslərə də şamil olunmadı. Yalnız Antalya, Moskva, İstanbul və Dubay yolçuları Prezidentin tapşırığından öz nəsiblərini alacaqlar. Dünyanın başqa yerlərinə uçmağa hazırlaşan Azərbaycan vətəndaşları isə yenə ya AZAL-ın cib yandıran qiymət siyasətinə boyun əyməli, ya da Bakıdan Tiflisə gedib Gürcüstan Hava Yollarının xidmətindən istifadə etməli olacaq.

O da bir ayrı məsələdir ki, həftədə 3 dəfə güzəştli uçuş təyin olunması belə xeyli mübahisəli qərardır. AZAL rəhbərliyinin gözlərini doydurmaq üçün həmin təyyarələrin gedəcəyi ünvana boş uçub-uçmayacağına, yaxud ucuz biletlərin yalnız "güzəştli" vətəndaşlara satılıb-satılmayacağına heç kim təminat verə bilməz. Hər halda, tamamilə əsassız yerə "güzəştli reyslərə biletimiz qurtarıb" demək səlahiyyəti yenə aviakassaların öhdəsindədir və səfərə çıxmaq istəyən vətəndaşların bunu yoxlamaq imkanı yoxdur.

Təbii ki, təyyarə biletlərinin ucuzlaşdırılmasının yalnız şirkət sahibinin vicdanına qalması gözlənilən nəticəni verməyəcək, bilet qiymətləri üzərində spekulyasiyalara şərait yaradacaq.

AZAL rəhbərliyinin bu qeyri-adi qiymət siyasəti də bu cür şübhələrə əsas verir və sübut edir ki, qurum sürətli endirim etməkdə ciddi maraqlı deyil. Ən azı, xəsisliklə qiymət endirimilə bağlı verilən elanlar bunu demeyə əsas verir.

Şirkətin rəhbərliyi anlamaq istəmir ki, AZAL-ın baha qiymətləri, istər-istəməz, onun qonşularımız Gürcüstan, Rusiya, Türkiyə hava yolları şirkətlərinə uduzması ilə nəticələnir. Azərbaycan insanı digər şirkətlərdə həm qiymətin münasibliyini, həm də xidmət səviyyəsinin əlverişliliyini nəzərə alıb onlara yönəlir. Nəticədə öz yarıtmaz fəaliyyətilə müştərisini itirən AZAL tədricən iflasa doğru sürüklənir.

Zənnimizcə, bu problemin daha bir optimal yolu da var.

AZAL kimi sözeşitməz şirkətdən güzəşt gözləyincə, digər yerli və xarici şirkətləri Azərbaycana dəvət etmək olar. Bununla da sağlam rəqabətin cənginə atılacaq AZAL-ın özü vəziyyətdən çıxış yolu axtarmalı olacaq.

Azad rəqabət AZAL-a Prezidentin nə demək istədiyini daha əyani şəkildə başa sala bilər.

İqtisadçı Qulu İbrahimovun fikrincə, sərbəst rəqabət bazar iqtisadiyyatının vacib şərtlərindən sayılır: "İqtisadiyyatda hər detal tələb və təklif əsasında formalaşır. Sağlam rəqabət həm də bu münasibətlərdən doğan normaları tarazlayır. Bu, direktivlə idarə edilən proses deyil. Azərbaycan iqtisadiyyatının bəzi seqmentlərində monopoliyalaşma hiss edilir. Bu, hökuməti də ciddi narahat edir. Dəfələrlə cənab Prezidentin özü də belə narahatlığı ifadə edib. Rəqabətin yaratdığı başlıca üstünlük qiymət və keyfiyyətin bizə lazım olan həddə çatmasıdır. AZAL sərnişindaşımanın ən bahalı növünə monopolistlik edir. Ola bilər ki, başqa şirkətlər də var, ancaq onların çoxu bilet alıb-satmaqla məşğuldur.

AZAL-la sağlam rəqabət apara bilən, ən azı texnoparkı bununku qədər olan bir və ya iki şirkət rəqabətə buraxılarsa, vəziyyət tamamilə başqa cür olar.

Əminəm ki, AZAL bu cür sərbəst qiymət manevri edə bilməzdi. Bazarın öz qanunları onu lazım olan çərçivəyə salmış olardı. Hesab edirəm ki, AZAL-la rəqabət apara bilən şirkətlər üçün şərait yaradılmalıdır. Belə olarsa, fərqli mənzərəni görərik".

Məhəmmədəli QƏRİBLİ

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...